੫. ਇਸਿਮੁਗ੍ਗਦਾਯਕਤ੍ਥੇਰਅਪਦਾਨਂ

੨੪. ‘‘ਉਦੇਨ੍ਤਂ ਸਤਰਂਸਿਂਵ, ਪੀਤਰਂਸਿਂਵ [ਸਿਤਰਂਸਿਂਵ (ਸੀ.)] ਭਾਣੁਮਂ;

ਕਕੁਧਂ ਵਿਲਸਨ੍ਤਂਵ, ਪਦੁਮੁਤ੍ਤਰਨਾਯਕਂ.

੨੫. ‘‘ਇਸਿਮੁਗ੍ਗਾਨਿ ਪਿਸਿਤ੍ਵਾ [ਇਸਿਸੁਗ੍ਗਾਨਿ ਪਿਂਸੇਤ੍ਵਾ (ਸੀ.), ਇਸਿਮੁਗ੍ਗਂ ਨਿਮਨ੍ਤੇਤ੍ਵਾ (ਸ੍ਯਾ.)], ਮਧੁਖੁਦ੍ਦੇ ਅਨੀਲ਼ਕੇ;

ਪਾਸਾਦੇਵ ਠਿਤੋ ਸਨ੍ਤੋ, ਅਦਾਸਿਂ ਲੋਕਬਨ੍ਧੁਨੋ.

੨੬. ‘‘ਅਟ੍ਠਸਤਸਹਸ੍ਸਾਨਿ, ਅਹੇਸੁਂ ਬੁਦ੍ਧਸਾਵਕਾ;

ਸਬ੍ਬੇਸਂ ਪਤ੍ਤਪੂਰੇਨ੍ਤਂ [ਪਤ੍ਤਪੂਰਂ ਤਂ (ਸੀ.)], ਤਤੋ ਚਾਪਿ ਬਹੁਤ੍ਤਰਂ.

੨੭. ‘‘ਤੇਨ ਚਿਤ੍ਤਪ੍ਪਸਾਦੇਨ, ਸੁਕ੍ਕਮੂਲੇਨ ਚੋਦਿਤੋ;

ਕਪ੍ਪਾਨਂ ਸਤਸਹਸ੍ਸਂ, ਦੁਗ੍ਗਤਿਂ ਨੁਪਪਜ੍ਜਹਂ.

੨੮. ‘‘ਚਤ੍ਤਾਲੀਸਮ੍ਹਿ ਸਹਸ੍ਸੇ, ਕਪ੍ਪਾਨਂ ਅਟ੍ਠਤਿਂਸ ਤੇ;

ਇਸਿਮੁਗ੍ਗਸਨਾਮਾ [ਮਹਿਸਮਨ੍ਤਨਾਮਾ (ਸ੍ਯਾ.)] ਤੇ, ਚਕ੍ਕਵਤ੍ਤੀ ਮਹਬ੍ਬਲਾ.

੨੯. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਇਸਿਮੁਗ੍ਗਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਇਸਿਮੁਗ੍ਗਦਾਯਕਤ੍ਥੇਰਸ੍ਸਾਪਦਾਨਂ ਪਞ੍ਚਮਂ.