੩. ਕੋਟੁਮ੍ਬਰਿਯਤ੍ਥੇਰਅਪਦਾਨਂ

੧੨. ‘‘ਕਣਿਕਾਰਂਵ ਜੋਤਨ੍ਤਂ, ਨਿਸਿਨ੍ਨਂ ਪਬ੍ਬਤਨ੍ਤਰੇ;

ਅਪ੍ਪਮੇਯ੍ਯਂਵ ਉਦਧਿਂ, ਵਿਤ੍ਥਤਂ ਧਰਣਿਂ ਯਥਾ.

੧੩. ‘‘ਪੂਜਿਤਂ [ਪਰੇਤਂ (ਸੀ.)] ਦੇਵਸਙ੍ਘੇਨ, ਨਿਸਭਾਜਾਨਿਯਂ ਯਥਾ;

ਹਟ੍ਠੋ ਹਟ੍ਠੇਨ ਚਿਤ੍ਤੇਨ, ਉਪਾਗਚ੍ਛਿਂ ਨਰੁਤ੍ਤਮਂ.

੧੪. ‘‘ਸਤ੍ਤਪੁਪ੍ਫਾਨਿ ਪਗ੍ਗਯ੍ਹ, ਕੋਟੁਮ੍ਬਰਸਮਾਕੁਲਂ;

ਬੁਦ੍ਧਸ੍ਸ ਅਭਿਰੋਪੇਸਿਂ, ਸਿਖਿਨੋ ਲੋਕਬਨ੍ਧੁਨੋ.

੧੫. ‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਪੁਪ੍ਫਮਭਿਰੋਪਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.

੧੬. ‘‘ਇਤੋ ਵੀਸਤਿਕਪ੍ਪਮ੍ਹਿ, ਮਹਾਨੇਲਸਨਾਮਕੋ;

ਏਕੋ ਆਸਿ ਮਹਾਤੇਜੋ, ਚਕ੍ਕਵਤ੍ਤੀ ਮਹਬ੍ਬਲੋ.

੧੭. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਕੋਟੁਮ੍ਬਰਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਕੋਟੁਮ੍ਬਰਿਯਤ੍ਥੇਰਸ੍ਸਾਪਦਾਨਂ ਤਤਿਯਂ.