੨. ਬਨ੍ਧੁਜੀਵਕਤ੍ਥੇਰਅਪਦਾਨਂ

੬. ‘‘ਸਿਦ੍ਧਤ੍ਥੋ ਨਾਮ ਸਮ੍ਬੁਦ੍ਧੋ, ਸਯਮ੍ਭੂ ਸਬ੍ਭਿ ਵਣ੍ਣਿਤੋ;

ਸਮਾਧਿਂ ਸੋ ਸਮਾਪਨ੍ਨੋ, ਨਿਸੀਦਿ ਪਬ੍ਬਤਨ੍ਤਰੇ.

੭. ‘‘ਜਾਤਸ੍ਸਰੇ ਗਵੇਸਨ੍ਤੋ, ਦਕਜਂ ਪੁਪ੍ਫਮੁਤ੍ਤਮਂ;

ਬਨ੍ਧੁਜੀਵਕਪੁਪ੍ਫਾਨਿ, ਅਦ੍ਦਸਂ ਸਮਨਨ੍ਤਰਂ.

੮. ‘‘ਉਭੋ ਹਤ੍ਥੇਹਿ ਪਗ੍ਗਯ੍ਹ, ਉਪਾਗਚ੍ਛਿਂ ਮਹਾਮੁਨਿਂ;

ਪਸਨ੍ਨਚਿਤ੍ਤੋ ਸੁਮਨੋ, ਸਿਦ੍ਧਤ੍ਥਸ੍ਸਾਭਿਰੋਪਯਿਂ.

੯. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਪੁਪ੍ਫਮਭਿਰੋਪਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.

੧੦. ‘‘ਇਤੋ ਚਾਤੁਦ੍ਦਸੇ ਕਪ੍ਪੇ, ਏਕੋ ਆਸਿਂ ਜਨਾਧਿਪੋ;

ਸਮੁਦ੍ਦਕਪ੍ਪੋ ਨਾਮੇਨ, ਚਕ੍ਕਵਤ੍ਤੀ ਮਹਬ੍ਬਲੋ.

੧੧. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਬਨ੍ਧੁਜੀਵਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਬਨ੍ਧੁਜੀਵਕਤ੍ਥੇਰਸ੍ਸਾਪਦਾਨਂ ਦੁਤਿਯਂ.