੧੦. ਤਿਵਣ੍ਟਿਪੁਪ੍ਫਿਯਤ੍ਥੇਰਅਪਦਾਨਂ

੫੭. ‘‘ਅਭਿਭੂਤਂ ਪਨਿਜ੍ਝਨ੍ਤਿ [ਅਭਿਭੂਤੋਪਨਿਜ੍ਝਨ੍ਤਿ (ਸੀ.)], ਸਬ੍ਬੇ ਸਙ੍ਗਮ੍ਮ ਤੇ ਮਮਂ [ਅਭਿਭੁਂ ਥੇਰਂ ਪਨਿਜ੍ਝਾਮ, ਸਬ੍ਬੇ ਸਙ੍ਗਮ੍ਮ ਤੇ ਮਯਂ (ਸ੍ਯਾ.)];

ਤੇਸਂ ਨਿਜ੍ਝਾਯਮਾਨਾਨਂ, ਪਰਿਲ਼ਾਹੋ ਅਜਾਯਥ.

੫੮. ‘‘ਸੁਨਨ੍ਦੋ ਨਾਮ ਨਾਮੇਨ, ਬੁਦ੍ਧਸ੍ਸ ਸਾਵਕੋ ਤਦਾ;

ਧਮ੍ਮਦਸ੍ਸਿਸ੍ਸ ਮੁਨਿਨੋ, ਆਗਚ੍ਛਿ ਮਮ ਸਨ੍ਤਿਕਂ.

੫੯. ‘‘ਯੇ ਮੇ ਬਦ੍ਧਚਰਾ ਆਸੁਂ, ਤੇ ਮੇ ਪੁਪ੍ਫਂ ਅਦੁਂ ਤਦਾ;

ਤਾਹਂ ਪੁਪ੍ਫਂ ਗਹੇਤ੍ਵਾਨ, ਸਾਵਕੇ ਅਭਿਰੋਪਯਿਂ.

੬੦. ‘‘ਸੋਹਂ ਕਾਲਂਕਤੋ ਤਤ੍ਥ, ਪੁਨਾਪਿ ਉਪਪਜ੍ਜਹਂ;

ਅਟ੍ਠਾਰਸੇ ਕਪ੍ਪਸਤੇ, ਵਿਨਿਪਾਤਂ ਨ ਗਚ੍ਛਹਂ.

੬੧. ‘‘ਤੇਰਸੇਤੋ ਕਪ੍ਪਸਤੇ, ਅਟ੍ਠਾਸੁਂ ਧੂਮਕੇਤੁਨੋ;

ਸਤ੍ਤਰਤਨਸਮ੍ਪਨ੍ਨਾ, ਚਕ੍ਕਵਤ੍ਤੀ ਮਹਬ੍ਬਲਾ.

੬੨. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਤਿਵਣ੍ਟਿਪੁਪ੍ਫਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ;

ਤਿਵਣ੍ਟਿਪੁਪ੍ਫਿਯਤ੍ਥੇਰਸ੍ਸਾਪਦਾਨਂ ਦਸਮਂ.

ਕੁਟਜਪੁਪ੍ਫਿਯਵਗ੍ਗੋ ਏਕੂਨਵੀਸਤਿਮੋ.