੮. ਮਣਿਪੂਜਕਤ੍ਥੇਰਅਪਦਾਨਂ

੩੪. ‘‘ਓਰੇਨ ਹਿਮਵਨ੍ਤਸ੍ਸ, ਨਦਿਕਾ ਸਮ੍ਪਵਤ੍ਤਥ;

ਤਸ੍ਸਾ ਚਾਨੁਪਖੇਤ੍ਤਮ੍ਹਿ, ਸਯਮ੍ਭੂ ਵਸਤੇ ਤਦਾ.

੩੫. ‘‘ਮਣਿਂ ਪਗ੍ਗਯ੍ਹ ਪਲ੍ਲਙ੍ਕਂ, ਸਾਧੁਚਿਤ੍ਤਂ ਮਨੋਰਮਂ;

ਪਸਨ੍ਨਚਿਤ੍ਤੋ ਸੁਮਨੋ, ਬੁਦ੍ਧਸ੍ਸ ਅਭਿਰੋਪਯਿਂ.

੩੬. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਮਣਿਂ ਅਭਿਰੋਪਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.

੩੭. ‘‘ਇਤੋ ਚ ਦ੍ਵਾਦਸੇ ਕਪ੍ਪੇ, ਸਤਰਂਸੀਸਨਾਮਕਾ;

ਅਟ੍ਠ ਤੇ ਆਸੁਂ ਰਾਜਾਨੋ, ਚਕ੍ਕਵਤ੍ਤੀ ਮਹਬ੍ਬਲਾ.

੩੮. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਮਣਿਪੂਜਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਮਣਿਪੂਜਕਤ੍ਥੇਰਸ੍ਸਾਪਦਾਨਂ ਅਟ੍ਠਮਂ.