੫. ਸੀਹਾਸਨਦਾਯਕਤ੍ਥੇਰਅਪਦਾਨਂ

੨੧. ‘‘ਨਿਬ੍ਬੁਤੇ ਲੋਕਨਾਥਮ੍ਹਿ, ਪਦੁਮੁਤ੍ਤਰਨਾਯਕੇ;

ਪਸਨ੍ਨਚਿਤ੍ਤੋ ਸੁਮਨੋ, ਸੀਹਾਸਨਮਦਾਸਹਂ.

੨੨. ‘‘ਬਹੂਹਿ ਗਨ੍ਧਮਾਲੇਹਿ, ਦਿਟ੍ਠਧਮ੍ਮਸੁਖਾਵਹੇ;

ਤਤ੍ਥ ਪੂਜਞ੍ਚ ਕਤ੍ਵਾਨ, ਨਿਬ੍ਬਾਯਤਿ ਬਹੁਜ੍ਜਨੋ.

੨੩. ‘‘ਪਸਨ੍ਨਚਿਤ੍ਤੋ ਸੁਮਨੋ, ਵਨ੍ਦਿਤ੍ਵਾ ਬੋਧਿਮੁਤ੍ਤਮਂ;

ਕਪ੍ਪਾਨਂ ਸਤਸਹਸ੍ਸਂ, ਦੁਗ੍ਗਤਿਂ ਨੁਪਪਜ੍ਜਹਂ.

੨੪. ‘‘ਪਨ੍ਨਰਸਸਹਸ੍ਸਮ੍ਹਿ, ਕਪ੍ਪਾਨਂ ਅਟ੍ਠ ਆਸੁ ਤੇ [ਅਟ੍ਠ ਆਸਯੁਂ (ਕ.)];

ਸਿਲੁਚ੍ਚਯਸਨਾਮਾ ਚ, ਰਾਜਾਨੋ ਚਕ੍ਕਵਤ੍ਤਿਨੋ.

੨੫. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਸੀਹਾਸਨਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ;

ਸੀਹਾਸਨਦਾਯਕਤ੍ਥੇਰਸ੍ਸਾਪਦਾਨਂ ਪਞ੍ਚਮਂ.