੨. ਕਣਵੇਰਪੁਪ੍ਫਿਯਤ੍ਥੇਰਅਪਦਾਨਂ

੭. ‘‘ਸਿਦ੍ਧਤ੍ਥੋ ਨਾਮ ਭਗਵਾ, ਲੋਕਜੇਟ੍ਠੋ ਨਰਾਸਭੋ;

ਪੁਰਕ੍ਖਤੋ ਸਾਵਕੇਹਿ, ਨਗਰਂ ਪਟਿਪਜ੍ਜਥ.

੮. ‘‘ਰਞ੍ਞੋ ਅਨ੍ਤੇਪੁਰੇ ਆਸਿਂ, ਗੋਪਕੋ ਅਭਿਸਮ੍ਮਤੋ;

ਪਾਸਾਦੇ ਉਪਵਿਟ੍ਠੋਹਂ, ਅਦ੍ਦਸਂ ਲੋਕਨਾਯਕਂ.

੯. ‘‘ਕਣਵੇਰਂ [ਕਰਵੀਰਂ (ਸਕ੍ਕਤਾਨੁਲੋਮਂ), ਕਣਵੀਰਂ (ਪਾਕਤ)] ਗਹੇਤ੍ਵਾਨ, ਭਿਕ੍ਖੁਸਙ੍ਘੇ ਸਮੋਕਿਰਿਂ;

ਬੁਦ੍ਧਸ੍ਸ ਵਿਸੁਂ ਕਤ੍ਵਾਨ, ਤਤੋ ਭਿਯ੍ਯੋ ਸਮੋਕਿਰਿਂ.

੧੦. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ [ਰੋਪਯਿਂ (ਸ੍ਯਾ.)];

ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.

੧੧. ‘‘ਸਤ੍ਤਾਸੀਤਿਮ੍ਹਿਤੋ ਕਪ੍ਪੇ, ਚਤੁਰਾਸੁਂ ਮਹਿਦ੍ਧਿਕਾ;

ਸਤ੍ਤਰਤਨਸਮ੍ਪਨ੍ਨਾ, ਚਕ੍ਕਵਤ੍ਤੀ ਮਹਬ੍ਬਲਾ.

੧੨. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਕਣਵੇਰਪੁਪ੍ਫਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਕਣਵੇਰਪੁਪ੍ਫਿਯਤ੍ਥੇਰਸ੍ਸਾਪਦਾਨਂ ਦੁਤਿਯਂ.