੭. ਮਗ੍ਗਦਾਯਕਤ੍ਥੇਰਅਪਦਾਨਂ

੩੨. ‘‘ਉਤ੍ਤਰਿਤ੍ਵਾਨ ਨਦਿਕਂ, ਵਨਂ ਗਚ੍ਛਤਿ ਚਕ੍ਖੁਮਾ;

ਤਮਦ੍ਦਸਾਸਿਂ ਸਮ੍ਬੁਦ੍ਧਂ, ਸਿਦ੍ਧਤ੍ਥਂ ਵਰਲਕ੍ਖਣਂ.

੩੩. ‘‘ਕੁਦਾਲ [ਕੁਦ੍ਦਾਲ (ਸੀ. ਸ੍ਯਾ.)] ਪਿਟਕਮਾਦਾਯ, ਸਮਂ ਕਤ੍ਵਾਨ ਤਂ ਪਥਂ;

ਸਤ੍ਥਾਰਂ ਅਭਿਵਾਦੇਤ੍ਵਾ, ਸਕਂ ਚਿਤ੍ਤਂ ਪਸਾਦਯਿਂ.

੩੪. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਕਮ੍ਮਮਕਰਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਮਗ੍ਗਦਾਨਸ੍ਸਿਦਂ ਫਲਂ.

੩੫. ‘‘ਸਤ੍ਤਪਞ੍ਞਾਸਕਪ੍ਪਮ੍ਹਿ, ਏਕੋ ਆਸਿਂ ਜਨਾਧਿਪੋ;

ਨਾਮੇਨ ਸੁਪ੍ਪਬੁਦ੍ਧੋਤਿ, ਨਾਯਕੋ ਸੋ ਨਰਿਸ੍ਸਰੋ.

੩੬. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਮਗ੍ਗਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਮਗ੍ਗਦਾਯਕਤ੍ਥੇਰਸ੍ਸਾਪਦਾਨਂ ਸਤ੍ਤਮਂ.