੭. ਨਾਗਦਤ੍ਤਸੁਤ੍ਤਵਣ੍ਣਨਾ

੨੨੭. ਸਤ੍ਤਮੇ ਅਤਿਕਾਲੇਨਾਤਿ ਸਬ੍ਬਰਤ੍ਤਿਂ ਨਿਦ੍ਦਾਯਿਤ੍ਵਾ ਬਲਵਪਚ੍ਚੂਸੇ ਕੋਟਿਸਮ੍ਮੁਞ੍ਜਨਿਯਾ ਥੋਕਂ ਸਮ੍ਮਜ੍ਜਿਤ੍ਵਾ ਮੁਖਂ ਧੋਵਿਤ੍ਵਾ ਯਾਗੁਭਿਕ੍ਖਾਯ ਪਾਤੋਵ ਪਵਿਸਤਿ. ਅਤਿਦਿਵਾਤਿ ਯਾਗੁਂ ਆਦਾਯ ਆਸਨਸਾਲਂ ਗਨ੍ਤ੍ਵਾ ਪਿਵਿਤ੍ਵਾ ਏਕਸ੍ਮਿਂ ਠਾਨੇ ਨਿਪਨ੍ਨੋ ਨਿਦ੍ਦਾਯਿਤ੍ਵਾ – ‘‘ਮਨੁਸ੍ਸਾਨਂ ਭੋਜਨਵੇਲਾਯ ਪਣੀਤਂ ਭਿਕ੍ਖਂ ਲਭਿਸ੍ਸਾਮੀ’’ਤਿ ਉਪਕਟ੍ਠੇ ਮਜ੍ਝਨ੍ਹਿਕੇ ਉਟ੍ਠਾਯ ਧਮ੍ਮਕਰਣੇਨ ਉਦਕਂ ਗਹੇਤ੍ਵਾ ਅਕ੍ਖੀਨਿ ਪਮਜ੍ਜਿਤ੍ਵਾ ਪਿਣ੍ਡਾਯ ਚਰਿਤ੍ਵਾ ਯਾਵਦਤ੍ਥਂ ਭੁਞ੍ਜਿਤ੍ਵਾ ਮਜ੍ਝਨ੍ਹਿਕੇ ਵੀਤਿਵਤ੍ਤੇ ਪਟਿਕ੍ਕਮਤਿ. ਦਿਵਾ ਚ ਆਗਨ੍ਤ੍ਵਾਤਿ ਅਤਿਕਾਲੇ ਪਵਿਟ੍ਠੇਨ ਨਾਮ ਅਞ੍ਞੇਹਿ ਭਿਕ੍ਖੂਹਿ ਪਠਮਤਰਂ ਆਗਨ੍ਤਬ੍ਬਂ ਹੋਤਿ, ਤ੍ਵਂ ਪਨ ਅਤਿਵਿਯ ਦਿਵਾ ਆਗਨ੍ਤ੍ਵਾ ਗਤਾਸੀਤਿ ਅਤ੍ਥੋ. ਭਾਯਾਮਿ ਨਾਗਦਤ੍ਤਨ੍ਤਿ ਤਂ ਨਾਗਦਤ੍ਤਂ ਅਹਂ ਭਾਯਾਮਿ. ਸੁਪ੍ਪਗਬ੍ਭਨ੍ਤਿ ਸੁਟ੍ਠੁ ਪਗਬ੍ਭਂ. ਕੁਲੇਸੂਤਿ ਖਤ੍ਤਿਯਕੁਲਾਦਿਉਪਟ੍ਠਾਕਕੁਲੇਸੁ. ਸਤ੍ਤਮਂ.