੭-੯. ਉਡ੍ਡਿਤਸੁਤ੍ਤਾਦਿਵਣ੍ਣਨਾ

੬੭. ਸਤ੍ਤਮੇ ਤਣ੍ਹਾਯ ਉਡ੍ਡਿਤੋਤਿ ਤਣ੍ਹਾਯ ਉਲ੍ਲਙ੍ਘਿਤੋ. ਚਕ੍ਖੁਞ੍ਹਿ ਤਣ੍ਹਾਰਜ੍ਜੁਨਾ ਆਵੁਨਿਤ੍ਵਾ ਰੂਪਨਾਗਦਨ੍ਤੇ ਉਡ੍ਡਿਤਂ, ਸੋਤਾਦੀਨਿ ਸਦ੍ਦਾਦੀਸੂਤਿ ਤਣ੍ਹਾਯ ਉਡ੍ਡਿਤੋ ਲੋਕੋ. ਮਚ੍ਚੁਨਾ ਪਿਹਿਤੋਤਿ ਅਨਨ੍ਤਰੇ ਅਤ੍ਤਭਾਵੇ ਕਤਂ ਕਮ੍ਮਂ ਨ ਦੂਰਂ ਏਕਚਿਤ੍ਤਨ੍ਤਰਂ, ਬਲਵਤਿਯਾ ਪਨ ਮਾਰਣਨ੍ਤਿਕਵੇਦਨਾਯ ਪਬ੍ਬਤੇਨ ਵਿਯ ਓਤ੍ਥਟਤ੍ਤਾ ਸਤ੍ਤਾ ਤਂ ਨ ਬੁਜ੍ਝਨ੍ਤੀਤਿ ‘‘ਮਚ੍ਚੁਨਾ ਪਿਹਿਤੋ ਲੋਕੋ’’ਤਿ ਵੁਤ੍ਤਂ. ਸਤ੍ਤਮਂ.

੬੮. ਅਟ੍ਠਮੇ ਸ੍ਵੇਵ ਪਞ੍ਹੋ ਦੇਵਤਾਯ ਹੇਟ੍ਠੁਪਰਿਯਾਯਵਸੇਨ ਪੁਚ੍ਛਿਤੋ. ਅਟ੍ਠਮਂ.

੬੯. ਨਵਮੇ ਸਬ੍ਬਂ ਉਤ੍ਤਾਨਮੇਵ. ਨਵਮਂ.