੧੦. ਕਵਿਸੁਤ੍ਤਵਣ੍ਣਨਾ

੬੦. ਦਸਮੇ ਛਨ੍ਦੋ ਨਿਦਾਨਨ੍ਤਿ ਗਾਯਤ੍ਤਿਆਦਿਕੋ ਛਨ੍ਦੋ ਗਾਥਾਨਂ ਨਿਦਾਨਂ. ਪੁਬ੍ਬਪਟ੍ਠਾਪਨਗਾਥਾ ਆਰਭਨ੍ਤੋ ਹਿ ‘‘ਕਤਰਚ੍ਛਨ੍ਦੇਨ ਹੋਤੂ’’ਤਿ ਆਰਭਤਿ. ਵਿਯਞ੍ਜਨਨ੍ਤਿ ਜਨਨਂ. ਅਕ੍ਖਰਂ ਹਿ ਪਦਂ ਜਨੇਤਿ, ਪਦਂ ਗਾਥਂ ਜਨੇਤਿ, ਗਾਥਾ ਅਤ੍ਥਂ ਪਕਾਸੇਤੀਤਿ. ਨਾਮਸਨ੍ਨਿਸ੍ਸਿਤਾਤਿ ਸਮੁਦ੍ਦਾਦਿਪਣ੍ਣਤ੍ਤਿਨਿਸ੍ਸਿਤਾ. ਗਾਥਾ ਆਰਭਨ੍ਤੋ ਹਿ ਸਮੁਦ੍ਦਂ ਵਾ ਪਥਵਿਂ ਵਾ ਯਂ ਕਿਞ੍ਚਿ ਨਾਮਂ ਨਿਸ੍ਸਯਿਤ੍ਵਾਵ ਆਰਭਤਿ. ਆਸਯੋਤਿ ਪਤਿਟ੍ਠਾ. ਕਵਿਤੋ ਹਿ ਗਾਥਾ ਪਵਤ੍ਤਨ੍ਤਿ. ਸੋ ਤਾਸਂ ਪਤਿਟ੍ਠਾ ਹੋਤੀਤਿ. ਦਸਮਂ.

ਜਰਾਵਗ੍ਗੋ ਛਟ੍ਠੋ.