੧. ਆਦਿਤ੍ਤਸੁਤ੍ਤਵਣ੍ਣਨਾ

੪੧. ਆਦਿਤ੍ਤਵਗ੍ਗਸ੍ਸ ਪਠਮੇ ਜਰਾਯ ਮਰਣੇਨ ਚਾਤਿ ਦੇਸਨਾਸੀਸਮੇਤਂ, ਰਾਗਾਦੀਹਿ ਪਨ ਏਕਾਦਸਹਿ ਅਗ੍ਗੀਹਿ ਲੋਕੋ ਆਦਿਤ੍ਤੋਵ. ਦਾਨੇਨਾਤਿ ਦਾਨਚੇਤਨਾਯ. ਦਿਨ੍ਨਂ ਹੋਤਿ ਸੁਨੀਹਤਨ੍ਤਿ ਦਾਨਪੁਞ੍ਞਚੇਤਨਾਹਿ ਦਾਯਕਸ੍ਸੇਵ ਹੋਤਿ ਘਰਸਾਮਿਕਸ੍ਸ ਵਿਯ ਨੀਹਤਭਣ੍ਡਕਂ, ਤੇਨੇਤਂ ਵੁਤ੍ਤਂ. ਚੋਰਾ ਹਰਨ੍ਤੀਤਿ ਅਦਿਨ੍ਨੇ ਭੋਗੇ ਚੋਰਾਪਿ ਹਰਨ੍ਤਿ ਰਾਜਾਨੋਪਿ, ਅਗ੍ਗਿਪਿ ਡਹਤਿ, ਠਪਿਤਟ੍ਠਾਨੇਪਿ ਨਸ੍ਸਨ੍ਤਿ. ਅਨ੍ਤੇਨਾਤਿ ਮਰਣੇਨ. ਸਰੀਰਂ ਸਪਰਿਗ੍ਗਹਨ੍ਤਿ ਸਰੀਰਞ੍ਚੇਵ ਚੋਰਾਦੀਨਂ ਵਸੇਨ ਅਵਿਨਟ੍ਠਭੋਗੇ ਚ. ਸਗ੍ਗਮੁਪੇਤੀਤਿ ਵੇਸ੍ਸਨ੍ਤਰਮਹਾਰਾਜਾਦਯੋ ਵਿਯ ਸਗ੍ਗੇ ਨਿਬ੍ਬਤ੍ਤਤੀਤਿ. ਪਠਮਂ.