੭. ਏਕਦੀਪਿਯਤ੍ਥੇਰਅਪਦਾਨਵਣ੍ਣਨਾ

ਪਦੁਮੁਤ੍ਤਰਸ੍ਸ ਮੁਨਿਨੋਤਿਆਦਿਕਂ ਆਯਸ੍ਮਤੋ ਏਕਦੀਪਿਯਤ੍ਥੇਰਸ੍ਸ ਅਪਦਾਨਂ. ਅਯਮ੍ਪਾਯਸ੍ਮਾ ਪੁਰਿਮਜਿਨਸੇਟ੍ਠੇਸੁ ਕਤਕੁਸਲਸਮ੍ਭਾਰੋ ਤਤ੍ਥ ਤਤ੍ਥ ਭਵੇ ਵਿਵਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗਵਤੋ ਕਾਲੇ ਗਹਪਤਿਕੁਲੇ ਨਿਬ੍ਬਤ੍ਤੋ ਵੁਦ੍ਧਿਪ੍ਪਤ੍ਤੋ ਸਦ੍ਧੋ ਪਸਨ੍ਨੋ ਭਗਵਤੋ ਸਲਲਮਹਾਬੋਧਿਮ੍ਹਿ ਏਕਪਦੀਪਂ ਪੂਜੇਸਿ, ਥਾਵਰਂ ਕਤ੍ਵਾ ਨਿਚ੍ਚਮੇਕਪਦੀਪਪੂਜਨਤ੍ਥਾਯ ਤੇਲਵਟ੍ਟਂ ਪਟ੍ਠਪੇਸਿ. ਸੋ ਤੇਨ ਪੁਞ੍ਞੇਨ ਦੇਵਮਨੁਸ੍ਸੇਸੁ ਸਂਸਰਨ੍ਤੋ ਸਬ੍ਬਤ੍ਥ ਜਲਮਾਨੋ ਪਸਨ੍ਨਚਕ੍ਖੁਕੋ ਉਭਯਸੁਖਮਨੁਭਵਿਤ੍ਵਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾਵਤ੍ਥਿਯਂ ਵਿਭਵਸਮ੍ਪਨ੍ਨੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ ਵਿਞ੍ਞੁਤਂ ਪਤ੍ਤੋ ਰਤਨਤ੍ਤਯੇ ਪਸਨ੍ਨੋ ਪਬ੍ਬਜਿਤ੍ਵਾ ਨਚਿਰਸ੍ਸੇਵ ਅਰਹਤ੍ਤਂ ਪਤ੍ਤੋ ਦੀਪਪੂਜਾਯ ਲਦ੍ਧਵਿਸੇਸਾਧਿਗਮਤ੍ਤਾ ਏਕਦੀਪਿਯਤ੍ਥੇਰੋਤਿ ਪਾਕਟੋ.

੩੦. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍ਵਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰਸ੍ਸ ਮੁਨਿਨੋਤਿਆਦਿਮਾਹ. ਤਂ ਸਬ੍ਬਂ ਉਤ੍ਤਾਨਤ੍ਥਮੇਵਾਤਿ.

ਏਕਦੀਪਿਯਤ੍ਥੇਰਅਪਦਾਨਵਣ੍ਣਨਾ ਸਮਤ੍ਤਾ.