੩. ਆਨੇਞ੍ਜਕਥਾਵਣ੍ਣਨਾ

੮੯੬. ਇਦਾਨਿ ਆਨੇਞ੍ਜਕਥਾ ਨਾਮ ਹੋਤਿ. ਤਤ੍ਥ ਭਗਵਾ ਚਤੁਤ੍ਥਜ੍ਝਾਨੇ ਠਿਤੋ ਪਰਿਨਿਬ੍ਬਾਯੀਤਿ ਸਲ੍ਲਕ੍ਖੇਤ੍ਵਾ ‘‘ਅਰਹਾ ਆਨੇਞ੍ਜੇ ਠਿਤੋ ਪਰਿਨਿਬ੍ਬਾਯਤੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਏਕਚ੍ਚਾਨਂ ਉਤ੍ਤਰਾਪਥਕਾਨਂ, ਤੇ ਸਨ੍ਧਾਯ ਪੁਚ੍ਛਾ ਸਕਵਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ. ਪਕਤਿਚਿਤ੍ਤੇਤਿ ਭਵਙ੍ਗਚਿਤ੍ਤੇ. ਸਬ੍ਬੇ ਹਿ ਸਞ੍ਞਿਨੋ ਸਤ੍ਤਾ ਭਵਙ੍ਗਚਿਤ੍ਤੇ ਠਤ੍ਵਾ ਭਵਙ੍ਗਪਰਿਯੋਸਾਨੇਨ ਚੁਤਿਚਿਤ੍ਤੇਨ ਕਾਲਂ ਕਰੋਨ੍ਤਿ. ਇਤਿ ਨਂ ਇਮਿਨਾ ਅਤ੍ਥੇਨ ਚੋਦੇਤੁਂ ਏਵਮਾਹ. ਤਤ੍ਥ ਕਿਞ੍ਚਾਪਿ ਚਤੁਵੋਕਾਰਭਵੇ ਅਰਹਤੋ ਪਕਤਿਚਿਤ੍ਤਮ੍ਪਿ ਆਨੇਞ੍ਜਂ ਹੋਤਿ, ਅਯਂ ਪਨ ਪਞ੍ਹੋ ਪਞ੍ਚਵੋਕਾਰਭਵਵਸੇਨ ਉਦ੍ਧਟੋ. ਤਸ੍ਮਾ ਨੋ ਚ ਵਤ ਰੇ ਵਤ੍ਤਬ੍ਬੇਤਿ ਆਹ. ਸੇਸਮੇਤ੍ਥ ਉਤ੍ਤਾਨਤ੍ਥਮੇਵਾਤਿ.

ਆਨੇਞ੍ਜਕਥਾਵਣ੍ਣਨਾ.