੯. ਚਰਿਯਸੁਤ੍ਤਵਣ੍ਣਨਾ

੯. ਨਵਮੇ ਲੋਕਂ ਪਾਲੇਨ੍ਤੀਤਿ ਲੋਕਂ ਸਨ੍ਧਾਰੇਨ੍ਤਿ ਠਪੇਨ੍ਤਿ ਰਕ੍ਖਨ੍ਤਿ. ਨਯਿਧ ਪਞ੍ਞਾਯੇਥ ਮਾਤਾਤਿ ਇਮਸ੍ਮਿਂ ਲੋਕੇ ਜਨਿਕਾ ਮਾਤਾ ‘‘ਅਯਂ ਮੇ ਮਾਤਾ’’ਤਿ ਗਰੁਚਿਤ੍ਤੀਕਾਰਵਸੇਨ ਨ ਪਞ੍ਞਾਯੇਥ. ਸੇਸਪਦੇਸੁਪਿ ਏਸੇਵ ਨਯੋ. ਸਮ੍ਭੇਦਨ੍ਤਿ ਸਙ੍ਕਰਂ ਮਰਿਯਾਦਭੇਦਂ ਵਾ. ਯਥਾ ਅਜੇਲ਼ਕਾਤਿਆਦੀਸੁ ਏਤੇ ਹਿ ਸਤ੍ਤਾ ‘‘ਅਯਂ ਮੇ ਮਾਤਾ’’ਤਿ ਵਾ ‘‘ਮਾਤੁਚ੍ਛਾ’’ਤਿ ਵਾ ਗਰੁਚਿਤ੍ਤੀਕਾਰਵਸੇਨ ਨ ਜਾਨਨ੍ਤਿ. ਯਂ ਵਤ੍ਥੁਂ ਨਿਸ੍ਸਾਯ ਉਪ੍ਪਨ੍ਨਾ, ਤਤ੍ਥੇਵ ਵਿਪ੍ਪਟਿਪਜ੍ਜਨ੍ਤਿ. ਤਸ੍ਮਾ ਉਪਮਂ ਆਹਰਨ੍ਤੋ ‘‘ਯਥਾ ਅਜੇਲ਼ਕਾ’’ਤਿਆਦਿਮਾਹ. ਨਵਮਂ.