੮. ਅਕ੍ਕੋਸਕਸੁਤ੍ਤਵਣ੍ਣਨਾ

੮੮. ਅਟ੍ਠਮੇ ਅਕ੍ਕੋਸਕਪਰਿਭਾਸਕੋ ਅਰਿਯੂਪਵਾਦੀ ਸਬ੍ਰਹ੍ਮਚਾਰਿਨਨ੍ਤਿ ਏਤ੍ਥ ਸਬ੍ਰਹ੍ਮਚਾਰਿਪਦਂ ਅਕ੍ਕੋਸਕਪਰਿਭਾਸਕਪਦੇਹਿ ਯੋਜੇਤਬ੍ਬਂ ‘‘ਅਕ੍ਕੋਸਕੋ ਸਬ੍ਰਹ੍ਮਚਾਰੀਨਂ, ਪਰਿਭਾਸਕੋ ਸਬ੍ਰਹ੍ਮਚਾਰੀਨ’’ਨ੍ਤਿ. ਅਰਿਯਾਨਂ ਪਨ ਗੁਣੇ ਛਿਨ੍ਦਿਸ੍ਸਾਮੀਤਿ ਅਨ੍ਤਿਮਵਤ੍ਥੁਨਾ ਉਪਵਦਨ੍ਤੋ ਅਰਿਯੂਪਵਾਦੀ ਨਾਮ ਹੋਤਿ. ਸਦ੍ਧਮ੍ਮਸ੍ਸ ਨ ਵੋਦਾਯਨ੍ਤੀਤਿ ਸਿਕ੍ਖਾਤ੍ਤਯਸਙ੍ਖਾਤਾ ਸਾਸਨਸਦ੍ਧਮ੍ਮਾ ਅਸ੍ਸ ਵੋਦਾਨਂ ਨ ਗਚ੍ਛਨ੍ਤਿ. ਰੋਗਾਤਙ੍ਕਨ੍ਤਿ ਏਤ੍ਥ ਰੋਗੋਵ ਕਿਚ੍ਛਾਜੀਵਿਤਭਾਵਕਰਣੇਨ ਆਤਙ੍ਕੋਤਿ ਵੇਦਿਤਬ੍ਬੋ.