੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧੦੪. ਗਨ੍ਥੋ ਚੇਵ ਗਨ੍ਥਨਿਯੋ ਚ ਧਮ੍ਮੋ ਗਨ੍ਥਸ੍ਸ ਚੇਵ ਗਨ੍ਥਨਿਯਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਗਨ੍ਥਾ ਹੇਤੂ ਸਮ੍ਪਯੁਤ੍ਤਕਾਨਂ ਗਨ੍ਥਾਨਂ ਹੇਤੁਪਚ੍ਚਯੇਨ ਪਚ੍ਚਯੋ (ਏਵਂ ਨਵ ਪਞ੍ਹਾ ਵਿਤ੍ਥਾਰੇਤਬ੍ਬਾ).

ਆਰਮ੍ਮਣਪਚ੍ਚਯੋ

੧੦੫. ਗਨ੍ਥੋ ਚੇਵ ਗਨ੍ਥਨਿਯੋ ਚ ਧਮ੍ਮੋ ਗਨ੍ਥਸ੍ਸ ਚੇਵ ਗਨ੍ਥਨਿਯਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਗਨ੍ਥੇ ਆਰਬ੍ਭ ਗਨ੍ਥਾ ਉਪ੍ਪਜ੍ਜਨ੍ਤਿ. (ਮੂਲਂ ਪੁਚ੍ਛਿਤਬ੍ਬਂ) ਗਨ੍ਥੇ ਆਰਬ੍ਭ ਗਨ੍ਥਨਿਯਾ ਚੇਵ ਨੋ ਚ ਗਨ੍ਥਾ ਖਨ੍ਧਾ ਉਪ੍ਪਜ੍ਜਨ੍ਤਿ. (ਮੂਲਂ ਪੁਚ੍ਛਿਤਬ੍ਬਂ) ਗਨ੍ਥੇ ਆਰਬ੍ਭ ਗਨ੍ਥਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

੧੦੬. ਗਨ੍ਥਨਿਯੋ ਚੇਵ ਨੋ ਚ ਗਨ੍ਥੋ ਧਮ੍ਮੋ ਗਨ੍ਥਨਿਯਸ੍ਸ ਚੇਵ ਨੋ ਚ ਗਨ੍ਥਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਪਚ੍ਚਵੇਕ੍ਖਤਿ, ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ…ਪੇ… ਅਰਿਯਾ ਗੋਤ੍ਰਭੁਂ ਪਚ੍ਚਵੇਕ੍ਖਨ੍ਤਿ, ਵੋਦਾਨਂ ਪਚ੍ਚਵੇਕ੍ਖਨ੍ਤਿ, ਪਹੀਨੇ ਕਿਲੇਸੇ…ਪੇ… ਵਿਕ੍ਖਮ੍ਭਿਤੇ ਕਿਲੇਸੇ ਪਚ੍ਚਵੇਕ੍ਖਨ੍ਤਿ, ਪੁਬ੍ਬੇ ਸਮੁਦਾਚਿਣ੍ਣੇ ਕਿਲੇਸੇ ਜਾਨਨ੍ਤਿ, ਚਕ੍ਖੁਂ…ਪੇ… ਵਤ੍ਥੁਂ ਗਨ੍ਥਨਿਯੇ ਚੇਵ ਨੋ ਚ ਗਨ੍ਥੇ ਖਨ੍ਧੇ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ. (ਸਬ੍ਬਂ ਵਿਤ੍ਥਾਰੇਤਬ੍ਬਂ) ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

ਗਨ੍ਥਨਿਯੋ ਚੇਵ ਨੋ ਚ ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚੇਵ ਗਨ੍ਥਨਿਯਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ…ਪੇ… ਵਿਚਿਕਿਚ੍ਛਾ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ ਵੁਟ੍ਠਹਿਤ੍ਵਾ ਝਾਨਂ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਗਨ੍ਥਨਿਯੇ ਚੇਵ ਨੋ ਚ ਗਨ੍ਥੇ ਖਨ੍ਧੇ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ. (੨)

ਗਨ੍ਥਨਿਯੋ ਚੇਵ ਨੋ ਚ ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚੇਵ ਗਨ੍ਥਨਿਯਸ੍ਸ ਚ ਗਨ੍ਥਨਿਯਸ੍ਸ ਚੇਵ ਨੋ ਚ ਗਨ੍ਥਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ ਵੁਟ੍ਠਹਿਤ੍ਵਾ ਝਾਨਂ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਗਨ੍ਥਨਿਯੇ ਚੇਵ ਨੋ ਚ ਗਨ੍ਥੇ ਖਨ੍ਧੇ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਗਨ੍ਥਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ (ਏਵਂ ਇਤਰੇਪਿ ਤੀਣਿ ਵਿਤ੍ਥਾਰੇਤਬ੍ਬਾ). (੩)

(ਆਰਬ੍ਭ ਕਾਤਬ੍ਬਾ. ਇਮਸ੍ਮਿਂ ਦੁਕੇ ਲੋਕੁਤ੍ਤਰਂ ਨਤ੍ਥਿ, ਗਨ੍ਥਦੁਕਸਦਿਸਂ, ਨਿਨ੍ਨਾਨਾਕਰਣਂ. ‘‘ਗਨ੍ਥਨਿਯ’’ਨ੍ਤਿ ਨਿਯਾਮੇਤਬ੍ਬਂ, ਮਗ੍ਗੇ ਨਵ ਪਞ੍ਹਾ ਕਾਤਬ੍ਬਾ.)

ਗਨ੍ਥਗਨ੍ਥਨਿਯਦੁਕਂ ਨਿਟ੍ਠਿਤਂ.