੫. ਗਨ੍ਥਗੋਚ੍ਛਕਂ

੨੬. ਗਨ੍ਥਦੁਕਂ

੧. ਪਟਿਚ੍ਚਵਾਰੋ

੧. ਪਚ੍ਚਯਾਨੁਲੋਮਂ

੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧. ਗਨ੍ਥਂ ਧਮ੍ਮਂ ਪਟਿਚ੍ਚ ਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸੀਲਬ੍ਬਤਪਰਾਮਾਸਂ ਕਾਯਗਨ੍ਥਂ ਪਟਿਚ੍ਚ ਅਭਿਜ੍ਝਾਕਾਯਗਨ੍ਥੋ, ਅਭਿਜ੍ਝਾਕਾਯਗਨ੍ਥਂ ਪਟਿਚ੍ਚ ਸੀਲਬ੍ਬਤਪਰਾਮਾਸੋ ਕਾਯਗਨ੍ਥੋ, ਇਦਂਸਚ੍ਚਾਭਿਨਿਵੇਸਂ ਕਾਯਗਨ੍ਥਂ ਪਟਿਚ੍ਚ ਅਭਿਜ੍ਝਾਕਾਯਗਨ੍ਥੋ, ਅਭਿਜ੍ਝਾਕਾਯਗਨ੍ਥਂ ਪਟਿਚ੍ਚ ਇਦਂਸਚ੍ਚਾਭਿਨਿਵੇਸੋ ਕਾਯਗਨ੍ਥੋ. (੧)

ਗਨ੍ਥਂ ਧਮ੍ਮਂ ਪਟਿਚ੍ਚ ਨੋਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਗਨ੍ਥੇ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੨)

ਗਨ੍ਥਂ ਧਮ੍ਮਂ ਪਟਿਚ੍ਚ ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਸੀਲਬ੍ਬਤਪਰਾਮਾਸਂ ਕਾਯਗਨ੍ਥਂ ਪਟਿਚ੍ਚ ਅਭਿਜ੍ਝਾਕਾਯਗਨ੍ਥੋ ਸਮ੍ਪਯੁਤ੍ਤਕਾ ਚ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ (ਚਕ੍ਕਂ). (੩)

੨. ਨੋਗਨ੍ਥਂ ਧਮ੍ਮਂ ਪਟਿਚ੍ਚ ਨੋਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਗਨ੍ਥਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ, ਏਕਂ ਮਹਾਭੂਤਂ…ਪੇ…. (੧)

ਨੋਗਨ੍ਥਂ ਧਮ੍ਮਂ ਪਟਿਚ੍ਚ ਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਗਨ੍ਥੇ ਖਨ੍ਧੇ ਪਟਿਚ੍ਚ ਗਨ੍ਥਾ. (੨)

ਨੋਗਨ੍ਥਂ ਧਮ੍ਮਂ ਪਟਿਚ੍ਚ ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਗਨ੍ਥਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਗਨ੍ਥਾ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ…. (੩)

੩. ਗਨ੍ਥਞ੍ਚ ਨੋਗਨ੍ਥਞ੍ਚ ਧਮ੍ਮਂ ਪਟਿਚ੍ਚ ਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸੀਲਬ੍ਬਤਪਰਾਮਾਸਂ ਕਾਯਗਨ੍ਥਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਅਭਿਜ੍ਝਾਕਾਯਗਨ੍ਥੋ (ਚਕ੍ਕਂ). (੧)

ਗਨ੍ਥਞ੍ਚ ਨੋਗਨ੍ਥਞ੍ਚ ਧਮ੍ਮਂ ਪਟਿਚ੍ਚ ਨੋਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਗਨ੍ਥਂ ਏਕਂ ਖਨ੍ਧਞ੍ਚ ਗਨ੍ਥੇ ਚ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਚ…ਪੇ… ਗਨ੍ਥੇ ਚ ਸਮ੍ਪਯੁਤ੍ਤਕੇ ਖਨ੍ਧੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਗਨ੍ਥਞ੍ਚ ਨੋਗਨ੍ਥਞ੍ਚ ਧਮ੍ਮਂ ਪਟਿਚ੍ਚ ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਗਨ੍ਥਂ ਏਕਂ ਖਨ੍ਧਞ੍ਚ ਸੀਲਬ੍ਬਤਪਰਾਮਾਸਕਾਯਗਨ੍ਥਞ੍ਚ ਪਟਿਚ੍ਚ ਤਯੋ ਖਨ੍ਧਾ ਅਭਿਜ੍ਝਾਕਾਯਗਨ੍ਥੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਚ…ਪੇ…. (ਚਕ੍ਕਂ. ਸਂਖਿਤ੍ਤਂ.) (੩)

ਆਰਮ੍ਮਣਪਚ੍ਚਯਾ…ਪੇ… ਅਵਿਗਤਪਚ੍ਚਯਾ.

੧. ਪਚ੍ਚਯਾਨੁਲੋਮਂ

੨. ਸਙ੍ਖ੍ਯਾਵਾਰੋ

ਸੁਦ੍ਧਂ

੪. ਹੇਤੁਯਾ ਨਵ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ (ਸਬ੍ਬਤ੍ਥ ਨਵ), ਵਿਪਾਕੇ ਏਕਂ, ਆਹਾਰੇ ਨਵ…ਪੇ… ਅਵਿਗਤੇ ਨਵ.

ਅਨੁਲੋਮਂ.

੨. ਪਚ੍ਚਯਪਚ੍ਚਨੀਯਂ

੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੫. ਨੋਗਨ੍ਥਂ ਧਮ੍ਮਂ ਪਟਿਚ੍ਚ ਨੋਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਨੋਗਨ੍ਥਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ (ਯਾਵ ਅਸਞ੍ਞਸਤ੍ਤਾ), ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

ਨਆਰਮ੍ਮਣਪਚ੍ਚਯਾਦਿ

੬. ਗਨ੍ਥਂ ਧਮ੍ਮਂ ਪਟਿਚ੍ਚ ਨੋਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਗਨ੍ਥੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਨੋਗਨ੍ਥਂ ਧਮ੍ਮਂ ਪਟਿਚ੍ਚ ਨੋਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਨੋਗਨ੍ਥੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… (ਯਾਵ ਅਸਞ੍ਞਸਤ੍ਤਾ). (੧)

ਗਨ੍ਥਞ੍ਚ ਨੋਗਨ੍ਥਞ੍ਚ ਧਮ੍ਮਂ ਪਟਿਚ੍ਚ ਨੋਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਗਨ੍ਥੇ ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ (ਸਂਖਿਤ੍ਤਂ).

ਨਅਧਿਪਤਿਪਚ੍ਚਯਾ… ਨਵ, ਨਅਨਨ੍ਤਰਪਚ੍ਚਯਾ… ਤੀਣਿ, ਨਸਮਨਨ੍ਤਰਪਚ੍ਚਯਾ… ਤੀਣਿ, ਨਅਞ੍ਞਮਞ੍ਞਪਚ੍ਚਯਾ… ਤੀਣਿ, ਨਉਪਨਿਸ੍ਸਯਪਚ੍ਚਯਾ… ਤੀਣਿ.

ਨਪੁਰੇਜਾਤਪਚ੍ਚਯਾਦਿ

੭. ਗਨ੍ਥਂ ਧਮ੍ਮਂ ਪਟਿਚ੍ਚ ਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਇਦਂਸਚ੍ਚਾਭਿਨਿਵੇਸਂ ਕਾਯਗਨ੍ਥਂ ਪਟਿਚ੍ਚ ਅਭਿਜ੍ਝਾਕਾਯਗਨ੍ਥੋ, ਅਭਿਜ੍ਝਾਕਾਯਗਨ੍ਥਂ ਪਟਿਚ੍ਚ ਇਦਂਸਚ੍ਚਾਭਿਨਿਵੇਸੋ ਕਾਯਗਨ੍ਥੋ (ਅਰੂਪੇ ਸੀਲਬ੍ਬਤਪਰਾਮਾਸੋ ਨਤ੍ਥਿ, ਏਵਂ ਨਵ ਪਞ੍ਹਾ ਕਾਤਬ੍ਬਾ), ਨਪਚ੍ਛਾਜਾਤੇ ਨਵ, ਨਆਸੇਵਨੇ ਨਵ, ਨਕਮ੍ਮੇ ਤੀਣਿ, ਨਵਿਪਾਕੇ ਨਵ, ਨਆਹਾਰੇ ਏਕਂ, ਨਇਨ੍ਦ੍ਰਿਯੇ ਏਕਂ, ਨਝਾਨੇ ਏਕਂ, ਨਮਗ੍ਗੇ ਏਕਂ, ਨਸਮ੍ਪਯੁਤ੍ਤੇ ਤੀਣਿ, ਨਵਿਪ੍ਪਯੁਤ੍ਤੇ ਨਵ, ਨੋਨਤ੍ਥਿਯਾ ਤੀਣਿ, ਨੋਵਿਗਤੇ ਤੀਣਿ.

੨. ਪਚ੍ਚਯਪਚ੍ਚਨੀਯਂ

੨. ਸਙ੍ਖ੍ਯਾਵਾਰੋ

ਸੁਦ੍ਧਂ

੮. ਨਹੇਤੁਯਾ ਏਕਂ, ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਨਵ, ਨਅਨਨ੍ਤਰੇ ਤੀਣਿ, ਨਸਮਨਨ੍ਤਰੇ ਤੀਣਿ, ਨਅਞ੍ਞਮਞ੍ਞੇ ਤੀਣਿ, ਨਉਪਨਿਸ੍ਸਯੇ ਤੀਣਿ, ਨਪੁਰੇਜਾਤੇ ਨਵ, ਨਪਚ੍ਛਾਜਾਤੇ ਨਵ, ਨਆਸੇਵਨੇ ਨਵ, ਨਕਮ੍ਮੇ ਤੀਣਿ, ਨਵਿਪਾਕੇ ਨਵ, ਨਆਹਾਰੇ ਏਕਂ, ਨਇਨ੍ਦ੍ਰਿਯੇ ਏਕਂ, ਨਝਾਨੇ ਏਕਂ, ਨਮਗ੍ਗੇ ਏਕਂ, ਨਸਮ੍ਪਯੁਤ੍ਤੇ ਤੀਣਿ, ਨਵਿਪ੍ਪਯੁਤ੍ਤੇ ਨਵ, ਨੋਨਤ੍ਥਿਯਾ ਤੀਣਿ, ਨੋਵਿਗਤੇ ਤੀਣਿ.

੩. ਪਚ੍ਚਯਾਨੁਲੋਮਪਚ੍ਚਨੀਯਂ

੯. ਹੇਤੁਪਚ੍ਚਯਾ ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਨਵ (ਸਂਖਿਤ੍ਤਂ, ਏਵਂ ਗਣੇਤਬ੍ਬਂ).

੪. ਪਚ੍ਚਯਪਚ੍ਚਨੀਯਾਨੁਲੋਮਂ

੧੦. ਨਹੇਤੁਪਚ੍ਚਯਾ ਆਰਮ੍ਮਣੇ ਏਕਂ…ਪੇ… ਅਨਨ੍ਤਰੇ ਏਕਂ…ਪੇ… ਅਵਿਗਤੇ ਏਕਂ.

੨. ਸਹਜਾਤਵਾਰੋ

(ਸਹਜਾਤਵਾਰੋ ਪਟਿਚ੍ਚਵਾਰਸਦਿਸੋ).

੩. ਪਚ੍ਚਯਵਾਰੋ

੧. ਪਚ੍ਚਯਾਨੁਲੋਮਂ

੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧੧. ਗਨ੍ਥਂ ਧਮ੍ਮਂ ਪਚ੍ਚਯਾ ਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ (ਪਟਿਚ੍ਚਵਾਰਸਦਿਸੋ).

ਨੋਗਨ੍ਥਂ ਧਮ੍ਮਂ ਪਚ੍ਚਯਾ ਨੋਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਗਨ੍ਥਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਚ੍ਚਯਾ ਵਤ੍ਥੁ, ਵਤ੍ਥੁਂ ਪਚ੍ਚਯਾ ਖਨ੍ਧਾ. ਏਕਂ ਮਹਾਭੂਤਂ…ਪੇ… ਵਤ੍ਥੁਂ ਪਚ੍ਚਯਾ ਨੋਗਨ੍ਥਾ ਖਨ੍ਧਾ. (੧)

ਨੋਗਨ੍ਥਂ ਧਮ੍ਮਂ ਪਚ੍ਚਯਾ ਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਗਨ੍ਥੇ ਖਨ੍ਧੇ ਪਚ੍ਚਯਾ ਗਨ੍ਥਾ, ਵਤ੍ਥੁਂ ਪਚ੍ਚਯਾ ਗਨ੍ਥਾ. (੨)

ਨੋਗਨ੍ਥਂ ਧਮ੍ਮਂ ਪਚ੍ਚਯਾ ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਗਨ੍ਥਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਗਨ੍ਥਾ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਵਤ੍ਥੁਂ ਪਚ੍ਚਯਾ ਗਨ੍ਥਾ ਸਮ੍ਪਯੁਤ੍ਤਕਾ ਚ ਖਨ੍ਧਾ. (੩)

੧੨. ਗਨ੍ਥਞ੍ਚ ਨੋਗਨ੍ਥਞ੍ਚ ਧਮ੍ਮਂ ਪਚ੍ਚਯਾ ਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸੀਲਬ੍ਬਤਪਰਾਮਾਸਂ ਕਾਯਗਨ੍ਥਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਚ੍ਚਯਾ ਅਭਿਜ੍ਝਾਕਾਯਗਨ੍ਥੋ (ਚਕ੍ਕਂ). ਸੀਲਬ੍ਬਤਪਰਾਮਾਸਂ ਕਾਯਗਨ੍ਥਞ੍ਚ ਵਤ੍ਥੁਞ੍ਚ ਪਚ੍ਚਯਾ ਅਭਿਜ੍ਝਾਕਾਯਗਨ੍ਥੋ (ਚਕ੍ਕਂ). (੧)

ਗਨ੍ਥਞ੍ਚ ਨੋਗਨ੍ਥਞ੍ਚ ਧਮ੍ਮਂ ਪਚ੍ਚਯਾ ਨੋਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਗਨ੍ਥਂ ਏਕਂ ਖਨ੍ਧਞ੍ਚ ਗਨ੍ਥੇ ਚ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਗਨ੍ਥੇ ਚ ਵਤ੍ਥੁਞ੍ਚ ਪਚ੍ਚਯਾ ਨੋਗਨ੍ਥਾ ਖਨ੍ਧਾ. (੨)

ਗਨ੍ਥਞ੍ਚ ਨੋਗਨ੍ਥਞ੍ਚ ਧਮ੍ਮਂ ਪਚ੍ਚਯਾ ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਗਨ੍ਥਂ ਏਕਂ ਖਨ੍ਧਞ੍ਚ ਸੀਲਬ੍ਬਤਪਰਾਮਾਸਂ ਕਾਯਗਨ੍ਥਞ੍ਚ ਪਚ੍ਚਯਾ ਤਯੋ ਖਨ੍ਧਾ ਅਭਿਜ੍ਝਾਕਾਯਗਨ੍ਥੋ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… (ਚਕ੍ਕਂ). ਸੀਲਬ੍ਬਤਪਰਾਮਾਸਂ ਕਾਯਗਨ੍ਥਞ੍ਚ ਵਤ੍ਥੁਞ੍ਚ ਪਚ੍ਚਯਾ ਅਭਿਜ੍ਝਾਕਾਯਗਨ੍ਥੋ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ (ਚਕ੍ਕਂ). (੩)

੧. ਪਚ੍ਚਯਾਨੁਲੋਮਂ

੨. ਸਙ੍ਖ੍ਯਾਵਾਰੋ

੧੩. ਹੇਤੁਯਾ ਨਵ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ…ਪੇ… ਅਵਿਗਤੇ ਨਵ.

ਅਨੁਲੋਮਂ.

੨. ਪਚ੍ਚਯਪਚ੍ਚਨੀਯਂ

੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੧੪. ਨੋਗਨ੍ਥਂ ਧਮ੍ਮਂ ਪਚ੍ਚਯਾ ਨੋਗਨ੍ਥੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਨੋਗਨ੍ਥਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… (ਯਾਵ ਅਸਞ੍ਞਸਤ੍ਤਾ), ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਂ…ਪੇ… ਕਾਯਾਯਤਨਂ ਪਚ੍ਚਯਾ ਕਾਯਵਿਞ੍ਞਾਣਂ. ਵਤ੍ਥੁਂ ਪਚ੍ਚਯਾ ਅਹੇਤੁਕਾ ਨੋਗਨ੍ਥਾ ਖਨ੍ਧਾ, ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ (ਸਂਖਿਤ੍ਤਂ).

੨. ਪਚ੍ਚਯਪਚ੍ਚਨੀਯਂ

੨. ਸਙ੍ਖ੍ਯਾਵਾਰੋ

੧੫. ਨਹੇਤੁਯਾ ਏਕਂ, ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਨਵ (ਏਵਂ ਗਣੇਤਬ੍ਬਂ).

੩. ਪਚ੍ਚਯਾਨੁਲੋਮਪਚ੍ਚਨੀਯਂ

੧੬. ਹੇਤੁਪਚ੍ਚਯਾ ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਨਵ…ਪੇ… ਨੋਵਿਗਤੇ ਤੀਣਿ.

੪. ਪਚ੍ਚਯਪਚ੍ਚਨੀਯਾਨੁਲੋਮਂ

੧੭. ਨਹੇਤੁਪਚ੍ਚਯਾ ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ.

੪-੬. ਨਿਸ੍ਸਯ-ਸਂਸਟ੍ਠ-ਸਮ੍ਪਯੁਤ੍ਤਵਾਰੋ

(ਨਿਸ੍ਸਯਵਾਰੋ ਪਚ੍ਚਯਵਾਰਸਦਿਸੋਵ. ਸਂਸਟ੍ਠਵਾਰੋਪਿ ਸਮ੍ਪਯੁਤ੍ਤਵਾਰੋਪਿ ਨਵ ਪਞ੍ਹਾ ਕਾਤਬ੍ਬਾ, ਰੂਪਂ ਨਤ੍ਥਿ.)

੭. ਪਞ੍ਹਾਵਾਰੋ

੧. ਪਚ੍ਚਯਾਨੁਲੋਮਂ

੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧੮. ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਗਨ੍ਥਾ ਹੇਤੂ ਸਮ੍ਪਯੁਤ੍ਤਕਾਨਂ ਗਨ੍ਥਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਗਨ੍ਥਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੨)

ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਗਨ੍ਥਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਗਨ੍ਥਾਨਞ੍ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੩)

੧੯. ਨੋਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੋਗਨ੍ਥਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੋਗਨ੍ਥਾ ਹੇਤੂ ਸਮ੍ਪਯੁਤ੍ਤਕਾਨਂ ਗਨ੍ਥਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੨)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੋਗਨ੍ਥਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਗਨ੍ਥਾਨਞ੍ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੩)

੨੦. ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਗਨ੍ਥਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਗਨ੍ਥਾ ਚ ਨੋਗਨ੍ਥਾ ਚ ਹੇਤੂ ਸਮ੍ਪਯੁਤ੍ਤਕਾਨਂ ਗਨ੍ਥਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਨੋਗਨ੍ਥਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਗਨ੍ਥਾ ਚ ਨੋਗਨ੍ਥਾ ਚ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੨)

ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਗਨ੍ਥਾ ਚ ਨੋਗਨ੍ਥਾ ਚ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਗਨ੍ਥਾਨਞ੍ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੩)

ਆਰਮ੍ਮਣਪਚ੍ਚਯੋ

੨੧. ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਗਨ੍ਥੇ ਆਰਬ੍ਭ ਗਨ੍ਥਾ ਉਪ੍ਪਜ੍ਜਨ੍ਤਿ. (ਮੂਲਂ ਕਾਤਬ੍ਬਂ) ਗਨ੍ਥੇ ਆਰਬ੍ਭ ਨੋਗਨ੍ਥਾ ਖਨ੍ਧਾ ਉਪ੍ਪਜ੍ਜਨ੍ਤਿ. (ਮੂਲਂ ਕਾਤਬ੍ਬਂ) ਗਨ੍ਥੇ ਆਰਬ੍ਭ ਗਨ੍ਥਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

੨੨. ਨੋਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ ਦਤ੍ਵਾ ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਪਚ੍ਚਵੇਕ੍ਖਤਿ, ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ…ਪੇ… ਅਰਿਯਾ ਮਗ੍ਗਾ ਵੁਟ੍ਠਹਿਤ੍ਵਾ ਮਗ੍ਗਂ ਪਚ੍ਚਵੇਕ੍ਖਨ੍ਤਿ, ਫਲਂ ਪਚ੍ਚਵੇਕ੍ਖਨ੍ਤਿ, ਨਿਬ੍ਬਾਨਂ ਪਚ੍ਚਵੇਕ੍ਖਨ੍ਤਿ. ਨਿਬ੍ਬਾਨਂ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ; ਅਰਿਯਾ ਨੋਗਨ੍ਥੇ ਪਹੀਨੇ ਕਿਲੇਸੇ…ਪੇ… ਵਿਕ੍ਖਮ੍ਭਿਤੇ ਕਿਲੇਸੇ ਪਚ੍ਚਵੇਕ੍ਖਨ੍ਤਿ, ਪੁਬ੍ਬੇ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਨੋਗਨ੍ਥੇ ਖਨ੍ਧੇ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ. ਚੇਤੋਪਰਿਯਞਾਣੇਨ ਨੋਗਨ੍ਥਚਿਤ੍ਤਸਮਙ੍ਗਿਸ੍ਸ ਚਿਤ੍ਤਂ ਜਾਨਾਤਿ, ਆਕਾਸਾਨਞ੍ਚਾਯਤਨਂ ਵਿਞ੍ਞਾਣਞ੍ਚਾਯਤਨਸ੍ਸ…ਪੇ… ਆਕਿਞ੍ਚਞ੍ਞਾਯਤਨਂ ਨੇਵਸਞ੍ਞਾਨਾਸਞ੍ਞਾਯਤਨਸ੍ਸ…ਪੇ… ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ… ਨੋਗਨ੍ਥਾ ਖਨ੍ਧਾ ਇਦ੍ਧਿਵਿਧਞਾਣਸ੍ਸ, ਚੇਤੋਪਰਿਯਞਾਣਸ੍ਸ, ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ, ਯਥਾਕਮ੍ਮੂਪਗਞਾਣਸ੍ਸ, ਅਨਾਗਤਂਸਞਾਣਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ ਦਤ੍ਵਾ ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ, ਦੋਮਨਸ੍ਸਂ ਉਪ੍ਪਜ੍ਜਤਿ; ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਨੋਗਨ੍ਥੇ ਖਨ੍ਧੇ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ ਉਪ੍ਪਜ੍ਜਤਿ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ. (੨)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ ਦਤ੍ਵਾ ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਗਨ੍ਥਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ, ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਨੋਗਨ੍ਥੇ ਖਨ੍ਧੇ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਗਨ੍ਥਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਗਨ੍ਥਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ (ਆਰਬ੍ਭ ਕਾਤਬ੍ਬਾ).

ਅਧਿਪਤਿਪਚ੍ਚਯੋ

੨੩. ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ… ਤੀਣਿ (ਆਰਮ੍ਮਣਸਦਿਸਾ, ਗਰੁਕਾਰਮ੍ਮਣਾ ਕਾਤਬ੍ਬਾ).

ਨੋਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… ਪੁਬ੍ਬੇ…ਪੇ… ਝਾਨਾ…ਪੇ… ਅਰਿਯਾ ਮਗ੍ਗਾ…ਪੇ… ਫਲਂ…ਪੇ… ਨਿਬ੍ਬਾਨਂ…ਪੇ… ਨਿਬ੍ਬਾਨਂ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ; ਚਕ੍ਖੁਂ…ਪੇ… ਵਤ੍ਥੁਂ ਨੋਗਨ੍ਥੇ ਖਨ੍ਧੇ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ. ਸਹਜਾਤਾਧਿਪਤਿ – ਨੋਗਨ੍ਥਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… ਪੁਬ੍ਬੇ ਸੁਚਿਣ੍ਣਾਨਿ …ਪੇ… ਝਾਨਾ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਨੋਗਨ੍ਥੇ ਖਨ੍ਧੇ ਗਰੁਂ ਕਤ੍ਵਾ ਤਂ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ. ਸਹਜਾਤਾਧਿਪਤਿ – ਨੋਗਨ੍ਥਾਧਿਪਤਿ ਗਨ੍ਥਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੨)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਦਾਨਂ…ਪੇ… ਨੋਗਨ੍ਥੇ ਖਨ੍ਧੇ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਗਨ੍ਥਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਨੋਗਨ੍ਥਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਗਨ੍ਥਾਨਞ੍ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੩)

੨੪. ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਗਨ੍ਥਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ… ਤੀਣਿ.

ਅਨਨ੍ਤਰਪਚ੍ਚਯੋ

੨੫. ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਗਨ੍ਥਾ ਪਚ੍ਛਿਮਾਨਂ ਪਚ੍ਛਿਮਾਨਂ ਗਨ੍ਥਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੧)

ਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਗਨ੍ਥਾ ਪਚ੍ਛਿਮਾਨਂ ਪਚ੍ਛਿਮਾਨਂ ਨੋਗਨ੍ਥਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਗਨ੍ਥਾ ਵੁਟ੍ਠਾਨਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੨)

ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਗਨ੍ਥਾ ਪਚ੍ਛਿਮਾਨਂ ਪਚ੍ਛਿਮਾਨਂ ਗਨ੍ਥਾਨਂ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੩)

੨੬. ਨੋਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ… ਤੀਣਿ (ਦ੍ਵੇ ਆਵਜ੍ਜਨਾ ਕਾਤਬ੍ਬਾ, ਪਠਮੋ ਨਤ੍ਥਿ).

ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਗਨ੍ਥਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ… ਤੀਣਿ (ਏਕਮ੍ਪਿ ਵੁਟ੍ਠਾਨਂ ਕਾਤਬ੍ਬਂ, ਮਜ੍ਝੇ).

ਸਮਨਨ੍ਤਰਪਚ੍ਚਯਾਦਿ

੨੭. ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਸਮਨਨ੍ਤਰਪਚ੍ਚਯੇਨ ਪਚ੍ਚਯੋ… ਨਵ… ਸਹਜਾਤਪਚ੍ਚਯੇਨ ਪਚ੍ਚਯੋ… ਨਵ… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ… ਨਵ, ਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਨਵ.

ਉਪਨਿਸ੍ਸਯਪਚ੍ਚਯੋ

੨੮. ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਗਨ੍ਥਾ ਗਨ੍ਥਾਨਂ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਤੀਣਿ.

੨੯. ਨੋਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ …ਪੇ…. ਪਕਤੂਪਨਿਸ੍ਸਯੋ – ਸਦ੍ਧਂ ਉਪਨਿਸ੍ਸਾਯ ਦਾਨਂ ਦੇਤਿ…ਪੇ… ਮਾਨਂ ਜਪ੍ਪੇਤਿ, ਦਿਟ੍ਠਿਂ ਗਣ੍ਹਾਤਿ; ਸੀਲਂ…ਪੇ… ਸੇਨਾਸਨਂ ਉਪਨਿਸ੍ਸਾਯ ਦਾਨਂ ਦੇਤਿ…ਪੇ… ਸਙ੍ਘਂ ਭਿਨ੍ਦਤਿ; ਸਦ੍ਧਾ…ਪੇ… ਸੇਨਾਸਨਂ ਸਦ੍ਧਾਯ…ਪੇ… ਫਲਸਮਾਪਤ੍ਤਿਯਾ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਸਦ੍ਧਂ ਉਪਨਿਸ੍ਸਾਯ ਦਿਟ੍ਠਿਂ ਗਣ੍ਹਾਤਿ; ਸੀਲਂ…ਪੇ… ਸੇਨਾਸਨਂ ਉਪਨਿਸ੍ਸਾਯ ਪਾਣਂ ਹਨਤਿ…ਪੇ… ਸਙ੍ਘਂ ਭਿਨ੍ਦਤਿ; ਸਦ੍ਧਾ…ਪੇ… ਸੇਨਾਸਨਂ ਰਾਗਸ੍ਸ…ਪੇ… ਪਤ੍ਥਨਾਯ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੨)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਸਦ੍ਧਂ ਉਪਨਿਸ੍ਸਾਯ ਮਾਨਂ ਜਪ੍ਪੇਤਿ, ਦਿਟ੍ਠਿਂ ਗਣ੍ਹਾਤਿ, ਸੀਲਂ…ਪੇ… ਸੇਨਾਸਨਂ ਉਪਨਿਸ੍ਸਾਯ ਪਾਣਂ ਹਨਤਿ …ਪੇ… ਸਙ੍ਘਂ ਭਿਨ੍ਦਤਿ, ਸਦ੍ਧਾ…ਪੇ… ਸੇਨਾਸਨਂ ਗਨ੍ਥਾਨਂ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਗਨ੍ਥਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ… ਤੀਣਿ (ਆਰਮ੍ਮਣਨਯੇਨ ਕਾਤਬ੍ਬਾ).

ਪੁਰੇਜਾਤਪਚ੍ਚਯਾਦਿ

੩੦. ਨੋਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ, ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ, ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ…. ਵਤ੍ਥੁਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਕਾਯਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ… ਵਤ੍ਥੁ ਨੋਗਨ੍ਥਾਨਂ ਖਨ੍ਧਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੧)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ, ਦੋਮਨਸ੍ਸਂ ਉਪ੍ਪਜ੍ਜਤਿ. ਵਤ੍ਥੁਪੁਰੇਜਾਤਂ – ਵਤ੍ਥੁ ਗਨ੍ਥਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੨)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਗਨ੍ਥਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. ਵਤ੍ਥੁਪੁਰੇਜਾਤਂ – ਵਤ੍ਥੁ ਗਨ੍ਥਾਨਂ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੩)

ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਤੀਣਿ, ਆਸੇਵਨਪਚ੍ਚਯੇਨ ਪਚ੍ਚਯੋ… ਨਵ.

ਕਮ੍ਮਪਚ੍ਚਯੋ

੩੧. ਨੋਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਨੋਗਨ੍ਥਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਨੋਗਨ੍ਥਾ ਚੇਤਨਾ ਵਿਪਾਕਾਨਂ ਖਨ੍ਧਾਨਂ ਕਟਤ੍ਤਾ ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੧)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਨੋਗਨ੍ਥਾ ਚੇਤਨਾ ਸਮ੍ਪਯੁਤ੍ਤਕਾਨਂ ਗਨ੍ਥਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੨)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਨੋਗਨ੍ਥਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਗਨ੍ਥਾਨਞ੍ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੩)

ਵਿਪਾਕਪਚ੍ਚਯਾਦਿ

੩੨. ਨੋਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਵਿਪਾਕਪਚ੍ਚਯੇਨ ਪਚ੍ਚਯੋ… ਏਕਂ… ਆਹਾਰਪਚ੍ਚਯੇਨ ਪਚ੍ਚਯੋ… ਤੀਣਿ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਤੀਣਿ… ਝਾਨਪਚ੍ਚਯੇਨ ਪਚ੍ਚਯੋ… ਤੀਣਿ… ਮਗ੍ਗਪਚ੍ਚਯੇਨ ਪਚ੍ਚਯੋ… ਨਵ… ਸਮ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ… ਨਵ.

ਵਿਪ੍ਪਯੁਤ੍ਤਪਚ੍ਚਯੋ

੩੩. ਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ (ਸਂਖਿਤ੍ਤਂ). (੧)

ਨੋਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ, ਪਚ੍ਛਾਜਾਤਂ (ਸਂਖਿਤ੍ਤਂ). (੧)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਵਤ੍ਥੁ ਗਨ੍ਥਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੨)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਵਤ੍ਥੁ ਗਨ੍ਥਾਨਂ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੩)

ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਨੋਗਨ੍ਥਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ (ਸਂਖਿਤ੍ਤਂ). (੧)

ਅਤ੍ਥਿਪਚ੍ਚਯੋ

੩੪. ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ… ਏਕਂ (ਪਟਿਚ੍ਚਸਦਿਸਂ).

ਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ. ਸਹਜਾਤਾ – ਗਨ੍ਥਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਾ – ਗਨ੍ਥਾ ਪੁਰੇਜਾਤਸ੍ਸ ਇਮਸ੍ਸ ਕਾਯਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ. (੨)

ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ… ਏਕਂ (ਪਟਿਚ੍ਚਸਦਿਸਂ). (੩)

੩੫. ਨੋਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ, ਪਚ੍ਛਾਜਾਤਂ, ਆਹਾਰਂ, ਇਨ੍ਦ੍ਰਿਯਂ (ਸਂਖਿਤ੍ਤਂ). (੧)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤਾ – ਨੋਗਨ੍ਥਾ ਖਨ੍ਧਾ ਗਨ੍ਥਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ, ਦੋਮਨਸ੍ਸਂ ਉਪ੍ਪਜ੍ਜਤਿ, ਵਤ੍ਥੁ ਗਨ੍ਥਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. (੨)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤੋ – ਨੋਗਨ੍ਥੋ ਏਕੋ ਖਨ੍ਧੋ ਤਿਣ੍ਣਨ੍ਨਂ ਖਨ੍ਧਾਨਂ ਗਨ੍ਥਾਨਞ੍ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ…ਪੇ…. ਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਗਨ੍ਥਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ; ਵਤ੍ਥੁ ਗਨ੍ਥਾਨਂ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. (੩)

੩੬. ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਗਨ੍ਥਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤੋ – ਸੀਲਬ੍ਬਤਪਰਾਮਾਸੋ ਕਾਯਗਨ੍ਥੋ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਅਭਿਜ੍ਝਾਕਾਯਗਨ੍ਥਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ (ਚਕ੍ਕਂ). ਸਹਜਾਤੋ – ਸੀਲਬ੍ਬਤਪਰਾਮਾਸੋ ਕਾਯਗਨ੍ਥੋ ਚ ਵਤ੍ਥੁ ਚ ਅਭਿਜ੍ਝਾਕਾਯਗਨ੍ਥਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ. (ਚਕ੍ਕਂ). (੧)

ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਨੋਗਨ੍ਥਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ, ਪਚ੍ਛਾਜਾਤਂ, ਆਹਾਰਂ, ਇਨ੍ਦ੍ਰਿਯਂ. ਸਹਜਾਤੋ – ਨੋਗਨ੍ਥੋ ਏਕੋ ਖਨ੍ਧੋ ਚ ਗਨ੍ਥੋ ਚ ਤਿਣ੍ਣਨ੍ਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ…ਪੇ… ਦ੍ਵੇ ਖਨ੍ਧਾ ਚ…ਪੇ…. ਸਹਜਾਤਾ – ਗਨ੍ਥਾ ਚ ਵਤ੍ਥੁ ਚ ਨੋਗਨ੍ਥਾਨਂ ਖਨ੍ਧਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਸਹਜਾਤਾ – ਗਨ੍ਥਾ ਚ ਮਹਾਭੂਤਾ ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਾ – ਗਨ੍ਥਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਪੁਰੇਜਾਤਸ੍ਸ ਇਮਸ੍ਸ ਕਾਯਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਾ – ਗਨ੍ਥਾ ਚ ਕਬਲ਼ੀਕਾਰੋ ਆਹਾਰੋ ਚ ਇਮਸ੍ਸ ਕਾਯਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਾ – ਗਨ੍ਥਾ ਚ ਰੂਪਜੀਵਿਤਿਨ੍ਦ੍ਰਿਯਞ੍ਚ ਕਟਤ੍ਤਾਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. (੨)

ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤੋ – ਨੋਗਨ੍ਥੋ ਏਕੋ ਖਨ੍ਧੋ ਚ ਸੀਲਬ੍ਬਤਪਰਾਮਾਸੋ ਕਾਯਗਨ੍ਥੋ ਚ ਤਿਣ੍ਣਨ੍ਨਂ ਖਨ੍ਧਾਨਂ ਅਭਿਜ੍ਝਾਕਾਯਗਨ੍ਥਸ੍ਸ ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ…ਪੇ…. ਸਹਜਾਤੋ – ਸੀਲਬ੍ਬਤਪਰਾਮਾਸੋ ਕਾਯਗਨ੍ਥੋ ਚ ਵਤ੍ਥੁ ਚ ਅਭਿਜ੍ਝਾਕਾਯਗਨ੍ਥਸ੍ਸ ਚ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ (ਚਕ੍ਕਂ). (੩)

੧. ਪਚ੍ਚਯਾਨੁਲੋਮਂ

੨. ਸਙ੍ਖ੍ਯਾਵਾਰੋ

ਸੁਦ੍ਧਂ

੩੭. ਹੇਤੁਯਾ ਨਵ, ਆਰਮ੍ਮਣੇ ਨਵ (ਸਬ੍ਬਤ੍ਥ ਨਵ), ਉਪਨਿਸ੍ਸਯੇ ਨਵ, ਪੁਰੇਜਾਤੇ ਤੀਣਿ, ਪਚ੍ਛਾਜਾਤੇ ਤੀਣਿ, ਆਸੇਵਨੇ ਨਵ, ਕਮ੍ਮੇ ਤੀਣਿ, ਵਿਪਾਕੇ ਏਕਂ, ਆਹਾਰੇ ਤੀਣਿ, ਇਨ੍ਦ੍ਰਿਯੇ ਤੀਣਿ, ਝਾਨੇ ਤੀਣਿ, ਮਗ੍ਗੇ ਨਵ, ਸਮ੍ਪਯੁਤ੍ਤੇ ਨਵ, ਵਿਪ੍ਪਯੁਤ੍ਤੇ ਪਞ੍ਚ, ਅਤ੍ਥਿਯਾ ਨਵ, ਨਤ੍ਥਿਯਾ ਨਵ, ਵਿਗਤੇ ਨਵ, ਅਵਿਗਤੇ ਨਵ.

ਅਨੁਲੋਮਂ.

ਪਚ੍ਚਨੀਯੁਦ੍ਧਾਰੋ

੩੮. ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. (੨)

ਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

੩੯. ਨੋਗਨ੍ਥੋ ਧਮ੍ਮੋ ਨੋਗਨ੍ਥਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. (੧)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੨)

ਨੋਗਨ੍ਥੋ ਧਮ੍ਮੋ ਗਨ੍ਥਸ੍ਸ ਚ ਨੋਗਨ੍ਥਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੩)

੪੦. ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਗਨ੍ਥਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਗਨ੍ਥੋ ਚ ਨੋਗਨ੍ਥੋ ਚ ਧਮ੍ਮਾ ਨੋਗਨ੍ਥਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. (੨)