ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

ਅਭਿਧਮ੍ਮਪਿਟਕੇ

ਪਟ੍ਠਾਨਪਾਲ਼ਿ

(ਤਤਿਯੋ ਭਾਗੋ)

ਧਮ੍ਮਾਨੁਲੋਮੇ ਦੁਕਪਟ੍ਠਾਨਂ

੧. ਹੇਤੁਗੋਚ੍ਛਕਂ

੧. ਹੇਤੁਦੁਕਂ

੧. ਪਟਿਚ੍ਚਵਾਰੋ

੧. ਪਚ੍ਚਯਾਨੁਲੋਮਂ

੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧. ਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਲੋਭਂ ਪਟਿਚ੍ਚ ਅਦੋਸੋ ਅਮੋਹੋ, ਅਦੋਸਂ ਪਟਿਚ੍ਚ ਅਲੋਭੋ ਅਮੋਹੋ, ਅਮੋਹਂ ਪਟਿਚ੍ਚ ਅਲੋਭੋ ਅਦੋਸੋ, ਲੋਭਂ ਪਟਿਚ੍ਚ ਮੋਹੋ, ਮੋਹਂ ਪਟਿਚ੍ਚ ਲੋਭੋ, ਦੋਸਂ ਪਟਿਚ੍ਚ ਮੋਹੋ, ਮੋਹਂ ਪਟਿਚ੍ਚ ਦੋਸੋ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਹੇਤੁਂ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਹੇਤੁਂ ਧਮ੍ਮਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਚ ਨਹੇਤੁ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਅਲੋਭਂ ਪਟਿਚ੍ਚ ਅਦੋਸੋ ਅਮੋਹੋ ਸਮ੍ਪਯੁਤ੍ਤਕਾ ਚ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ (ਚਕ੍ਕਂ). ਲੋਭਂ ਪਟਿਚ੍ਚ ਮੋਹੋ ਸਮ੍ਪਯੁਤ੍ਤਕਾ ਚ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੩)

੨. ਨਹੇਤੁਂ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨਹੇਤੁਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ; ਏਕਂ ਮਹਾਭੂਤਂ…ਪੇ…. (੧)

ਨਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨਹੇਤੂ ਖਨ੍ਧੇ ਪਟਿਚ੍ਚ ਹੇਤੂ; ਪਟਿਸਨ੍ਧਿਕ੍ਖਣੇ…ਪੇ… ਵਤ੍ਥੁਂ ਪਟਿਚ੍ਚ ਹੇਤੂ. (੨)

ਨਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਚ ਨਹੇਤੁ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨਹੇਤੁਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਹੇਤੁ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਹੇਤੁ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… ਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਹੇਤੂ ਸਮ੍ਪਯੁਤ੍ਤਕਾ ਚ ਖਨ੍ਧਾ. (੩)

੩. ਹੇਤੁਞ੍ਚ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਲੋਭਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਅਦੋਸੋ ਅਮੋਹੋ (ਚਕ੍ਕਂ). ਲੋਭਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਮੋਹੋ, ਦੋਸਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਮੋਹੋ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਅਲੋਭਞ੍ਚ ਵਤ੍ਥੁਞ੍ਚ ਪਟਿਚ੍ਚ ਅਦੋਸੋ ਅਮੋਹੋ…ਪੇ…. (੧)

ਹੇਤੁਞ੍ਚ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨਹੇਤੁਂ ਏਕਂ ਖਨ੍ਧਞ੍ਚ ਹੇਤੁਞ੍ਚ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਚ ਹੇਤੁਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… ਪਟਿਸਨ੍ਧਿਕ੍ਖਣੇ ਵਤ੍ਥੁਞ੍ਚ ਹੇਤੁਞ੍ਚ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ. (੨)

ਹੇਤੁਞ੍ਚ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਚ ਨਹੇਤੁ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨਹੇਤੁਂ ਏਕਂ ਖਨ੍ਧਞ੍ਚ ਅਲੋਭਞ੍ਚ ਪਟਿਚ੍ਚ ਤਯੋ ਖਨ੍ਧਾ ਅਦੋਸੋ ਅਮੋਹੋ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਚ ਅਲੋਭਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ ਅਦੋਸੋ ਅਮੋਹੋ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ (ਚਕ੍ਕਂ). ਨਹੇਤੁਂ ਏਕਂ ਖਨ੍ਧਞ੍ਚ ਲੋਭਞ੍ਚ ਪਟਿਚ੍ਚ ਤਯੋ ਖਨ੍ਧਾ ਮੋਹੋ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਵਤ੍ਥੁਞ੍ਚ ਅਲੋਭਞ੍ਚ ਪਟਿਚ੍ਚ ਅਦੋਸੋ ਅਮੋਹੋ ਸਮ੍ਪਯੁਤ੍ਤਕਾ ਚ ਖਨ੍ਧਾ. (੩)

ਆਰਮ੍ਮਣਪਚ੍ਚਯਾਦਿ

੪. ਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ (ਰੂਪਂ ਛਡ੍ਡੇਤ੍ਵਾ ਅਰੂਪੇਯੇਵ ਨਵ ਪਞ੍ਹਾ)… ਅਧਿਪਤਿਪਚ੍ਚਯਾ (ਪਟਿਸਨ੍ਧਿ ਨਤ੍ਥਿ, ਪਰਿਪੁਣ੍ਣਂ) ਏਕਂ ਮਹਾਭੂਤਂ ਪਟਿਚ੍ਚ…ਪੇ… ਮਹਾਭੂਤੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ ਉਪਾਦਾਰੂਪਂ… (ਇਮਂ ਨਾਨਂ) ਅਨਨ੍ਤਰਪਚ੍ਚਯਾ… ਸਮਨਨ੍ਤਰਪਚ੍ਚਯਾ… ਸਹਜਾਤਪਚ੍ਚਯਾ (ਸਬ੍ਬੇ ਮਹਾਭੂਤਾ ਯਾਵ ਅਸਞ੍ਞਸਤ੍ਤਾ)… ਅਞ੍ਞਮਞ੍ਞਪਚ੍ਚਯਾ… ਨਿਸ੍ਸਯਪਚ੍ਚਯਾ… ਉਪਨਿਸ੍ਸਯਪਚ੍ਚਯਾ… ਪੁਰੇਜਾਤਪਚ੍ਚਯਾ… ਆਸੇਵਨਪਚ੍ਚਯਾ (ਦ੍ਵੀਸੁਪਿ ਪਟਿਸਨ੍ਧਿ ਨਤ੍ਥਿ)… ਕਮ੍ਮਪਚ੍ਚਯਾ… ਵਿਪਾਕਪਚ੍ਚਯਾ (ਸਂਖਿਤ੍ਤਂ)… ਅਵਿਗਤਪਚ੍ਚਯਾ.

੧. ਪਚ੍ਚਯਾਨੁਲੋਮਂ

੨. ਸਙ੍ਖ੍ਯਾਵਾਰੋ

੫. ਹੇਤੁਯਾ ਨਵ, ਆਰਮ੍ਮਣੇ ਨਵ (ਸਬ੍ਬਤ੍ਥ ਨਵ), ਅਵਿਗਤੇ ਨਵ (ਏਵਂ ਗਣੇਤਬ੍ਬਂ).

ਅਨੁਲੋਮਂ.

੨. ਪਚ੍ਚਯਪਚ੍ਚਨੀਯਂ

੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੬. ਨਹੇਤੁਂ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਨਹੇਤੁਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ; ਏਕਂ ਮਹਾਭੂਤਂ…ਪੇ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ…ਪੇ….(੧)

ਨਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੨)

ਨਆਰਮ੍ਮਣਪਚ੍ਚਯਾਦਿ

੭. ਹੇਤੁਂ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਹੇਤੁਂ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਨਹੇਤੁਂ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਨਹੇਤੂ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… ਸਬ੍ਬੇ ਮਹਾਭੂਤਾ…ਪੇ…. (੧)

ਹੇਤੁਞ੍ਚ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਹੇਤੁਞ੍ਚ ਨਹੇਤੁਞ੍ਚ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… ਨਅਧਿਪਤਿਪਚ੍ਚਯਾ… (ਪਰਿਪੁਣ੍ਣਂ) ਨਅਨਨ੍ਤਰਪਚ੍ਚਯਾ… ਨਸਮਨਨ੍ਤਰਪਚ੍ਚਯਾ… ਨਅਞ੍ਞਮਞ੍ਞਪਚ੍ਚਯਾ… ਨਉਪਨਿਸ੍ਸਯਪਚ੍ਚਯਾ.

ਨਪੁਰੇਜਾਤਪਚ੍ਚਯੋ

੮. ਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਅਲੋਭਂ ਪਟਿਚ੍ਚ ਅਦੋਸੋ ਅਮੋਹੋ (ਚਕ੍ਕਂ). ਲੋਭਂ ਪਟਿਚ੍ਚ ਮੋਹੋ, ਮੋਹਂ ਪਟਿਚ੍ਚ ਲੋਭੋ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਹੇਤੁਂ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਹੇਤੁਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ, ਹੇਤੁਂ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਚ ਨਹੇਤੁ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਅਲੋਭਂ ਪਟਿਚ੍ਚ ਅਦੋਸੋ ਅਮੋਹੋ ਸਮ੍ਪਯੁਤ੍ਤਕਾ ਚ ਖਨ੍ਧਾ (ਚਕ੍ਕਂ). ਲੋਭਂ ਪਟਿਚ੍ਚ ਮੋਹੋ ਸਮ੍ਪਯੁਤ੍ਤਕਾ ਚ ਖਨ੍ਧਾ (ਚਕ੍ਕਂ); ਪਟਿਸਨ੍ਧਿਕ੍ਖਣੇ…ਪੇ…. (੩)

੯. ਨਹੇਤੁਂ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਨਹੇਤੁਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਨਹੇਤੂ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… ਏਕਂ ਮਹਾਭੂਤਂ…ਪੇ…. (੧)

ਨਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਨਹੇਤੂ ਖਨ੍ਧੇ ਪਟਿਚ੍ਚ ਹੇਤੂ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਨਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਚ ਨਹੇਤੁ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਨਹੇਤੁਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਹੇਤੁ ਚ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੩)

੧੦. ਹੇਤੁਞ੍ਚ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਅਲੋਭਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਅਦੋਸੋ ਅਮੋਹੋ (ਚਕ੍ਕਂ). ਅਰੂਪੇ ਲੋਭਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਮੋਹੋ (ਚਕ੍ਕਂ); ਪਟਿਸਨ੍ਧਿਕ੍ਖਣੇ…ਪੇ…. (੧)

ਹੇਤੁਞ੍ਚ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਨਹੇਤੁਂ ਏਕਂ ਖਨ੍ਧਞ੍ਚ ਹੇਤੁਞ੍ਚ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਨਹੇਤੂ ਖਨ੍ਧੇ ਚ ਹੇਤੁਞ੍ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਹੇਤੁਞ੍ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਹੇਤੁਞ੍ਚ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਚ ਨਹੇਤੁ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਨਹੇਤੁਂ ਏਕਂ ਖਨ੍ਧਞ੍ਚ ਅਲੋਭਞ੍ਚ ਪਟਿਚ੍ਚ ਤਯੋ ਖਨ੍ਧਾ ਅਦੋਸੋ ਅਮੋਹੋ ਚ…ਪੇ… ਦ੍ਵੇ ਖਨ੍ਧੇ…ਪੇ… (ਚਕ੍ਕਂ). ਨਹੇਤੁਂ ਏਕਂ ਖਨ੍ਧਞ੍ਚ ਲੋਭਞ੍ਚ ਪਟਿਚ੍ਚ ਤਯੋ ਖਨ੍ਧਾ ਮੋਹੋ ਚ (ਚਕ੍ਕਂ); ਪਟਿਸਨ੍ਧਿਕ੍ਖਣੇ…ਪੇ…. (੩)

ਨਪਚ੍ਛਾਜਾਤਪਚ੍ਚਯਾਦਿ

੧੧. ਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਪਚ੍ਛਾਜਾਤਪਚ੍ਚਯਾ… ਨਆਸੇਵਨਪਚ੍ਚਯਾ.

ਨਕਮ੍ਮਪਚ੍ਚਯਾਦਿ

੧੨. ਹੇਤੁਂ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਹੇਤੁਂ ਪਟਿਚ੍ਚ ਸਮ੍ਪਯੁਤ੍ਤਕਾ ਚੇਤਨਾ. (੧)

ਨਹੇਤੁਂ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਨਹੇਤੂ ਖਨ੍ਧੇ ਪਟਿਚ੍ਚ ਸਮ੍ਪਯੁਤ੍ਤਕਾ ਚੇਤਨਾ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ…ਪੇ…. (੧)

ਹੇਤੁਞ੍ਚ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਹੇਤੁਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਸਮ੍ਪਯੁਤ੍ਤਕਾ ਚੇਤਨਾ. (੧)

ਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਵਿਪਾਕਪਚ੍ਚਯਾ… ਨਵ.

ਨਆਹਾਰਪਚ੍ਚਯਾਦਿ

੧੩. ਨਹੇਤੁਂ ਧਮ੍ਮਂ ਪਟਿਚ੍ਚ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਆਹਾਰਪਚ੍ਚਯਾ – ਬਾਹਿਰਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ…ਪੇ… ਨਇਨ੍ਦ੍ਰਿਯਪਚ੍ਚਯਾ – ਬਾਹਿਰਂ… ਆਹਾਰਸਮੁਟ੍ਠਾਨਂ … ਉਤੁਸਮੁਟ੍ਠਾਨਂ…ਪੇ… ਅਸਞ੍ਞਸਤ੍ਤਾਨਂ ਮਹਾਭੂਤੇ ਪਟਿਚ੍ਚ ਰੂਪਜੀਵਿਤਿਨ੍ਦ੍ਰਿਯਂ, ਨਝਾਨਪਚ੍ਚਯਾ – ਪਞ੍ਚਵਿਞ੍ਞਾਣਂ …ਪੇ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ…ਪੇ… ਨਮਗ੍ਗਪਚ੍ਚਯਾ – ਅਹੇਤੁਕਂ ਨਹੇਤੁਂ ਏਕਂ ਖਨ੍ਧਂ ਪਟਿਚ੍ਚ…ਪੇ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ…ਪੇ… ਨਸਮ੍ਪਯੁਤ੍ਤਪਚ੍ਚਯਾ… ਨਵਿਪ੍ਪਯੁਤ੍ਤਪਚ੍ਚਯਾ… (ਨਪੁਰੇਜਾਤਸਦਿਸਂ, ਅਰੂਪਪਞ੍ਹਾਯੇਵ) ਨੋਨਤ੍ਥਿਪਚ੍ਚਯਾ… ਨੋਵਿਗਤਪਚ੍ਚਯਾ.

੨. ਪਚ੍ਚਯਪਚ੍ਚਨੀਯਂ

੨. ਸਙ੍ਖ੍ਯਾਵਾਰੋ

ਸੁਦ੍ਧਂ

੧੪. ਨਹੇਤੁਯਾ ਦ੍ਵੇ, ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਨਵ, ਨਅਨਨ੍ਤਰੇ ਤੀਣਿ, ਨਸਮਨਨ੍ਤਰੇ ਤੀਣਿ, ਨਅਞ੍ਞਮਞ੍ਞੇ ਤੀਣਿ, ਨਉਪਨਿਸ੍ਸਯੇ ਤੀਣਿ, ਨਪੁਰੇਜਾਤੇ ਨਵ, ਨਪਚ੍ਛਾਜਾਤੇ ਨਵ, ਨਆਸੇਵਨੇ ਨਵ, ਨਕਮ੍ਮੇ ਤੀਣਿ, ਨਵਿਪਾਕੇ ਨਵ, ਨਆਹਾਰੇ ਏਕਂ, ਨਇਨ੍ਦ੍ਰਿਯੇ ਏਕਂ, ਨਝਾਨੇ ਏਕਂ, ਨਮਗ੍ਗੇ ਏਕਂ, ਨਸਮ੍ਪਯੁਤ੍ਤੇ ਤੀਣਿ, ਨਵਿਪ੍ਪਯੁਤ੍ਤੇ ਨਵ, ਨੋਨਤ੍ਥਿਯਾ ਤੀਣਿ, ਨੋਵਿਗਤੇ ਤੀਣਿ (ਏਵਂ ਗਣੇਤਬ੍ਬਂ).

ਪਚ੍ਚਨੀਯਂ.

੩. ਪਚ੍ਚਯਾਨੁਲੋਮਪਚ੍ਚਨੀਯਂ

ਹੇਤੁਦੁਕਂ

੧੫. ਹੇਤੁਪਚ੍ਚਯਾ ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਨਵ, ਨਅਨਨ੍ਤਰੇ ਤੀਣਿ…ਪੇ… ਨਉਪਨਿਸ੍ਸਯੇ ਤੀਣਿ, ਨਪੁਰੇਜਾਤੇ ਨਵ, ਨਪਚ੍ਛਾਜਾਤੇ ਨਵ, ਨਆਸੇਵਨੇ ਨਵ, ਨਕਮ੍ਮੇ ਤੀਣਿ, ਨਵਿਪਾਕੇ ਨਵ, ਨਸਮ੍ਪਯੁਤ੍ਤੇ ਤੀਣਿ, ਨਵਿਪ੍ਪਯੁਤ੍ਤੇ ਨਵ, ਨੋਨਤ੍ਥਿਯਾ ਤੀਣਿ, ਨੋਵਿਗਤੇ ਤੀਣਿ.

ਅਨੁਲੋਮਪਚ੍ਚਨੀਯਂ.

੪. ਪਚ੍ਚਯਪਚ੍ਚਨੀਯਾਨੁਲੋਮਂ

ਨਹੇਤੁਦੁਕਂ

੧੬. ਨਹੇਤੁਪਚ੍ਚਯਾ ਆਰਮ੍ਮਣੇ ਦ੍ਵੇ, ਅਨਨ੍ਤਰੇ ਦ੍ਵੇ…ਪੇ… ਕਮ੍ਮੇ ਦ੍ਵੇ, ਵਿਪਾਕੇ ਏਕਂ, ਆਹਾਰੇ ਦ੍ਵੇ, ਇਨ੍ਦ੍ਰਿਯੇ ਦ੍ਵੇ, ਝਾਨੇ ਦ੍ਵੇ, ਮਗ੍ਗੇ ਏਕਂ, ਸਮ੍ਪਯੁਤ੍ਤੇ ਦ੍ਵੇ…ਪੇ… ਅਵਿਗਤੇ ਦ੍ਵੇ.

ਪਚ੍ਚਨੀਯਾਨੁਲੋਮਂ.

੨-੬ ਸਹਜਾਤ-ਪਚ੍ਚਯ-ਨਿਸ੍ਸਯ-ਸਂਸਟ੍ਠ-ਸਮ੍ਪਯੁਤ੍ਤਵਾਰੋ

(ਸਹਜਾਤਵਾਰੋਪਿ ਪਚ੍ਚਯਵਾਰੋਪਿ ਨਿਸ੍ਸਯਵਾਰੋਪਿ ਪਟਿਚ੍ਚਵਾਰਸਦਿਸਾਯੇਵ ਪਞ੍ਹਾ. ਮਹਾਭੂਤੇਸੁ ਨਿਟ੍ਠਿਤੇਸੁ ‘‘ਵਤ੍ਥੁਂ ਪਚ੍ਚਯਾ’’ਤਿ ਕਾਤਬ੍ਬਾ. ਪਞ੍ਚਾਯਤਨਾਨਿ ਅਨੁਲੋਮੇਪਿ ਪਚ੍ਚਨੀਯੇਪਿ ਯਥਾ ਲਬ੍ਭਨ੍ਤਿ ਤਥਾ ਕਾਤਬ੍ਬਾ. ਸਂਸਟ੍ਠਵਾਰੋਪਿ ਸਮ੍ਪਯੁਤ੍ਤਵਾਰੋਪਿ ਪਰਿਪੁਣ੍ਣੋ. ਰੂਪਂ ਨਤ੍ਥਿ, ਅਰੂਪਮੇਵ.)

੭. ਪਞ੍ਹਾਵਾਰੋ

੧. ਪਚ੍ਚਯਾਨੁਲੋਮਂ

੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧੭. ਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਅਲੋਭੋ ਅਦੋਸਸ੍ਸ ਅਮੋਹਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ (ਚਕ੍ਕਂ). ਲੋਭੋ ਮੋਹਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ, ਦੋਸੋ ਮੋਹਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਅਲੋਭੋ ਅਦੋਸਸ੍ਸ ਅਮੋਹਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ (ਚਕ੍ਕਂ). ਲੋਭੋ ਮੋਹਸ੍ਸ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੩)

ਆਰਮ੍ਮਣਪਚ੍ਚਯੋ

੧੮. ਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਹੇਤੁਂ ਆਰਬ੍ਭ ਹੇਤੂ ਉਪ੍ਪਜ੍ਜਨ੍ਤਿ. (੧)

ਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਹੇਤੁਂ ਆਰਬ੍ਭ ਨਹੇਤੂ ਖਨ੍ਧਾ ਉਪ੍ਪਜ੍ਜਨ੍ਤਿ. (੨)

ਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਹੇਤੁਂ ਆਰਬ੍ਭ ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

੧੯. ਨਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ ਦਤ੍ਵਾ ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਪਚ੍ਚਵੇਕ੍ਖਤਿ, ਪੁਬ੍ਬੇ ਸੁਚਿਣ੍ਣਾਨਿ ਪਚ੍ਚਵੇਕ੍ਖਤਿ. ਝਾਨਾ ਵੁਟ੍ਠਹਿਤ੍ਵਾ…ਪੇ… ਅਰਿਯਾ ਮਗ੍ਗਾ ਵੁਟ੍ਠਹਿਤ੍ਵਾ ਮਗ੍ਗਂ ਪਚ੍ਚਵੇਕ੍ਖਨ੍ਤਿ, ਫਲਂ…ਪੇ… ਨਿਬ੍ਬਾਨਂ…ਪੇ… ਨਿਬ੍ਬਾਨਂ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਅਰਿਯਾ ਨਹੇਤੂ ਪਹੀਨੇ ਕਿਲੇਸੇ ਪਚ੍ਚਵੇਕ੍ਖਨ੍ਤਿ, ਵਿਕ੍ਖਮ੍ਭਿਤੇ ਕਿਲੇਸੇ ਪਚ੍ਚਵੇਕ੍ਖਨ੍ਤਿ, ਪੁਬ੍ਬੇ ਸਮੁਦਾਚਿਣ੍ਣੇ ਕਿਲੇਸੇ ਜਾਨਨ੍ਤਿ, ਚਕ੍ਖੁਂ…ਪੇ… ਵਤ੍ਥੁਂ, ਨਹੇਤੂ ਖਨ੍ਧੇ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ, ਚੇਤੋਪਰਿਯਞਾਣੇਨ ਨਹੇਤੁਚਿਤ੍ਤਸਮਙ੍ਗਿਸ੍ਸ ਚਿਤ੍ਤਂ ਜਾਨਾਤਿ. ਆਕਾਸਾਨਞ੍ਚਾਯਤਨਂ [ਆਕਾਸਾਨਞ੍ਚਾਯਤਨਕਿਰਿਯਂ (ਸ੍ਯਾ.) ਏਵਮੁਪਰਿਪਿ ਤੀਸੁ ਠਾਨੇਸੁ] ਵਿਞ੍ਞਾਣਞ੍ਚਾਯਤਨਸ੍ਸ…ਪੇ… ਆਕਿਞ੍ਚਞ੍ਞਾਯਤਨਂ ਨੇਵਸਞ੍ਞਾਨਾਸਞ੍ਞਾਯਤਨਸ੍ਸ…ਪੇ… ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ …ਪੇ… ਨਹੇਤੂ ਖਨ੍ਧਾ ਇਦ੍ਧਿਵਿਧਞਾਣਸ੍ਸ, ਚੇਤੋਪਰਿਯਞਾਣਸ੍ਸ, ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ, ਯਥਾਕਮ੍ਮੂਪਗਞਾਣਸ੍ਸ, ਅਨਾਗਤਂਸਞਾਣਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ ਦਤ੍ਵਾ (ਪਠਮਗਮਨਂਯੇਵ, ਆਵਜ੍ਜਨਾ ਨਤ੍ਥਿ. ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸਾਤਿ ਇਦਂ ਨਤ੍ਥਿ). (੨)

ਨਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ ਦਤ੍ਵਾ ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਪਚ੍ਚਵੇਕ੍ਖਤਿ, ਤਂ ਆਰਬ੍ਭ ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ (ਤਤ੍ਥ ਤਤ੍ਥ ਠਿਤੇਨ ਇਮਂ ਕਾਤਬ੍ਬਂ ਦੁਤਿਯਗਮਨਸਦਿਸਂ). (੩)

੨੦. ਹੇਤੁ ਚ ਨਹੇਤੁ ਚ ਧਮ੍ਮਾ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਹੇਤੁਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਆਰਬ੍ਭ ਹੇਤੂ ਉਪ੍ਪਜ੍ਜਨ੍ਤਿ. (੧)

ਹੇਤੁ ਚ ਨਹੇਤੁ ਚ ਧਮ੍ਮਾ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਹੇਤੁਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਆਰਬ੍ਭ ਨਹੇਤੂ ਖਨ੍ਧਾ ਉਪ੍ਪਜ੍ਜਨ੍ਤਿ. (੨)

ਹੇਤੁ ਚ ਨਹੇਤੁ ਚ ਧਮ੍ਮਾ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਹੇਤੁਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਆਰਬ੍ਭ ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

ਅਧਿਪਤਿਪਚ੍ਚਯੋ

੨੧. ਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਹੇਤੁਂ ਗਰੁਂ ਕਤ੍ਵਾ ਹੇਤੂ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਹੇਤੁ ਅਧਿਪਤਿ ਸਮ੍ਪਯੁਤ੍ਤਕਾਨਂ ਹੇਤੂਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਹੇਤੁਂ ਗਰੁਂ ਕਤ੍ਵਾ ਨਹੇਤੂ ਖਨ੍ਧਾ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਹੇਤੁ ਅਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੨)

ਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਹੇਤੁਂ ਗਰੁਂ ਕਤ੍ਵਾ ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਹੇਤੁ ਅਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੂਨਞ੍ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੩)

੨੨. ਨਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਦਾਨਂ ਦਤ੍ਵਾ (ਵਿਤ੍ਥਾਰੇਤਬ੍ਬਂ ਯਾਵ. ਨਹੇਤੂ ਖਨ੍ਧਾ). ਸਹਜਾਤਾਧਿਪਤਿ – ਨਹੇਤੁ ਅਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਦਾਨਂ ਦਤ੍ਵਾ (ਸਂਖਿਤ੍ਤਂ. ਯਾਵ ਵਤ੍ਥੁ ਨਹੇਤੂ ਚ ਖਨ੍ਧਾ ਤਾਵ ਕਾਤਬ੍ਬਂ). ਸਹਜਾਤਾਧਿਪਤਿ ਨਹੇਤੁ ਅਧਿਪਤਿ ਸਮ੍ਪਯੁਤ੍ਤਕਾਨਂ ਹੇਤੂਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੨)

ਨਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਦਾਨਂ ਦਤ੍ਵਾ ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ, ਤਂ ਗਰੁਂ ਕਤ੍ਵਾ ਨਹੇਤੂ ਖਨ੍ਧਾ ਚ ਹੇਤੂ ਚ ਉਪ੍ਪਜ੍ਜਨ੍ਤਿ, ਪੁਬ੍ਬੇ ਸੁਚਿਣ੍ਣਾਨਿ (ਯਾਵ ਵਤ੍ਥੁ ਨਹੇਤੂ ਖਨ੍ਧਾ, ਚ ਤਾਵ ਕਾਤਬ੍ਬਂ). ਸਹਜਾਤਾਧਿਪਤਿ – ਨਹੇਤੁ ਅਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੂਨਞ੍ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੩)

੨੩. ਹੇਤੁ ਚ ਨਹੇਤੁ ਚ ਧਮ੍ਮਾ ਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਾਧਿਪਤਿ – ਹੇਤੁਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਗਰੁਂ ਕਤ੍ਵਾ ਹੇਤੂ ਉਪ੍ਪਜ੍ਜਨ੍ਤਿ. (੧)

ਹੇਤੁ ਚ ਨਹੇਤੁ ਚ ਧਮ੍ਮਾ ਨਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਾਧਿਪਤਿ – ਹੇਤੁਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਗਰੁਂ ਕਤ੍ਵਾ ਨਹੇਤੂ ਖਨ੍ਧਾ ਉਪ੍ਪਜ੍ਜਨ੍ਤਿ. (੨)

ਹੇਤੁ ਚ ਨਹੇਤੁ ਚ ਧਮ੍ਮਾ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਾਧਿਪਤਿ – ਹੇਤੁਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਗਰੁਂ ਕਤ੍ਵਾ ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

ਅਨਨ੍ਤਰਪਚ੍ਚਯੋ

੨੪. ਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਹੇਤੂ ਪਚ੍ਛਿਮਾਨਂ ਪਚ੍ਛਿਮਾਨਂ ਹੇਤੂਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੧)

ਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਹੇਤੂ ਪਚ੍ਛਿਮਾਨਂ ਪਚ੍ਛਿਮਾਨਂ ਨਹੇਤੂਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੨)

ਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਹੇਤੂ ਪਚ੍ਛਿਮਾਨਂ ਪਚ੍ਛਿਮਾਨਂ ਹੇਤੂਨਂ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੩)

੨੫. ਨਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਨਹੇਤੂ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਨਹੇਤੂਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਅਨੁਲੋਮਂ ਗੋਤ੍ਰਭੁਸ੍ਸ (ਸਂਖਿਤ੍ਤਂ) ਨੇਵਸਞ੍ਞਾਨਾਸਞ੍ਞਾਯਤਨਂ ਫਲਸਮਾਪਤ੍ਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ…ਪੇ…. (੨)

ਨਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ (ਨਹੇਤੁਮੂਲਕਂ ਤੀਣਿਪਿ ਏਕਸਦਿਸਂ). (੩)

੨੬. ਹੇਤੂ ਚ ਨਹੇਤੂ ਚ ਧਮ੍ਮਾ ਹੇਤੁਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਹੇਤੂਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੧)

ਹੇਤੂ ਚ ਨਹੇਤੂ ਚ ਧਮ੍ਮਾ ਨਹੇਤੁਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਨਹੇਤੂਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੨)

ਹੇਤੂ ਚ ਨਹੇਤੂ ਚ ਧਮ੍ਮਾ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਹੇਤੂਨਂ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੩)

ਸਮਨਨ੍ਤਰਪਚ੍ਚਯਾਦਿ

੨੭. ਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਸਮਨਨ੍ਤਰਪਚ੍ਚਯੇਨ ਪਚ੍ਚਯੋ (ਅਨਨ੍ਤਰਸਦਿਸਂ.)… ਸਹਜਾਤਪਚ੍ਚਯੇਨ ਪਚ੍ਚਯੋ… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ (ਇਮੇ ਦ੍ਵੇਪਿ ਪਟਿਚ੍ਚਸਦਿਸਾ. ਨਿਸ੍ਸਯਪਚ੍ਚਯੋ ਪਚ੍ਚਯਵਾਰੇ ਨਿਸ੍ਸਯਪਚ੍ਚਯਸਦਿਸੋ.)

ਉਪਨਿਸ੍ਸਯਪਚ੍ਚਯੋ

੨੮. ਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਹੇਤੂ ਹੇਤੂਨਂ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਹੇਤੂ ਨਹੇਤੂਨਂ ਖਨ੍ਧਾਨਂ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੨)

ਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਹੇਤੂ ਹੇਤੂਨਂ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

੨੯. ਨਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ… ਪਕਤੂਪਨਿਸ੍ਸਯੋ – ਸਦ੍ਧਂ ਉਪਨਿਸ੍ਸਾਯ ਦਾਨਂ ਦੇਤਿ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ…ਪੇ… ਦਿਟ੍ਠਿਂ ਗਣ੍ਹਾਤਿ; ਸੀਲਂ…ਪੇ… ਸੇਨਾਸਨਂ ਉਪਨਿਸ੍ਸਾਯ ਦਾਨਂ ਦੇਤਿ…ਪੇ… ਸਙ੍ਘਂ ਭਿਨ੍ਦਤਿ; ਸਦ੍ਧਾ…ਪੇ… ਸੇਨਾਸਨਂ ਸਦ੍ਧਾਯ…ਪੇ… ਫਲਸਮਾਪਤ੍ਤਿਯਾ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ… ਪਕਤੂਪਨਿਸ੍ਸਯੋ – ਸਦ੍ਧਂ…ਪੇ… ਸੇਨਾਸਨਂ ਉਪਨਿਸ੍ਸਾਯ ਦਾਨਂ ਦੇਤਿ…ਪੇ… ਸਙ੍ਘਂ ਭਿਨ੍ਦਤਿ; ਸਦ੍ਧਾ…ਪੇ… ਸੇਨਾਸਨਂ ਸਦ੍ਧਾਯ…ਪੇ… ਪਤ੍ਥਨਾਯ ਮਗ੍ਗਸ੍ਸ ਫਲਸਮਾਪਤ੍ਤਿਯਾ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੨)

ਨਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ… ਪਕਤੂਪਨਿਸ੍ਸਯੋ (ਦੁਤਿਯਉਪਨਿਸ੍ਸਯਸਦਿਸਂ). (੩)

੩੦. ਹੇਤੂ ਚ ਨਹੇਤੂ ਚ ਧਮ੍ਮਾ ਹੇਤੁਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਹੇਤੂਨਂ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਹੇਤੂ ਚ ਨਹੇਤੂ ਚ ਧਮ੍ਮਾ ਨਹੇਤੁਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਨਹੇਤੂਨਂ ਖਨ੍ਧਾਨਂ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੨)

ਹੇਤੂ ਚ ਨਹੇਤੂ ਚ ਧਮ੍ਮਾ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ …ਪੇ…. ਪਕਤੂਪਨਿਸ੍ਸਯੋ – ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਹੇਤੂਨਞ੍ਚ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

ਪੁਰੇਜਾਤਪਚ੍ਚਯੋ

੩੧. ਨਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ, ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ…. ਵਤ੍ਥੁਪੁਰੇਜਾਤਂ – ਚਕ੍ਖਾਯਤਨਂ…ਪੇ… ਕਾਯਾਯਤਨਂ…ਪੇ… ਵਤ੍ਥੁ ਨਹੇਤੂਨਂ ਖਨ੍ਧਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ. ਵਤ੍ਥੁਪੁਰੇਜਾਤਂ – ਵਤ੍ਥੁ ਹੇਤੂਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੨)

ਨਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ. ਵਤ੍ਥੁਪੁਰੇਜਾਤਂ – ਵਤ੍ਥੁ ਹੇਤੂਨਂ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੩)

ਪਚ੍ਛਾਜਾਤਪਚ੍ਚਯਾਦਿ

੩੨. ਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ – ਪਚ੍ਛਾਜਾਤਾ ਹੇਤੂ ਪੁਰੇਜਾਤਸ੍ਸ ਇਮਸ੍ਸ ਕਾਯਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ – ਪਚ੍ਛਾਜਾਤਾ ਨਹੇਤੂ ਖਨ੍ਧਾ ਪੁਰੇਜਾਤਸ੍ਸ ਇਮਸ੍ਸ ਕਾਯਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. (੧)

ਹੇਤੂ ਚ ਨਹੇਤੂ ਚ ਧਮ੍ਮਾ ਨਹੇਤੁਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ – ਪਚ੍ਛਾਜਾਤਾ ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਪੁਰੇਜਾਤਸ੍ਸ ਇਮਸ੍ਸ ਕਾਯਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. (੧)

ਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਆਸੇਵਨਪਚ੍ਚਯੇਨ ਪਚ੍ਚਯੋ (ਅਨਨ੍ਤਰਸਦਿਸਂ).

ਕਮ੍ਮਪਚ੍ਚਯੋ

੩੩. ਨਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਨਹੇਤੁ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਨਹੇਤੁ ਚੇਤਨਾ ਵਿਪਾਕਾਨਂ ਖਨ੍ਧਾਨਂ ਕਟਤ੍ਤਾ ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਨਹੇਤੁ ਚੇਤਨਾ ਸਮ੍ਪਯੁਤ੍ਤਕਾਨਂ ਹੇਤੂਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਨਹੇਤੁ ਚੇਤਨਾ ਵਿਪਾਕਾਨਂ ਹੇਤੂਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੨)

ਨਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਨਹੇਤੁ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੂਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਨਹੇਤੁ ਚੇਤਨਾ ਵਿਪਾਕਾਨਂ ਖਨ੍ਧਾਨਂ ਹੇਤੂਨਂ ਕਟਤ੍ਤਾ ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੩)

ਵਿਪਾਕਪਚ੍ਚਯੋ

੩੪. ਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਵਿਪਾਕਪਚ੍ਚਯੇਨ ਪਚ੍ਚਯੋ – ਵਿਪਾਕੋ ਅਲੋਭੋ ਅਦੋਸਸ੍ਸ ਅਮੋਹਸ੍ਸ ਵਿਪਾਕਪਚ੍ਚਯੇਨ ਪਚ੍ਚਯੋ (ਪਟਿਚ੍ਚਵਾਰਸਦਿਸਂ. ਵਿਪਾਕਵਿਭਙ੍ਗੇ ਨਵ ਪਞ੍ਹਾ).

ਆਹਾਰਪਚ੍ਚਯੋ

੩੫. ਨਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ – ਨਹੇਤੂ ਆਹਾਰਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਆਹਾਰਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ… ਕਬਲ਼ੀਕਾਰੋ ਆਹਾਰੋ ਇਮਸ੍ਸ ਕਾਯਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ – ਨਹੇਤੂ ਆਹਾਰਾ ਸਮ੍ਪਯੁਤ੍ਤਕਾਨਂ ਹੇਤੂਨਂ ਆਹਾਰਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਨਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ – ਨਹੇਤੂ ਆਹਾਰਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੂਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਆਹਾਰਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੩)

ਇਨ੍ਦ੍ਰਿਯਪਚ੍ਚਯੋ

੩੬. ਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ…ਪੇ… (ਹੇਤੁਮੂਲਕੇ ਤੀਣਿ).

ਨਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ – ਨਹੇਤੂ ਇਨ੍ਦ੍ਰਿਯਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ… ਚਕ੍ਖੁਨ੍ਦ੍ਰਿਯਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਕਾਯਿਨ੍ਦ੍ਰਿਯਂ ਕਾਯਵਿਞ੍ਞਾਣਸ੍ਸ…ਪੇ… ਰੂਪਜੀਵਿਤਿਨ੍ਦ੍ਰਿਯਂ ਕਟਤ੍ਤਾਰੂਪਾਨਂ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ (ਏਵਂ ਇਨ੍ਦ੍ਰਿਯਪਚ੍ਚਯਾ ਵਿਤ੍ਥਾਰੇਤਬ੍ਬਾ. ਨਵ).

ਝਾਨਪਚ੍ਚਯਾਦਿ

੩੭. ਨਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਝਾਨਪਚ੍ਚਯੇਨ ਪਚ੍ਚਯੋ… ਤੀਣਿ.

ਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਮਗ੍ਗਪਚ੍ਚਯੇਨ ਪਚ੍ਚਯੋ… ਸਮ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (ਇਮੇਸੁ ਦ੍ਵੀਸੁ ਨਵ.)

ਵਿਪ੍ਪਯੁਤ੍ਤਪਚ੍ਚਯੋ

੩੮. ਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ. ਸਹਜਾਤਾ – ਹੇਤੂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ ਹੇਤੂ ਕਟਤ੍ਤਾਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਹੇਤੂ ਵਤ੍ਥੁਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਾ – ਹੇਤੂ ਪੁਰੇਜਾਤਸ੍ਸ ਇਮਸ੍ਸ ਕਾਯਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਧਮ੍ਮੋ ਨਹੇਤੁਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ, ਪਚ੍ਛਾਜਾਤਂ. ਸਹਜਾਤਾ – ਨਹੇਤੂ ਖਨ੍ਧਾ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ ਨਹੇਤੂ ਖਨ੍ਧਾ ਕਟਤ੍ਤਾਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਖਨ੍ਧਾ ਵਤ੍ਥੁਸ੍ਸ…ਪੇ… ਵਤ੍ਥੁ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਕਾਯਾਯਤਨਂ ਕਾਯਵਿਞ੍ਞਾਣਸ੍ਸ, ਵਤ੍ਥੁ ਨਹੇਤੂਨਂ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਾ – ਨਹੇਤੂ ਖਨ੍ਧਾ ਪੁਰੇਜਾਤਸ੍ਸ ਇਮਸ੍ਸ ਕਾਯਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਧਮ੍ਮੋ ਹੇਤੁਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤਂ – ਪਟਿਸਨ੍ਧਿਕ੍ਖਣੇ ਵਤ੍ਥੁ ਹੇਤੂਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਵਤ੍ਥੁ ਹੇਤੂਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੨)

ਨਹੇਤੁ ਧਮ੍ਮੋ ਹੇਤੁਸ੍ਸ ਚ ਨਹੇਤੁਸ੍ਸ ਚ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤਂ – ਪਟਿਸਨ੍ਧਿਕ੍ਖਣੇ ਵਤ੍ਥੁ ਹੇਤੂਨਂ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਵਤ੍ਥੁ ਹੇਤੂਨਂ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੩)

ਹੇਤੂ ਚ ਨਹੇਤੂ ਚ ਧਮ੍ਮਾ ਨਹੇਤੁਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ. ਸਹਜਾਤਾ – ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਕਟਤ੍ਤਾਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਾ – ਹੇਤੂ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਪੁਰੇਜਾਤਸ੍ਸ ਇਮਸ੍ਸ ਕਾਯਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੧)

ਅਤ੍ਥਿਪਚ੍ਚਯਾਦਿ