੫. ਵਿਸਮਵੁਤ੍ਤਿਨਿਦ੍ਦੇਸ-ਪਞ੍ਚਮਪਰਿਚ੍ਛੇਦ

੧੧੮. ਨ’ਟ੍ਠਕ੍ਖਰੇਸੁ ਪਾਦੇਸੁ, ਸ੍ਨਾ’ਦਿਮ੍ਹਾ ਯੋ’ਣ੍ਣਵਾ ਵਤ੍ਤਂ.

੧੧੯. ਸਮੇਸੁ ਸਿਨ੍ਧੁਤੋ ਜੇਨ, ਪਥ੍ਯਾਵਤ੍ਤਂ ਪਕਿਤ੍ਤਿਤਂ.

੧੨੦. ਓਜੇਸੁ ਜੇਨ ਸਿਨ੍ਧੁਤੋ, ਤ’ਮੇਵ ਵੀਪਰੀਤਾ’ਦਿ.

੧੨੧. ਨ,ਕਾਰੋ ਚੇ ਜਲਧਿਤੋ, ਚਪਲਾਵਤ੍ਤ’ਮਿਚ੍ਚੇ’ਤਂ.

੧੨੨. ਸਮੇ ਲੋ ਸਤ੍ਤਮੋ ਯਸ੍ਸਾ, ਵਿਪੁਲਾ ਪਿਙ੍ਗਲਸ੍ਸ ਸਾ.

੧੨੩. ਸੇਤਵਸ੍ਸਾ’ਖਿਲੇਸੁਪਿ.

੧੨੪. ਭੇਨ’ਣ੍ਣਵਾ ਭ’ਬ੍ਬਿਪੁਲਾ.

੧੨੫. ਏਵ’ਮਞ੍ਞਾ ਰੋ ਚਤੁਤ੍ਥਾ.

੧੨੬. ਨੋ’ਣ੍ਣਵਾ ਚੇ ਨਵਿਪੁਲਾ.

੧੨੭. ਤੋ’ਣ੍ਣਵਾ ਤਥਾ’ਞ੍ਞਾ ਸਿਯਾ.

ਵਤ੍ਤ’ਪ੍ਪਭੇਦੋ.

੧੨੮. ਨਦਿਸ੍ਸਤੇ’ਤ੍ਥ ਯਂ ਛਨ੍ਦਂ, ਪਯੋਗੇ ਦਿਸ੍ਸਤੇ ਯਦਿ;

ਵਿਸਮ’ਕ੍ਖਰਪਾਦਂ ਤਂ, ਗਾਥਾ ਸਾਮਞ੍ਞਨਾਮਤੋ.

ਇਤਿ ਵੁਤ੍ਤੋਦਯੇ ਛਨ੍ਦਸਿ ਵਿਸਮਵੁਤ੍ਤਿ ਨਿਦ੍ਦੇਸੋ ਨਾਮ

ਪਞ੍ਚਮੋ ਪਰਿਚ੍ਛੇਦੋ.