ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

ਵੁਤ੍ਤੋਦਯਂ

੧. ਸਞ੍ਞਾਪਰਿਭਾਸਾਨਿਦ੍ਦੇਸ-ਪਠਮਪਰਿਚ੍ਛੇਦ

ਰਤਨਤ੍ਤਯਪ੍ਪਣਾਮ

੧. ਨਮ’ਤ੍ਥੁ ਜਨ ਸਨ੍ਤਾਨ, ਤਮ ਸਨ੍ਤਾਨ ਭੇਦਿਨੋ;

ਧਮ੍ਮੁ’ਜ੍ਜਲਨ੍ਤ ਰੁਚਿਨੋ, ਮੁਨਿਨ੍ਦੋ’ਦਾਤ ਰੋਚਿਨੋ.

ਨਿਮਿਤ੍ਤ

੨. ਪਿਙ੍ਗਲਾ’ਚਰਿਯਾਦੀਹਿ, ਛਨ੍ਦਂ ਯ ਮੁਦਿਤਂ ਪੁਰਾ;

ਸੁਦ੍ਧਮਾਗਧਿਕਾਨਂ ਤਂ, ਨ ਸਾਧੇਤਿ ਯਥਿਚ੍ਛਿਤਂ [ਯ’ਦਿਚ੍ਛਿਤਂ ਯਤਿ’ਚ੍ਛਿਤਂ (ਕ.)].

ਗਨ੍ਥਪਰਿਮਾਣ

੩. ਤਤੋ ਮਾਗਧਭਾਸਾਯ, ਮਤ੍ਤਾ,ਵਣ੍ਣ,ਵਿਭੇਦਨਂ;

ਲਕ੍ਖ੍ਯ ਲਕ੍ਖਣ ਸਂਯੁਤ੍ਤਂ, ਪਸਨ੍ਨ’ਤ੍ਥ,ਪਦ,ਕ੍ਕਮਂ.

ਅਭਿਧਾਨਾਦਿ

੪. ਇਦਂ ਵੁਤ੍ਤੋਦਯਂ ਨਾਮ, ਲੋਕਿਯ’ਚ੍ਛਨ੍ਦਨਿਸ੍ਸਿਤਂ;

ਆਰਭਿਸ੍ਸ’ਮਹਂ ਦਾਨਿ, ਤੇਸਂ ਸੁਖਵਿਬੁਦ੍ਧਿਯਾ.

ਗਣਸਙ੍ਕੇਤਸਞ੍ਞਾ

੫. ਸਬ੍ਬਗ੍ਲਾ ਮ੍ਨਾ,’ਦਿਗਲਹੂ, ਭ੍ਯਾ’,ਮਜ੍ਝ’ਨ੍ਤ ਗਰੂ ਜਸਾ;

ਮਜ੍ਝ’ਨ੍ਤਲਾ ਰ,ਤੇ’ਤੇ’ਟ੍ਠ, ਗਣਾ ਗੋ ਗਰੁ,ਲੋ ਲਹੁ.

ਗਣਨਿਯਮ

੬. ਭ,ਜ,ਸਾ ਸਬ੍ਬਗ,ਲਹੂ, ਪਞ੍ਚਿ’ਮੇ ਸਣ੍ਠਿਤਾ ਗਣਾ;

ਅਰਿਯਾਦਿਮ੍ਹਿ ਵਿਞ੍ਞੇਯ੍ਯਾ, ਗਣੋ ਇਧ ਚਤੁ’ਕ੍ਕਲੋ.

ਗਰੁ,ਲਹੁਸਰੂਪ

੭. ਸਂਯੋਗਾ’ਦਿ ਚ, ਦੀਘੋ ਚ, ਨਿਗ੍ਗਹੀਤਪਰੋ ਚ, ਯੋ;

ਗਰੁ, ਵਙ੍ਕੋ, ਪਾਦਨ੍ਤੋ,ਵਾ, ਰਸ੍ਸੋ’ਞ੍ਞੋ ਮਤ੍ਤਿਕੋ ਲੁ’ਜੁ.

੮. ਪਰੇ ਪਾਦਾਦਿਸਂਯੋਗੇ, ਯੋ ਪੁਬ੍ਬੋ ਗਰੁਕ’ਕ੍ਖਰੋ;

ਲਹੁ ਸ ਕ੍ਵਚਿ ਵਿਞ੍ਞੇਯ੍ਯੋ, ਤਦੁਦਾਹਰਣਂ ਯਥਾ.

੯. ਦਸ੍ਸਨਰਸਾ’ਨੁਭਾਵਨੇ, ਨਿਬਦ੍ਧਗੇਧਾ ਜਿਨਸ੍ਸ’ਯਂ ਜਨਤਾ;

ਵਿਮ੍ਹਯਜਨਨੀ ਸਞ੍ਞਤ, ਕ੍ਰਿਯਾ ਨੁ ਕਂ ਨਾ’ਨੁਰਞ੍ਜਯਤਿ.

੧੦. ਵਿਞ੍ਞੇਯ੍ਯਾ ਲੋਕਤੋ ਸਞ੍ਞਾ, ਸਮੁਦ੍ਦੋ,ਸੁ,ਰਸਾਦਿਨਂ;

ਪਾਦੋਞੇਯ੍ਯੋ ਚਤੁਤ੍ਥਂ’ਸੋ, ਪਦਚ੍ਛੇਦੋ ਯਤੀ ਭਵੇ.

੧੧. ਸਮ,ਮਡ੍ਢਸਮਂ, ਵੁਤ੍ਤਂ, ਵਿਸਮਂ ਚਾ’ਪਰਂ ਤਿਧਾ;

ਸਮਾ ਲਕ੍ਖਣਤੋ ਪਾਦਾ, ਚਤ੍ਤਾਰੋ ਯਸ੍ਸ ਤਂ ਸਮਂ.

੧੨. ਯਸ੍ਸ’ਨ੍ਤਿਮੇਨ ਦੁਤਿਯੋ, ਤਤਿਯੇਨਾ’ਦਿਮੋ ਸਮੋ;

ਤ’ਦਡ੍ਢਸਮ, ਮਞ੍ਞਂ ਤੁ, ਭਿਨ੍ਨ ਲਕ੍ਖਣ ਪਾਦਿਕਂ.

੧੩. ਪਾਦ’ਮੇਕਕ੍ਖਰਾ’ਰਬ੍ਭ, ਯਾਵ ਛਬ੍ਬੀਸਤ’ਕ੍ਖਰਾ;

ਭਵੇ ਪਾਦੇਹਿ ਤਂ ਛਨ੍ਦਂ, ਨਾਨਾਨਾਮੋ’ਦਿਤਂ ਤਤੋ.

੧੪. ਦਣ੍ਡਕਾ ਚਣ੍ਡਵੁਟ੍ਠ੍ਯਾ’ਦਿ, ਪਾਦੇਹਿ ਛਹਿ, ਤੀਹਿ ਤੁ;

‘ਗਾਥਾ’ਤਿ ਚ ਪਰਤ੍ਥੇ’ਵਂ, ਛਨ੍ਦੋ ਸਞ੍ਞਾ ਪਕਾਸਿਤਾ.

੧੫. ਅਨਨ੍ਤਰੋ’ਦਿਤਂ ਚ’ਞ੍ਞ, ਮੇਤਂ ਸਾਮਞ੍ਞ ਨਾਮਤੋ;

‘ਗਾਥਾ’ਇਚ੍ਚੇਵ ਨਿਦ੍ਦਿਟ੍ਠਂ, ਮੁਨਿਨ੍ਦਵਚਨੇ ਪਨ.

੧੬. ਵਿਸੇਸਨਾਮਤੋ ਕਿਞ੍ਚਿ, ਗਹੇਤ੍ਵਾ ਸਬ੍ਬਥੋ’ਚਿਤਂ;

ਦਸ੍ਸਯਿਸ੍ਸਾਮ’ਹਂ ਤੇ’ਤ੍ਥ, ਨਾਮਾਨਾ’ਵਿ ਭਵਿਸ੍ਸਰੇ.

ਇਤਿ ਵੁਤ੍ਤੋਦਯੇ ਛਨ੍ਦਸਿ ਸਞ੍ਞਾਪਰਿਭਾਸਾ ਨਿਦ੍ਦੇਸੋ ਨਾਮ

ਪਠਮੋ ਪਰਿਚ੍ਛੇਦੋ.

੨. ਮਤ੍ਤਾਵੁਤ੍ਤਿਨਿਦ੍ਦੇਸ-ਦੁਤਿਯਪਰਿਚ੍ਛੇਦ

ਗਣਨਿਯਮ

੧੭. ਛਟ੍ਠੋ’ਖਿਲਲਹੁ,ਜੋ ਵਾ,

ਗਯੁਤਾ’ਞ੍ਞੇ,ਛ’ਗ੍ਗਣਾ,ਨ ਜੋ ਵਿਸਮੇ,;

ਅਰਿਯਾਯ’ਨ੍ਤਡ੍ਢੇ ਲੋ, ਛਟ੍ਠੋ,’ਨ੍ਤੇ ਗੋ,ਗਣਾ ਛ’ਞ੍ਞੇ.

ਯਤਿਨਿਯਮ

੧੮. ਪਠਮਡ੍ਢੇ ਛਟ੍ਠੋ ਚੇ,

ਸਬ੍ਬਲਹੇ,’ਤ੍ਥਾ’ਦਿਲਹੁਨਿ ਭਵਤਿਯਤਿ;

ਤਪ੍ਪਰਕੋ,ਨ੍ਤੇਪਿ, ਸਚੇ, ਚਰਿਮੇਪਿ, ਭਵਤਿ ਚਤੁਤ੍ਥੋ’ਨ੍ਤੇ.

੧੯. ਅਰਿਯਾਸਾਮਞ੍ਞਂ ਚੇ, ਪੁਬ੍ਬੋ’ਦਿਤ ਲਕ੍ਖਣਂ ਭਵੇ ਯਸ੍ਸਾ.

੨੦. ਆਦਿਮ’ਮਥ ਪਾਦਯੁਗਂ, ਯਸ੍ਸਾ ਤ੍ਯਂ’ਸੇਹਿ ਸਾ ਪਥ੍ਯਾ.

੨੧. ਯਤ੍ਥ ਗਣਤ੍ਤਯ ਮੁਲ੍ਲਙ੍ਘਿ,

ਯੋ’ਭਯਤ੍ਥਾ’ਦਿਮੋ ਭਵੇ ਵਿਪੁਲਾ.

੨੨. ਗਰੁਮਜ੍ਝਗੋ ਜਕਾਰੋ, ਚਤੁਤ੍ਥਕੋ ਦੁਤਿਯਕੋ ਚਪਲਾ.

੨੩. ਚਪਲਾ’ਗਤਾ’ਖਿਲਂ ਚੇ, ਦਲਾ’ਦਿਮਂ ਲਕ੍ਖਣਂ ਭਜਤਿ ਯਸ੍ਸਾ;

ਪਥ੍ਯਾਲਕ੍ਖਣ’ਮਞ੍ਞਂ, ਮੁਖਚਪਲਾ ਨਾਮ ਸਾ ਭਵਤਿ.

੨੪. ਪਥ੍ਯਾਯ ਲਕ੍ਖਣਂ ਚੇ, ਪਠਮਡ੍ਢੇ ਲਕ੍ਖਣਂ ਤੁ ਚਪਲਾਯ;

ਦੁਤਿਯੇ ਦਲੇ’ਥ ਯਸ੍ਸਾ, ਪਕਿਤ੍ਤਿਤਾ ਸਾ ਜਘਨਚਪਲਾ.

ਅਰਿਯਾਜਾਤਿਯੋ.

੨੫. ਸਬ੍ਬਂਪਠਮਦਲੇ ਯਦਿ, ਲਕ੍ਖਣ’ਮਰਿਯਾਯ ਵੁਤ੍ਤ’ਮੁਭਯੇਸੁ;

ਯਸ੍ਸਾ ਦਲੇਸੁ ਯੁਤ੍ਤਂ,

ਵੁਤ੍ਤਾ ਸਾ ਗੀਤਿ ਵੁਤ੍ਤ ਯਤਿ ਲਲਿਤਾ.

੨੬. ਅਰਿਯਾਯਂ ਦੁਤਿਯ’ਡ੍ਢੇ, ਗਦਿਤਾ’ਖਿਲਲਕ੍ਖਣਂ ਯਂ ਤਂ;

ਭਵਤਿ ਦਲੇਸੁ’ਭਯੇਸੁਪਿ,

ਯਦਿ ਯਸ੍ਸਾ ਸਾ’ਯ ਮੁਪਗੀਤਿ.

੨੭. ਅਰਿਯਾਯ’ਡ੍ਢਦ੍ਵਿਤਯਂ, ਪੁਬ੍ਬੋਦਿਤ ਲਕ੍ਖਣੋ’ਪੇਤਂ;

ਵਿਪਰਿਯਯੇਨਾ’ਭਿਹਿਤਂ,

ਯਸ੍ਸਾ ਸਮ੍ਭਵਤਿ ਚੇ’ਹ ਸੋ’ਗ੍ਗੀਤਿ.

੨੮. ਅਰਿਯਾਪੁਬ੍ਬ’ਡ੍ਢਂ ਯਦਿ, ਗਰੁਨੇ’ਕੇਨਾ’ਧਿਕੇਨ ਨਿਧਨੇ ਯੁਤ੍ਤਂ;

ਯਦਿ ਪੁਬ੍ਬ’ਡ੍ਢਸਮਾਨਂ, ਦਲ ਮਿਤਰਂ ਚੋ’ਦਿਤਾ’ਯ’ਮਰਿਯਾਗੀਤਿ.

ਗੀਤਿਜਾਤਿਯੋ.

੨੯. ਵਿਸਮੇ ਛ ਸਿਯੁਂ ਕਲਾ ਮੁਖੇ,

ਸਮੇ ਤ੍ਵ’ਟ੍ਠ, ਰ,ਲ,ਗਾ, ਤਤੋ’ਪਰਿ;

ਵੇਤਾਲੀਯਂ ਤ ਮੁਚ੍ਚਤੇ, ਲਹੁ ਛਕ੍ਕਂ ਨ ਨਿਰਨ੍ਤਰਂ ਸਮੇ.

੩੦. ਵੇਤਾਲੀਯੋਪਮਂ ਮੁਖੇ ਤਂ,

ਓਪਚ੍ਛਨ੍ਦਸਕਂ ਰ,ਯਾ ਯ’ਦਨ੍ਤੇ.

੩੧. ਆਪਾਤਲਿਕਾ ਕਥਿਤਾ’ਯਂ, ਭਗਗਾ’ਨ੍ਤੇ ਯਦਿ ਪੁਬ੍ਬਮਿਵ’ਞ੍ਞਂ.

੩੨. ਯਦਾ’ਦਿਤੋ ਦਕ੍ਖਿਣਨ੍ਤਿਕਾ,

ਠਿਤੇ’ਤ੍ਥ ਪਾਦੇਸ੍ਵਾ’ਖਿਲੇਸੁ ਜੋ.

੩੩. ‘ਉਦਿਚ੍ਚਵੁਤ੍ਤੀ’ਤਿ ਵੁਚ੍ਚਤੇ,

ਜੋ ਚਾ’ਦੋ ਵਿਸਮੇਸੁ ਸਣ੍ਠਿਤੋ.

੩੪. ਪੁਬ੍ਬਤ੍ਥ, ਸਮੇਸੁ ਚੇ ਗ, ਜਾ, ‘ਪਚ੍ਚਵੁਤ੍ਤਿ’ ਰੁਦਿਤਾ’ਤਿ ਸਣ੍ਠਿਤਾ.

੩੫. ਸਮਾਸਮਾ’ਤ੍ਰਾ’ਦਿਨਂ ਸਮਾ,

ਸਂਯੁਤਾ ਭਵਤਿ ਤਂ ਪਵਤ੍ਤਕਂ.

੩੬. ਅਸ੍ਸ ਸਾ ਸਮ ਕਤਾ’ ਪਰਨ੍ਤਿਕਾ.

੩੭. ਤਦ’ਞ੍ਞਜਾ ਚਾਰੁਹਾਸਿਨੀ.

ਵੇਤਾਲੀਯਜਾਤਿਯੋ.

੩੮. ਦ੍ਵਿਕ ਵਿਹਤ ਵਸੁ ਲਹੁ ਅਚਲਧਿਤਿ ਰਿ’ਹ.

੩੯. ਮਤ੍ਤਾਸਮਕਂ ਨਵਮੋ ਲ੍ਗ’ਨ੍ਤੇ.

੪੦. ਜੋ ਨ੍ਲਾ’ ਥਵਾ’ਣ੍ਣਵਾ ਵਿਸਿਲੋਕੋ.

੪੧. ਤਦ੍ਵਯਤੋ ਵਾਨਵਾਸਿਕਾ’ਖ੍ਯਾ.

੪੨. ਪਞ੍ਚ,ਟ੍ਠ,ਨਵਸੁ ਯਦਿ ਲੋ ਚਿਤ੍ਰਾ.

੪੩. ਗ,ਲ੍ਯਾ’ਟ੍ਠਹਿ ਚੇ’ਸਾ ਵੁ’ਪਚਿਤ੍ਰਾ.

੪੪. ਯ’ਮਤੀਤ ਲਕ੍ਖਣ ਵਿਸੇਸ ਯੁਤਂ, (ਚਿਤ੍ਰਾ)

ਮਤ੍ਤਾ ਸਮਾ’ਦਿ ਪਾਦਾ’ਭਿਹਿਤਂ; (ਵਿਸਿਲੋਕ)

ਅਨਿਯਤ ਵੁਤ੍ਤ ਪਰਿਮਾਣ ਸਹਿਤਂ, (ਵਾਨਵਾਸਿਕਾ)

ਪਥਿਤਂ ਜਨੇਸੁ ਪਾਦਾਕੁਲਕਂ. (ਵਿਸਿਲੋਕ)

ਮਤ੍ਤਾਸਮਕ ਜਾਤਿਯੋ.

੪੫. ਵਿਨਾ ਵਣ੍ਣੇਹਿ ਮਤ੍ਤਾ ਗਾ, ਵਿਨਾ ਵਣ੍ਣਾ ਗਰੂਹਿ ਤੁ;

ਵਿਨਾ ਲਹੂਹਿ ਗਰਵੋ, ਦਲੇ ਪਥ੍ਯਾਦਿਨੋ ਮਤਾ.

ਇਤਿ ਵੁਤ੍ਤੋਦਯੇ ਛਨ੍ਦਸਿ ਮਤ੍ਤਾਵੁਤ੍ਤਿਨਿਦ੍ਦੇਸੋ ਨਾਮ

ਦੁਤਿਯੋ ਪਰਿਚ੍ਛੇਦੋ.

੩. ਸਮਵੁਤ੍ਤਿਨਿਦ੍ਦੇਸ-ਤਤਿਯਪਰਿਚ੍ਛੇਦ

੪੬. ਤ੍ਯਾ’ ਚੇ ਤਨੁਮਜ੍ਝਾ.

ਗਾਯਤ੍ਤੀ.

੪੭. ਕੁਮਾਰ ਲਲਿਤਾ ਜ੍ਸ੍ਗਾ.

ਉਣ੍ਹਿਕਾ.

੪੮. ਚਿਤ੍ਰਪਦਾ ਯਦਿ ਭਾ ਗਾ.

੪੯. ਮੋ ਮੋ ਗੋ ਗੋ ਵਿਜ੍ਜੁਮ੍ਮਾਲਾ.

੫੦. ਭਾ ਤ, ਲ, ਗਾ ਮਾਣਵਕਂ.

੫੧. ਗ੍ਲਾ ਸਮਾਨਿਕਾ ਰ,ਜਾ ਚ.

੫੨. ਪਮਾਣਿਕਾ ਜ, ਰਾ ਲ, ਗਾ.

ਅਨੁਟ੍ਠੁਭਾ.

੫੩. ਰਾ ਨ,ਸਾ ਯਦਿ ਹਲਮੁਖੀ.

੫੪. ਭੁਜਗ ਸੁਸੁ ਸਟਾ ਨਾ ਮੋ.

ਬ੍ਰਹਤੀ.

੫੫. ਮ੍ਸਾਜ੍ਗਾ ਸੁਦ੍ਧਵਿਰਾਜਿਤਂ ਮਤਂ.

੫੬. ਮ੍ਨਾ ਯੋ ਗੋ ਯਦਿ ਪਣਵੋ ਖ੍ਯਾਤੋ.

੫੭. ਮ੍ਭਾ ਸ,ਗਯੁਤ੍ਤਾ ਰੁਮ੍ਮਵਤੀ ਸਾ.

੫੮. ਞੇਯ੍ਯਾ ਮਤ੍ਤਾ ਮ, ਭ, ਸ, ਗਯੁਤ੍ਤਾ.

੫੯. ਚਮ੍ਪਕਮਾਲਾ ਚੇ ਭ, ਮ, ਸਾ ਗੋ [ਇਦਂ ਨਾਮਨ੍ਤਰਞਾਪਨਤ੍ਥਮੇਵ ਪੁਨ ਵੁਤ੍ਤਂ (ਟੀ.)].

੬੦. ਨ, ਰ, ਜ, ਗੇਹਿ ਸਾ ਮਨੋਰਮਾ.

੬੧. ਉਬ੍ਭਾਸਕਂ ਤਂ ਚੇ ਤੋ ਮ, ਰਾ ਲ੍ਚ.

੬੨. ਤੋ ਜਾ ਗਰੁਨਾ’ਯ’ਮੁਪਟ੍ਠਿਤਾ.

ਪਨ੍ਤਿ.

੬੩. ਇਨ੍ਦਾਦਿਕਾ ਤਾ ਵਜਿਰਾ ਜ, ਗਾ ਗੋ.

੬੪. ਉਪਾਦਿਕਾ ਸਾ’ਵ ਜ,ਤਾ ਜ,ਗਾ ਗੋ.

੬੫. ਅਨਨ੍ਤਰੋ’ਦੀਰਿਤ ਲਕ੍ਖਣਾ ਚੇ, (ਉਪੇਨ੍ਦਵਜਿਰ)

ਪਾਦਾ ਵਿਮਿਸ੍ਸਾ ਉਪਜਾਤਿਯੋ ਤਾ; (ਇਨ੍ਦਵਜਿਰ)

ਏਵਂ ਕਿਲ’ਞ੍ਞਾਸੁਪਿ ਮਿਸ੍ਸਿਤਾਸੁ, (ਇਨ੍ਦਵਜਿਰ)

ਵਦਨ੍ਤਿ ਜਾਤਿਸ੍ਵਿਦ’ ਮੇਵ ਨਾਮਂ. (ਉਪੇਨ੍ਦਵਜਿਰ)

੬੬. ਨ, ਜ, ਜ, ਲ, ਗਾ ਗਦਿਤਾ ਸੁਮੁਖੀ.

੬੭. ਦੋਧਕ ਮਿਚ੍ਛਤਿ ਚੇ ਭ,ਭ,ਭਾ ਗਾ.

੬੮. ਵੇਦ,ਸ੍ਸੇਹਿ,ਧ੍ਤਾ ਤ੍ਗਗਾ,ਸਾਲਿਨੀ ਸਾ.

੬੯. ਵਾਤੋਮ੍ਮੀ ਸਾ, ਯਤਿ ਸਾ ਮ੍ਭਾ ਤ, ਗਾ ਗੋ.

੭੦. ਭਾ ਤ, ਨ, ਗਾ ਗੋ’ਸੁ, ਰਸ ਸਿਰੀ ਸਾ.

੭੧. ਰੋ ਨ, ਰਾ ਇਹ ਰਥੋਦ੍ਧਤਾ ਲ, ਗਾ.

੭੨. ਸ੍ਵਾਗਤੇ’ਤਿ ਰ, ਨ, ਭਾ ਗਰੁਕਾ ਦ੍ਵੇ.

੭੩. ਨ,ਨ,ਰ,ਲਹੁ,ਗਰੂਹਿ ਭਦ੍ਦਿਕਾ.

ਤਿਟ੍ਠੁਭਾ.

੭੪. ਵਦਨ੍ਤਿ ਵਂਸਟ੍ਠਮਿ’ਦਂ ਜ, ਤਾ ਜ, ਰਾ.

੭੫. ਸਾ ਇਨ੍ਦਵਂਸਾ ਖਲੁ ਯਤ੍ਥ ਤਾ ਜ,ਰਾ.

੭੬. ਇਧ ਤੋਟਕ ਮਮ੍ਬੁਧਿ,ਸੇਹਿ ਮਿਤਂ.

੭੭. ਦੁਤਵਿਲਮ੍ਬਿਤ ਮਾਹ ਨ, ਭਾ ਭ,ਰਾ.

੭੮. ਵਸੁ ਯੁਗ ਵਿਰਤੀ ਨਾ,ਮ੍ਯਾ’ ਪੁਟੋ’ਯਂ.

੭੯. ਨ, ਯ, ਸਹਿਤਾ ਨ੍ਯਾ’ ਕੁਸੁਮਵਿਚਿਤ੍ਤਾ.