ਭਿਕ੍ਖੁਨੀ ਵਿਭਙ੍ਗਪਾਚਿਤ੍ਤਿਯ
੧. ਲਸੁਣਵਗ੍ਗ, ੧. ਪਠਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਲਕ੍ਖਣਂ ਖਾਦਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਥੁਲ੍ਲਨਨ੍ਦਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਥੁਲ੍ਲਨਨ੍ਦਾ ਭਨ੍ਤੇ ਭਿਕ੍ਖੁਨੀ ਨ ਮਤ੍ਤਂ ਜਾਨਿਤ੍ਵਾ ਬਹੁਂ ਲਸੁਣਂ ਹਰਾਪੇਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੧. ਲਸੁਣਵਗ੍ਗ, ੬. ਛਟ੍ਠ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਭਿਕ੍ਖੁਸ੍ਸ ਆਵੁਸੋ ਭੁਞ੍ਜਮਾਨਸ੍ਸ ਅਨ੍ਨੇਨ ਵਾ ਪਾਨੇਨ ਵਾ ਵਿਧੂਪਨੇਨ ਵਾ ਉਪਤਿਟ੍ਠਨ੍ਤਿਯਾ ਭਿਕ੍ਖੁਨਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਅਞ੍ਞਤਰਾ ਭਨ੍ਤੇ ਭਿਕ੍ਖੁਨੀ ਭਿਕ੍ਖੁਸ੍ਸ ਭੁਞ੍ਜਮਾਨਸ੍ਸ ਪਾਨੀਯੇਨ ਵਿਧੂਪਨੇਨ ਚ ਉਪਤਿਟ੍ਠਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੧. ਲਸੁਣਵਗ੍ਗ, ੮. ਅਟ੍ਠਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਉਚ੍ਚਾਰਂਵਾ ਆਵੁਸੋ ਪਸ੍ਸਾਵਂਵਾ ਸਙ੍ਕਾਰਂਵਾ ਵਿਘਾਸਂਵਾ ਥਿਰੋਕੁਟ੍ਟੇ ਛਡ੍ਡੇਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਅਞ੍ਞਤਰਾ ਭਨ੍ਤੇ ਭਿਕ੍ਖੁਨੀ ਉਚ੍ਚਾਰਂ ਤਿਰੋਕੁਟ੍ਟੇ ਛਡ੍ਡੇਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੧. ਲਸੁਣਵਗ੍ਗ, ੧੦. ਦਸਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਨਚ੍ਚਂ ਵਾ ਆਵੁਸੋ ਗੀਤਂ ਵਾ ਵਾਦਿਤਂ ਵਾ ਦਸ੍ਸਨਾਯ ਗਚ੍ਛਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੁਨਿਯੋ ਨਚ੍ਚਮ੍ਪਿ ਗੀਤਮ੍ਪਿ ਵਾਦਿਤਮ੍ਪਿ ਦਸ੍ਸਨਾਯ ਅਗਮਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਭਿਕ੍ਖੁਪਨ ਆਵੁਸੋ ਨਚ੍ਚਂ ਵਾ ਗੀਤਂ ਵਾ ਵਾਦਿਤਂ ਵਾ ਦਸ੍ਸਨਾਯ ਗਚ੍ਛਨ੍ਤੋ ਕਂ ਨਾਮ ਆਪਤ੍ਤਿਂ ਆਪਜ੍ਜਤਿ.
ਵਿਸ੍ਸਜ੍ਜਨਾ – ਦੁਕ੍ਕਟਂ ਭਨ੍ਤੇ ਆਪਤ੍ਤਿਂ ਆਪਜ੍ਜਤਿ.
੧. ਪਠਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਰਤ੍ਤਨ੍ਧਕਾਰੇ ਆਵੁਸੋ ਅਪਦੀਪੇ ਪੁਰਿਸੇਨ ਸਦ੍ਧਿਂ ਏਕੇਨੇਕਾਯ ਸਨ੍ਤਿਟ੍ਠਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਅਞ੍ਞਤਰਾ ਭਨ੍ਤੇ ਭਿਕ੍ਖੁਨੀ ਰਤ੍ਤਨ੍ਧਕਾਰੇ ਅਪਦੀਪੇ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਸਨ੍ਤਿਟ੍ਠਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੨. ਅਨ੍ਧਕਾਰਵਗ੍ਗ, ੨-੩. ਦੁਤਿਯ, ਤਤਿਯ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਪਟਿਚ੍ਛਨ੍ਨੇ ਵਾ ਆਵੁਸੋ ਓਕਾਸੇ ਅਜ੍ਝੋਕਾਸੇ ਵਾ ਪੁਰਿਸੇਨ ਸਦ੍ਧਿਂ ਏਕੇਨੇਕਾਯ ਸਨ੍ਤਿਟ੍ਠਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਅਞ੍ਞਤਰਾ ਭਨ੍ਤੇ ਭਿਕ੍ਖੁਨੀ ਪਟਿਚ੍ਛਨ੍ਨੇ ਓਕਾਸੇ ਅਜ੍ਝੋਕਾਸੇ ਚ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਸਨ੍ਤਿਟ੍ਠਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੨. ਅਨ੍ਧਕਾਰਵਗ੍ਗ, ੮. ਅਟ੍ਠਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਦੁਗ੍ਗਹਿਤੇਨ ਆਵੁਸੋ ਦੂਪਧਾਰਿਤੇਨ ਪਰਂ ਉਜ੍ਝਾਪੇਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਅਞ੍ਞਤਰਾ ਭਨ੍ਤੇ ਭਿਕ੍ਖੁਨੀ ਦੁਗ੍ਗਹਿਤੇਨ ਦੂਪਧਾਰਿਤੇਨ ਪਰਂ ਉਜ੍ਝਾਪੇਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੨. ਅਨ੍ਧਕਾਰਵਗ੍ਗ, ੯. ਨਵਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਅਤ੍ਤਾਨਂ ਵਾ ਆਵੁਸੋ ਪਰਂ ਵਾ ਨਿਰਯੇਨ ਵਾ ਬ੍ਰਹ੍ਮਚਰਿਯੇਨ ਵਾ ਅਭਿਸਪਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਚਣ੍ਡਕਾਲ਼ਿਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਚਣ੍ਡਕਾਲ਼ੀ ਭਨ੍ਤੇ ਭਿਕ੍ਖੁਨੀ ਅਤ੍ਤਾਨਮ੍ਪਿ ਪਰਮ੍ਪਿ ਨਿਰਯੇਨਪਿ ਬ੍ਰਹ੍ਮਚਰਿਯੇਨਪਿ ਅਭਿਸਪਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੨. ਅਨ੍ਧਕਾਰਵਗ੍ਗ, ੧੦. ਦਸਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਅਤ੍ਤਾਨਂ ਆਵੁਸੋ ਵਧਿਤ੍ਵਾ ਵਧਿਤ੍ਵਾ ਰੋਦਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਚਣ੍ਡਕਾਲ਼ਿਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਚਣ੍ਡਕਾਲ਼ੀ ਭਨ੍ਤੇ ਭਿਕ੍ਖੁਨੀ ਭਿਕ੍ਖੁਨੀਹਿ ਸਦ੍ਧਿਂ ਭਣ੍ਡਿਤ੍ਵਾ ਅਤ੍ਤਾਨਂ ਵਧਿਤ੍ਵਾ ਵਧਿਤ੍ਵਾ ਰੋਦਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੩. ਨਗ੍ਗਵਗ੍ਗ, ੩. ਤਤਿਯ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਭਿਕ੍ਖੁਨਿਯਾ ਆਵੁਸੋ ਚੀਵਰਂ ਵਿਸਿਬ੍ਬੇਤ੍ਵਾ ਵਾ ਵਿਸਿਬ੍ਬਾਪੇਤ੍ਵਾ ਵਾ ਨੇਵ ਸਿਬ੍ਬੇਨ੍ਤਿਯਾ ਨ ਸਿਬ੍ਬਾਪਨਾਯ ਉਸ੍ਸੁਕ੍ਕਂ ਕਰੋਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਥੁਲ੍ਲਨਨ੍ਦਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਥੁਲ੍ਲਨਨ੍ਦਾ ਭਨ੍ਤੇ ਭਿਕ੍ਖੁਨੀ ਭਿਕ੍ਖੁਨਿਯਾ ਚੀਵਰਂ ਵਿਸਿਬ੍ਬਾਪੇਤ੍ਵਾ ਨੇਵ ਸਿਬ੍ਬੇਸਿ ਨ ਸਿਬ੍ਬਾਪਨਾਯ ਉਸ੍ਸੁਕ੍ਕਂ ਅਕਾਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੩. ਨਗ੍ਗਵਗ੍ਗ, ੮. ਅਟ੍ਠਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਅਗਾਰਿਕਸ੍ਸ ਵਾ ਆਵੁਸੋ ਪਰਿਬ੍ਬਾਜਕਸ੍ਸ ਵਾ ਪਰਿਬ੍ਬਾਜਿਕਾਯ ਵਾ ਸਮਣਚੀਵਰਂ ਦੇਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਥੁਲ੍ਲਨਨ੍ਦਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਥੁਲ੍ਲਨਨ੍ਦਾ ਭਨ੍ਤੇ ਭਿਕ੍ਖੁਨੀ ਅਗਾਰਿਕਸ੍ਸ ਸਮਣਚੀਵਰਂ ਅਦਾਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੪. ਤੁਵਟ੍ਟਵਗ੍ਗ, ੧-੨. ਪਠਮ, ਦੁਤਿਯ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਦ੍ਵਿਨ੍ਨਂ ਆਵੁਸੋ ਭਿਕ੍ਖੁਨੀਨਂ ਏਕਮਞ੍ਚੇ ਵਾ ਏਕਤ੍ਥਰਣਪਾਵੁਰਣੇ ਵਾ ਤੁਵਟ੍ਟੇਨ੍ਤੀਨਂ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਦ੍ਵੇ ਏਕਮਞ੍ਚੇ ਤੁਵਟ੍ਟੇਸੁਂ, ਏਕਤ੍ਥਰਣਪਾਵੁਰਣੇ ਤੁਵਟ੍ਟੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੪. ਤੁਵਟ੍ਟਵਗ੍ਗ, ੩. ਤਤਿਯ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਭਿਕ੍ਖੁਨਿਯਾ ਆਵੁਸੋ ਸਞ੍ਚਿਚ੍ਚ ਅਫਾਸੁਂ ਕਰੋਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਥੁਲ੍ਲਨਨ੍ਦਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਥੁਲ੍ਲਨਨ੍ਦਾ ਭਨ੍ਤੇ ਭਿਕ੍ਖੁਨੀ ਭਿਕ੍ਖੁਨਿਯਾ ਸਞ੍ਚਿਚ੍ਚ ਅਫਾਸੁਂ ਅਕਾਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੪. ਤੁਵਟ੍ਟਵਗ੍ਗ, ੪. ਚਤੁਤ੍ਥ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਦੁਕ੍ਖਿਤਂ ਆਵੁਸੋ ਸਹਜੀਵਿਨਿਂ ਨੇਵ ਉਪਟ੍ਠੇਨ੍ਤਿਯਾ ਨ ਉਪਟ੍ਠਾਪਨਾਯ ਉਸ੍ਸੁਕ੍ਕਂ ਕਰੋਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਥੁਲ੍ਲਨਨ੍ਦਂਯੇਵ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਥੁਲ੍ਲਨਨ੍ਦਾ ਭਨ੍ਤੇ ਭਿਕ੍ਖੁਨੀ ਦੁਕ੍ਖਿਤਂ ਸਹਜੀਵਿਨਿਂ ਨੇਵਉਪਟ੍ਠੇਸਿ ਨ ਉਪਟ੍ਠਾਪਨਾਯ ਉਸ੍ਸੁਕ੍ਕਂ ਅਕਾਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੪. ਤੁਵਟ੍ਟਵਗ੍ਗ, ੫. ਪਞ੍ਚਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਭਿਕ੍ਖੁਨਿਯਾ ਆਵੁਸੋ ਉਪਸ੍ਸਯਂ ਦਤ੍ਵਾ ਕੁਪਿਤਾਯ ਅਨਤ੍ਤਮਨਾਯ ਨਿਕ੍ਕਡ੍ਢਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਥੁਲ੍ਲਨਨ੍ਦਂਯੇਵ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਥੁਲ੍ਲਨਨ੍ਦਾ ਭਨ੍ਤੇ ਭਿਕ੍ਖੁਨੀ ਭਿਕ੍ਖੁਨਿਯਾ ਉਪਸ੍ਸਯਂ ਦਤ੍ਵਾ ਕੁਪਿਤਾ ਅਨਤ੍ਤਮਨਾ ਨਿਕ੍ਕਡ੍ਢਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੪. ਤੁਵਟ੍ਟਵਗ੍ਗ, ੬. ਛਟ੍ਠ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਸਂਸਟ੍ਠਾਯ ਆਵੁਸੋ ਭਿਕ੍ਖੁਨਿਯਾ ਯਾਵਤਤਿਯਂ ਸਮਨੁਭਾਸਨਾਯ ਨ ਪਟਿਨਿਸ੍ਸਜ੍ਜਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਚਣ੍ਡਕਾਲ਼ਿਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਚਣ੍ਡਕਾਲ਼ੀ ਭਨ੍ਤੇ ਭਿਕ੍ਖੁਨੀ ਸਂਸਟ੍ਠਾ ਵਿਹਰਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੪. ਤੁਵਟ੍ਟਵਗ੍ਗ, ੭-੮. ਸਤ੍ਤਮ ਅਟ੍ਠਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਅਨ੍ਤੋਰਟ੍ਠੇ ਵਾ ਆਵੁਸੋ ਤਿਰੋਰਟ੍ਠੇ ਵਾ ਸਾਸਙ੍ਕਸਮ੍ਮਤੇ ਸਪ੍ਪਟਿਭਯੇ ਅਸਤ੍ਥਿਕਾਯ ਚਾਰਿਕਂ ਚਰਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਅਨ੍ਤੋਰਟ੍ਠੇਪਿ ਤਿਰੋਰਟ੍ਠੇਪਿ ਸਾਸਙ੍ਕਸਮ੍ਮਤੇ ਸਪ੍ਪਟਿਭਯੇ ਅਸਤ੍ਥਿਕਾਯੋ ਚਾਰਿਕਂ ਚਰਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੪. ਤੁਵਟ੍ਟਵਗ੍ਗ, ੯. ਨਵਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਅਨ੍ਤੋਵਸ੍ਸਂ ਆਵੁਸੋ ਚਾਰਿਕਂ ਚਰਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਅਨ੍ਤੋਵਸ੍ਸਂ ਚਾਰਿਕਂ ਪਕ੍ਕਮਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੪. ਤੁਵਟ੍ਟਵਗ੍ਗ, ੧੦. ਦਸਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਵਸ੍ਸਂ ਵੁਟ੍ਠਾਯ ਆਵੁਸੋ ਭਿਕ੍ਖੁਨਿਯਾ ਚਾਰਿਕਂ ਨ ਪਕ੍ਕਮਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭਂ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਵਸ੍ਸਂਵੁਟ੍ਠਾ ਚਾਰਿਕਂ ਨ ਪਕ੍ਕਮਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਕਸ੍ਸ ਆਵੁਸੋ ਵਚਨਂ.
ਵਿਸ੍ਸਜ੍ਜਨਾ – ਭਗਵਤੋ ਭਨ੍ਤੇ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ.
ਪੁਚ੍ਛਾ – ਕੇਨਾਵੁਸੋ ਆਭਤਂ.
ਵਿਸ੍ਸਜ੍ਜਨਾ – ਪਰਮ੍ਪਰਾਯ ਭਨ੍ਤੇ ਵਚਨਂ.
ਸੁਣਾਤੁ ਮੇ ਭਨ੍ਤੇ ਸਙ੍ਘੋ…ਪੇ… ਸਂਗਾਯੇਯ੍ਯਾਮ.
੫. ਚਿਤ੍ਤਾਗਾਰਵਗ੍ਗ, ੧. ਪਠਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਰਾਜਾਗਾਰਂ ਵਾ ਚਿਤ੍ਤਾਗਾਰਂ ਵਾ ਆਰਾਮਂ ਵਾ ਉਯ੍ਯਾਨਂ ਵਾ ਪੋਕ੍ਖਰਣਿਂ ਵਾ ਦਸ੍ਸਨਾਯ ਗਚ੍ਛਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੁਨਿਯੋ ਰਾਜਾਗਾਰਮ੍ਪਿ ਚਿਤ੍ਤਾਗਾਰਮ੍ਪਿ ਦਸ੍ਸਨਾਯ ਗਚ੍ਛਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੫. ਚਿਤ੍ਤਾਗਾਰਵਗ੍ਗ, ੪. ਚਤੁਤ੍ਥ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਗਿਹਿਵੇਯ੍ਯਾਵਚ੍ਚਂ ਆਵੁਸੋ ਕਰੋਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋਗਿਹਿ ਵੇਯ੍ਯਾਵਚ੍ਚਂ ਅਕਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੫. ਚਿਤ੍ਤਾਗਾਰਵਗ੍ਗ, ੬. ਛਟ੍ਠ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਅਗਾਰਿਕਸ੍ਸ ਵਾ ਆਵੁਸੋ ਪਰਿਬ੍ਬਾਜਕਸ੍ਸ ਵਾ ਪਰਿਬ੍ਬਾਜਿਕਾਯ ਵਾ ਸਹਤ੍ਥਾ ਖਾਦਨੀਯਂ ਭੋਜਨੀਯਂ ਦੇਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਥੁਲ੍ਲਨਨ੍ਦਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਥੁਲ੍ਲਨਨ੍ਦਾ ਭਨ੍ਤੇ ਭਿਕ੍ਖੁਨੀ ਅਗਾਰਿਕਸ੍ਸ ਸਹਤ੍ਥਾ ਖਾਦਨੀਯਮ੍ਪਿ ਭੋਜਨੀਯਮ੍ਪਿ ਅਦਾਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੫. ਚਿਤ੍ਤਾਗਾਰਵਗ੍ਗ, ੯-੧੦. ਨਵਮ, ਦਸਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਤਿਰਚ੍ਛਾਨਵਿਜ੍ਜਂ ਆਵੁਸੋ ਪਰਿਯਾਪੁਣਨ੍ਤਿਯਾ ਚ ਵਾਚੇਨ੍ਤਿਯਾ ਚ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੁਨਿਯੋ ਤਿਰਚ੍ਛਾਨਵਿਜ੍ਜਂ ਪਰਿਯਾਪੁਣਿਂਸੁਚੇਵ ਵਾਚੇਸੁਞ੍ਚ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਭਿਕ੍ਖੁ ਪਨ ਆਵੁਸੋ ਤਾਦਿਸਂ ਤਿਰਚ੍ਛਾਨਵਿਜ੍ਜਂ ਪਰਿਯਾਪੁਣਨ੍ਤੋ ਚ ਵਾਚੇਨ੍ਤੋ ਚ ਕਿਂ ਨਾਮ ਆਪਤ੍ਤਿਂ ਆਪਜ੍ਜਤਿ.
ਵਿਸ੍ਸਜ੍ਜਨਾ – ਦੁਕ੍ਕਟਂ ਭਨ੍ਤੇ ਆਪਤ੍ਤਿਂ ਆਪਜ੍ਜਤਿ.
੬. ਆਰਾਮਵਗ੍ਗ, ੧. ਪਠਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਜਾਨਂ ਆਵੁਸੋ ਸਭਿਕ੍ਖੁਕਂ ਆਰਾਮਂ ਅਨਾਪੁਚ੍ਛਾ ਪਵਿਸਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਆਰਾਮਂ ਅਨਾਪੁਚ੍ਛਾ ਪਵਿਸਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੬. ਆਰਾਮਵਗ੍ਗ, ੨. ਦੁਤਿਯ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਭਿਕ੍ਖੁਂ ਆਵੁਸੋ ਅਕ੍ਕੋਸਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਵੇਸਾਲਿਯਂ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੁਨਿਯੋ ਆਯਸ੍ਮਨ੍ਤਂ ਉਪਾਲਿਂ ਅਕ੍ਕੋਸਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੬. ਆਰਾਮਵਗ੍ਗ, ੩. ਤਤਿਯ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਚਣ੍ਡਿਕਤਾਯ ਆਵੁਸੋ ਗਣਂ ਪਰਿਭਾਸਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਥੁਲ੍ਲਨਨ੍ਦਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਥੁਲ੍ਲਨਨ੍ਦਾ ਭਨ੍ਤੇ ਭਿਕ੍ਖੁਨੀ ਚਣ੍ਡਿਕਤਾਯ ਗਣਂ ਪਰਿਭਾਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੬. ਆਰਾਮਵਗ੍ਗ, ੫. ਪਞ੍ਚਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਕੁਲਂ ਆਵੁਸੋ ਮਚ੍ਛਰਾਯਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਅਞ੍ਞਤਰਾ ਭਨ੍ਤੇ ਭਿਕ੍ਖੁਨੀ ਕੁਲਂ ਮਚ੍ਛਰਾਯਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੬. ਆਰਾਮਵਗ੍ਗ, ੬. ਛਟ੍ਠ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਅਭਿਕ੍ਖੁਕੇ ਆਵੁਸੋ ਆਵਾਸੇ ਵਸ੍ਸਂ ਵਸਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਅਭਿਕ੍ਖੁਕੇ ਆਵਾਸੇ ਵਸ੍ਸਂ ਵਸਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੬. ਆਰਾਮਵਗ੍ਗ, ੭. ਸਤ੍ਤਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਵਸ੍ਸਂ ਵੁਟ੍ਠਾਯ ਆਵੁਸੋ ਭਿਕ੍ਖੁਨਿਯਾ ਉਭਤੋਸਙ੍ਘੇ ਤੀਹਿ ਠਾਨੇਹਿ ਨ ਪਵਾਰੇਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਵਸ੍ਸਂ ਵੁਟ੍ਠਾ ਭਿਕ੍ਖੁਸਙ੍ਘਂ ਨ ਪਵਾਰੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੬. ਆਰਾਮਵਗ੍ਗ, ੮. ਅਟ੍ਠਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਓਵਾਦਾਯ ਵਾ ਆਵੁਸੋ ਸਂਵਾਸਾਯ ਵਾ ਨਗਚ੍ਛਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਕ੍ਕੇਸੁ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੁਨਿਯੋ ਓਵਾਦਂ ਨਗਚ੍ਛਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੬. ਆਰਾਮਵਗ੍ਗ, ੯. ਨਵਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਉਪੋਸਥਮ੍ਪਿ ਆਵੁਸੋ ਨ ਪੁਚ੍ਛਨ੍ਤਿਯਾ ਓਵਾਦਮ੍ਪਿ ਨ ਯਾਚਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਉਪੋਸਥਂ ਨ ਪੁਚ੍ਛਿਂਸੁ, ਓਵਾਦਮ੍ਪਿ ਨ ਯਾਚਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੭. ਗਬ੍ਭਿਨੀਵਗ੍ਗ, ੧-੨. ਪਠਮ, ਦੁਤਿਯ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਗਬ੍ਭਿਨਿਂ ਵਾ ਆਵੁਸੋ ਪਾਯਨ੍ਤਿਂ ਵਾ ਵੁਟ੍ਠਾਪੇਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਗਬ੍ਭਿਨਿਂ ਵੁਟ੍ਠਾਪੇਸੁਂ, ਪਾਯਨ੍ਤਿਂ ਵੁਟ੍ਠਾਪੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੭. ਗਬ੍ਭਿਨੀਵਗ੍ਗ, ੩. ਤਤਿਯ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਦ੍ਵੇ ਵਸ੍ਸਾਨਿ ਆਵੁਸੋ ਛਸੁ ਧਮ੍ਮੇਸੁ ਅਸਿਕ੍ਖਿਤਸਿਕ੍ਖਂ ਸਿਕ੍ਖਮਾਨਂ ਵੁਟ੍ਠਾਪੇਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਦ੍ਵੇ ਵਸ੍ਸਾਨਿ ਛਸੁ ਧਮ੍ਮੇਸੁ ਅਸਿਕ੍ਖਿਤਸਿਕ੍ਖਂ ਸਿਕ੍ਖਮਾਨਂ ਵੁਟ੍ਠਾਪੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੮. ਕੁਮਾਰੀਭੂਤਵਗ੍ਗ, ੯. ਨਵਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਪੁਰਿਸਸਂਸਟ੍ਠਂ ਆਵੁਸੋ ਕੁਮਾਰਕਸਂਸਟ੍ਠਂ ਚਣ੍ਡਿਂ ਸੋਕਾਵਾਸਂ ਸਿਕ੍ਖਮਾਨਂ ਵੁਟ੍ਠਾਪੇਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਥੁਲ੍ਲਨਨ੍ਦਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਥੁਲ੍ਲਨਨ੍ਦਾ ਭਨ੍ਤੇ ਭਿਕ੍ਖੁਨੀ ਪੁਰਿਸਸਂਸਟ੍ਠਂ ਕੁਮਾਰਕਸਂਸਟ੍ਠਂ ਚਣ੍ਡਿਂ ਸੋਕਾਵਾਸਂ ਚਣ੍ਡਕਾਲ਼ਿਂ ਸੇਕ੍ਖਮਾਨਂ ਵੁਟ੍ਠਾਪੇਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੮. ਕੁਮਾਰੀਭੂਤਵਗ੍ਗ, ੧੦. ਦਸਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਮਾਤਾਪਿਤੂਹਿ ਵਾ ਆਵੁਸੋ ਸਾਮਿਕੇਨ ਵਾ ਅਨਨੁਞ੍ਞਾਤਂ ਸਿਕ੍ਖਮਾਨਂ ਵੁਟ੍ਠਾਪੇਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਥੁਲ੍ਲਨਨ੍ਦਂ ਭਿਕ੍ਖੁਨਿਂ ਆਰਬ੍ਭ ਪਞ੍ਞਤ੍ਤਂ, ਥੁਲ੍ਲਨਨ੍ਦਾ ਭਨ੍ਤੇ ਭਿਕ੍ਖੁਨੀ ਮਾਤਾਪਿਤੂਹਿਪਿ ਸਾਮਿਕੇਨਪਿ ਅਨਨੁਞ੍ਞਾਤਂ ਸਿਕ੍ਖਮਾਨਂ ਵੁਟ੍ਠਾਪੇਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੯. ਛਤ੍ਤੁਪਾਹਨਵਗ੍ਗ, ੧-੨. ਪਠਮ, ਦੁਤਿਯ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਛਤ੍ਤੁਪਾਹਨਂ ਆਵੁਸੋ ਧਾਰੇਨ੍ਤਿਯਾ ਚ ਯਾਨੇਨ ਯਾਯਨ੍ਤਿਯਾ ਚ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੁਨਿਯੋ ਛਤ੍ਤੁਪਾਹਨਂ ਧਾਰੇਸੁਂ, ਯਾਨੇਨ ਯਾਯਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੯. ਛਤ੍ਤੁਪਾਹਨਵਗ੍ਗ, ੪. ਚਤੁਤ੍ਥ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਇਤ੍ਥਾਲਙ੍ਕਾਰਂ ਆਵੁਸੋ ਧਾਰੇਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੁਨਿਯੋ ਇਤ੍ਥਾਲਙ੍ਕਾਰਂ ਧਾਰੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਭਿਕ੍ਖੁ ਪਨ ਆਵੁਸੋ ਪੁਰਿਸਾਲਙ੍ਕਾਰਂ ਧਾਰੇਨ੍ਤੋ ਕਿਂ ਨਾਮ ਆਪਤ੍ਤਿਂ ਆਪਜ੍ਜੇਯ੍ਯ.
ਵਿਸ੍ਸਜ੍ਜਨਾ – ਦੁਕ੍ਕਟਂ ਭਨ੍ਤੇ ਆਪਤ੍ਤਿਂ ਆਪਜ੍ਜੇਯ੍ਯ.
੯. ਛਤ੍ਤੁਪਾਹਨਵਗ੍ਗ, ੫. ਪਞ੍ਚਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਗਨ੍ਧਵਣ੍ਣਕੇਨ ਆਵੁਸੋ ਨਹਾਯਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੁਨਿਯੋ ਗਨ੍ਧਵਣ੍ਣਕੇਨ ਨਹਾਯਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੯. ਛਤ੍ਤੁਪਾਹਨਵਗ੍ਗ, ੧੧. ਏਕਾਦਸਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਭਿਕ੍ਖੁਸ੍ਸ ਆਵੁਸੋ ਪੁਰਤੋ ਅਨਾਪੁਚ੍ਛਾ ਆਸਨੇ ਨਿਸੀਦਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਭਿਕ੍ਖੁਸ੍ਸ ਪੁਰਤੋ ਅਨਾਪੁਚ੍ਛਾ ਆਸਨੇ ਨਿਸੀਦਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
੯. ਛਤ੍ਤੁਪਾਹਨਵਗ੍ਗ, ੧੨. ਦ੍ਵਾਦਸਮ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਅਨੋਕਾਸਕਤਂ ਆਵੁਸੋ ਭਿਕ੍ਖੁਂ ਪਞ੍ਹਂ ਪੁਚ੍ਛਨ੍ਤਿਯਾ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੁਨਿਯੋ ਅਨੋਕਾਸਕਤਂ ਭਿਕ੍ਖੁਂ ਪਞ੍ਹਂ ਪੁਚ੍ਛਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਸਪ੍ਪਿਂ ਵਾ ਆਵੁਸੋ ਤੇਲਂ ਵਾ ਮਧੁਂ ਵਾ ਫਾਣਿਤਂ ਵਾ ਮਚ੍ਛਂ ਵਾ ਮਂਸਂ ਵਾ ਖੀਰਂ ਵਾ ਦਧਿਂ ਵਾ ਵਿਞ੍ਞਾਪੇਤ੍ਵਾ ਭੁਞ੍ਜਨ੍ਤਿਯਾ ਪਾਟਿਦੇਸਨੀਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੁਨਿਯੋ ਸਪ੍ਪਿਮ੍ਪਿ ਤੇਲਮ੍ਪਿ ਮਧੁਮ੍ਪਿ ਫਾਣਿਤਮ੍ਪਿ ਮਚ੍ਛਮ੍ਪਿ ਮਂਸਮ੍ਪਿ ਖੀਰਮ੍ਪਿ ਦਧਿਮ੍ਪਿ ਵਿਞ੍ਞਾਪੇਤ੍ਵਾ ਭੁਞ੍ਜਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਚਤੁਨ੍ਨਂ ਆਵੁਸੋ ਵਿਪਤ੍ਤੀਨਂ ਕਤਮਾ ਵਿਪਤ੍ਤਿ.
ਵਿਸ੍ਸਜ੍ਜਨਾ – ਆਚਾਰਵਿਪਤ੍ਤਿ ਭਨ੍ਤੇ.
ਪੁਚ੍ਛਾ – ਛਨ੍ਨਂ ਆਵੁਸੋ ਆਪਤ੍ਤਿਸਮੁਟ੍ਠਾਨਾਨਂ ਕਤਿਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤਿ.
ਵਿਸ੍ਸਜ੍ਜਨਾ – ਚਤੂਹਿ ਭਨ੍ਤੇ ਸਮੁਟ੍ਠਾਨੇਹਿ ਸਮੁਟ੍ਠਾਤਿ, ਸਿਯਾ ਕਾਯਤੋ ਸਮੁਟ੍ਠਾਤਿ, ਨਵਾਚਤੋ ਨਚਿਤ੍ਤਤੋ, ਸਿਯਾ ਕਾਯਤੋ ਚ ਵਾਚਤੋ ਚ ਸਮੁਟ੍ਠਾਤਿ, ਨਚਿਤ੍ਤਤੋ, ਸਿਯਾ ਕਾਯਤੋ ਚ ਚਿਤ੍ਤਤੋ ਚ ਸਮੁਟ੍ਠਾਤਿ, ਨਵਾਚਤੋ, ਸਿਯਾ ਕਾਯਤੋ ਚ ਵਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਾਤਿ, ਇਮੇਹਿ ਭਨ੍ਤੇ ਚਤੂਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤਿ.
ਪੁਚ੍ਛਾ – ਕਾ ਆਵੁਸੋ ਵਿਪਤ੍ਤਿ.
ਵਿਸ੍ਸਜ੍ਜਨਾ – ਅਸਂਵਰੋ ਭਨ੍ਤੇ ਵਿਪਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਸਮ੍ਪਤ੍ਤਿ.
ਵਿਸ੍ਸਜ੍ਜਨਾ – ਸਂਵਰੋ ਭਨ੍ਤੇ ਸਮ੍ਪਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਪਟਿਪਤ੍ਤਿ.
ਵਿਸ੍ਸਜ੍ਜਨਾ – ਨ ਏਵਰੂਪਂ ਕਰਿਸ੍ਸਾਮੀਤਿ ਯਾਵਜੀਵਂ ਆਪਾਣਕੋਟਿਕਂ ਸਮਾਦਾਯ ਸਿਕ੍ਖਤਿ ਸਿਕ੍ਖਾਪਦੇਸੁ, ਅਯਂ ਭਨ੍ਤੇ ਪਟਿਪਤ੍ਤਿ.
ਪੁਚ੍ਛਾ – ਕਸ੍ਸ ਆਵੁਸੋ ਵਚਨਂ.
ਵਿਸ੍ਸਜ੍ਜਨਾ – ਭਗਵਤੋ ਭਨ੍ਤੇ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ.
ਪੁਚ੍ਛਾ – ਕੇਨਾਵੁਸੋ ਆਭਤਂ.
ਵਿਸ੍ਸਜ੍ਜਨਾ – ਪਰਮ੍ਪਰਾਯ ਭਨ੍ਤੇ ਆਭਤਂ.
ਸੁਣਾਤੁ ਮੇ ਭਨ੍ਤੇ ਸਙ੍ਘੋ…ਪੇ… ਸਂਗਾਯੇਯ੍ਯਾਮ.