੨. ਪਾਰਿਵਾਸਿਕਕ੍ਖਨ੍ਧਕ

ਪੁਚ੍ਛਾ – ਪਾਰਿਵਾਸਿਕਸ੍ਸ ਆਵੁਸੋ ਪਕਤਤ੍ਤਾਨਂ ਭਿਕ੍ਖੂਨਂ ਅਭਿਵਾਦਨਾਦੀਨਿ ਸਾਦਿਯਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਪਾਰਿਵਾਸਿਕੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਪਾਰਿਵਾਸਿਕਾ ਭਨ੍ਤੇ ਭਿਕ੍ਖੂ ਸਾਦਿਯਿਂਸੁ ਪਕਤਤ੍ਤਾਨਂ ਭਿਕ੍ਖੂਨਂ ਅਭਿਵਾਦਨਾਦੀਨਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਪਾਰਿਵਾਸਿਕੇਨ ਆਵੁਸੋ ਭਿਕ੍ਖੁਨਾ ਕਤਿਸੁ ਵਤ੍ਤੇਸੁ ਸਮ੍ਮਾ ਵਤ੍ਤਿਤਬ੍ਬਂ.

ਵਿਸ੍ਸਜ੍ਜਨਾ – ਪਾਰਿਵਾਸਿਕੇਨ ਭਨ੍ਤੇ ਭਿਕ੍ਖੁਨਾ ਚਤੁਨਵੁਤਿਯਾ ਵਤ੍ਤੇਸੁ ਸਮ੍ਮਾ ਵਤ੍ਤਿਤਬ੍ਬਂ.

ਪੁਚ੍ਛਾ – ਪਾਰਿਵਾਸਿਕਂ ਪੁਚ੍ਛਿਸ੍ਸਂ, ਸਨਿਦਾਨਂ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਆਵੁਸੋ ਕਤਿ ਆਪਤ੍ਤਿਯੋ.

ਵਿਸ੍ਸਜ੍ਜਨਾ – ਪਾਰਿਵਾਸਿਕਂ ਵਿਸ੍ਸਜ੍ਜਿਸ੍ਸਂ, ਸਨਿਦਾਨਂ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਭਨ੍ਤੇ ਏਕਾ ਆਪਤ੍ਤਿ.