ਚੂਲ਼ਵਗ੍ਗਪਾਲ਼ਿ
੧. ਕਮ੍ਬਕ੍ਖਨ੍ਧਕ
ਪੁਚ੍ਛਾ – ਭਣ੍ਡਨਾਦਿਕਾਰਕਸ੍ਸ ਆਵੁਸੋ ਭਿਕ੍ਖੁਨੋ ਤਜ੍ਜਨੀਯਕਮ੍ਮਂ ਕਾਤੁਂ ਭਗਵਤਾ ਕਤ੍ਥ ਅਨੁਞ੍ਞਾਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਪਣ੍ਡੁਕਲੋਹਿਤਕੇ ਭਿਕ੍ਖੂ ਆਰਬ੍ਭ ਅਨੁਞ੍ਞਾਤਂ, ਪਣ੍ਡੁਕਲੋਹਿਤਕਾ ਭਨ੍ਤੇ ਭਿਕ੍ਖੂ ਅਤ੍ਤਨਾ ਭਣ੍ਡਨਕਾਰਕਾ ਕਲਹਕਾਰਕਾ ਵਿਵਾਦਕਾਰਕਾ ਭਸ੍ਸਕਾਰਕਾ ਸਙ੍ਘੇ ਅਧਿਕਰਣਕਾਰਕਾ, ਯੇਪਿ ਚਞ੍ਞੇ ਭਿਕ੍ਖੂ ਭਣ੍ਡਨਕਾਰਕਾ ਕਲਹਕਾਰਕਾ ਵਿਵਾਦਕਾਰਕਾ ਭਸ੍ਸਕਾਰਕਾ ਸਙ੍ਘੇ ਅਧਿਕਰਣਕਾਰਕਾ ਤੇ ਉਪਸਙ੍ਕਮਿਤ੍ਵਾ ਏਵਮਾਹਂਸੁ ‘‘ਮਾ ਖੋ ਤੁਮ੍ਹੇ ਆਯਸ੍ਮਨ੍ਤੋ ਏਸੋ ਅਜੇਸਿ, ਬਲਵਾਬਲਵਂ ਪਟਿਮਨ੍ਤੇਥ, ਤੁਮ੍ਹੇ ਤੇਨ ਪਣ੍ਡਿਤਤਰਾ ਚ ਬ੍ਯਤ੍ਤਤਰਾ ਚ ਬਹੁਸ੍ਸੁਤਤਰਾ ਚ ਅਲਮਤ੍ਤਤਰਾ ਚ, ਮਾ ਚਸ੍ਸ ਭਾਯਿਤ੍ਥ, ਮਯਮ੍ਪਿ ਤੁਮ੍ਹਾਕਂ ਪਕ੍ਖਾ ਭਵਿਸ੍ਸਾਮਾ’’ਤਿ, ਤੇਨ ਅਨੁਪ੍ਪਨ੍ਨਾਨਿ ਚੇਵ ਭਣ੍ਡਨਾਨਿ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾਨਿ ਚ ਭਣ੍ਡਨਾਨਿ ਭਿਯ੍ਯੋਭਾਵਾਯ ਵੇਪੁਲ੍ਲਾਯ ਸਂਵਤ੍ਤਨ੍ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਪੁਚ੍ਛਾ – ਤਜ੍ਜਨੀਯਕਮ੍ਮਕਤਸ੍ਸ ਆਵੁਸੋ ਭਿਕ੍ਖੁਨੋ ਕਤਿਸੁ ਵਤ੍ਤੇਸੁ ਸਮ੍ਮਾ ਵਤ੍ਤਨ੍ਤਸ੍ਸ ਤਂ ਕਮ੍ਮਂ ਪਟਿਪ੍ਪਸ੍ਸਮ੍ਭੇਤੁਂ ਭਗਵਤਾ ਕਤ੍ਥ ਅਨੁਞ੍ਞਾਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਅਟ੍ਠਾਰਸਸੁ ਭਨ੍ਤੇ ਵਤ੍ਤੇਸੁ ਸਮ੍ਮਾ ਵਤ੍ਤਨ੍ਤਸ੍ਸ ਤਜ੍ਜਨੀਯਕਮ੍ਮਕਤਸ੍ਸ ਭਿਕ੍ਖੁਨੋ ਤਂ ਕਮ੍ਮਂ ਪਟਿਪ੍ਪਸ੍ਸਮ੍ਭੇਤੁਂ ਭਗਵਤਾ ਸਾਵਤ੍ਥਿਯਂ ਅਨੁਞ੍ਞਾਤਂ, ਤੇਯੇਵ ਪਣ੍ਡੁਕਲੋਹਿਤਕਾ ਭਿਕ੍ਖੂ ਸਙ੍ਘੇਨ ਤਜ੍ਜਨੀਯਕਮ੍ਮਕਤਾ ਸਮ੍ਮਾ ਵਤ੍ਤਿਤ੍ਵਾ ਸਙ੍ਘਂ ਉਪਸਙ੍ਕਮਿਤ੍ਵਾ ਯਾਚਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਪੁਚ੍ਛਾ – ਬਾਲਸ੍ਸ ਆਵੁਸੋ ਅਬ੍ਯਤ੍ਤਸ੍ਸ ਆਪਤ੍ਤਿਬਹੁਲਸ੍ਸ ਅਨਪਦਾਨਸ੍ਸ ਗਿਹਿਸਂਸਟ੍ਠਸ੍ਸ ਅਨਨੁਲੋਮਿਕੇਹਿ ਗਿਹਿਸਂਸਗ੍ਗੇਹਿ ਨਿਯਸ੍ਸਕਮ੍ਮਂ ਕਾਤੁਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਂ ਸੇਯ੍ਯਸਕਂ ਆਰਬ੍ਭ ਪਞ੍ਞਤ੍ਤਂ, ਆਯਸ੍ਮਾ ਭਨ੍ਤੇ ਸੇਯ੍ਯਸਕੋ ਬਾਲੋ ਅਹੋਸਿ ਅਬ੍ਯਤ੍ਤੋ ਆਪਤ੍ਤਿਬਹੁਲੋ ਅਨਪਦਾਨੋ ਗਿਹਿਸਂਸਟ੍ਠੋ ਵਿਹਾਸਿ ਅਨਨੁਲੋਮਿਕੇਹਿ ਗਿਹਿਸਂਸਗ੍ਗੇਹਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਨਿਯਸ੍ਸਕਮ੍ਮਕਤਸ੍ਸ ਆਵੁਸੋ ਭਿਕ੍ਖੁਨੋ ਕਤਿਸੁ ਵਤ੍ਤੇਸੁ ਸਮ੍ਮਾ ਵਤ੍ਤਨ੍ਤਸ੍ਸ ਤਂ ਕਮ੍ਮਂ ਪਟਿਪ੍ਪਸ੍ਸਮ੍ਭੇਤੁਂ ਭਗਵਤਾ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਅਟ੍ਠਾਰਸਸੁ ਭਨ੍ਤੇ ਵਤ੍ਤੇਸੁ ਸਮ੍ਮਾ ਵਤ੍ਤਨ੍ਤਸ੍ਸ ਨਿਯਸ੍ਸ ਕਮ੍ਮਕਤਸ੍ਸ ਭਿਕ੍ਖੁਨੋ ਤਂ ਕਮ੍ਮਂ ਪਟਿਪ੍ਪਸ੍ਸਮ੍ਭੇਤੁਂ ਭਗਵਤਾ ਅਨੁਞ੍ਞਾਤਂ, ਨ ਉਪਸਮ੍ਪਾਦੇਤਬ੍ਬਂ, ਨ ਨਿਸ੍ਸਯੋ ਦਾਤਬ੍ਬੋ, ਨ ਸਾਮਣੇਰੋ ਉਪਟ੍ਠਾਪੇਤਬ੍ਬੋ, ਨ ਭਿਕ੍ਖੁਨੋਵਾਦਕਸਮ੍ਮੁਤਿ ਸਾਦਿਤਬ੍ਬਾ, ਸਮ੍ਮਤੇਨਪਿ ਭਿਕ੍ਖੁਨਿਯੋ ਨ ਓਵਦਿਤਬ੍ਬਾ, ਏਵਮਾਦੀਸੁ ਭਨ੍ਤੇ ਅਟ੍ਠਾਰਸਸੁ ਵਤ੍ਤੇਸੁ ਸਮ੍ਮਾ ਵਤ੍ਤਨ੍ਤਸ੍ਸ ਨਿਯਸ੍ਸਕਮ੍ਮਕਤਸ੍ਸ ਭਿਕ੍ਖੁਨੋ ਤਂ ਕਮ੍ਮਂ ਪਟਿਪ੍ਪਸ੍ਸਮ੍ਭੇਤੁਂ ਭਗਵਤਾ ਅਨੁਞ੍ਞਾਤਂ.
ਪੁਚ੍ਛਾ – ਕੁਲਦੂਸਕਸ੍ਸ ਆਵੁਸੋ ਪਾਪਸਮਾਚਾਰਸ੍ਸ ਭਿਕ੍ਖੁਨੋ ਪਬ੍ਬਾਜਨੀਯਕਮ੍ਮਂ ਕਾਤੁਂ ਭਗਵਤਾ ਕਤ੍ਥ ਅਨੁਞ੍ਞਾਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਸ੍ਸਜਿਪੁਨਬ੍ਬਸੁਕੇ ਭਿਕ੍ਖੂ ਆਰਬ੍ਭ ਅਨੁਞ੍ਞਾਤਂ, ਅਸ੍ਸਜਿਪੁਨਬ੍ਬਸੁਕਾ ਭਨ੍ਤੇ ਭਿਕ੍ਖੂ ਕੀਟਾਗਿਰਿਸ੍ਮਿਂ ਕੁਲਦੂਸਕਾ ਅਹੇਸੁਂ ਪਾਪਸਮਾਚਾਰਾ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਪੁਚ੍ਛਾ – ਪਟਿਸਾਰਣੀਯਕਮ੍ਮਂ ਆਵੁਸੋ ਪੁਚ੍ਛਾਮਿ, ਸਦ੍ਧਂ ਆਵੁਸੋ ਪਸਨ੍ਨਂ ਗਹਪਤਿਂ ਦਾਯਕਂ ਕਾਰਕਂ ਸਙ੍ਘੁਪਟ੍ਠਾਕਂ ਹੀਨੇਨ ਖੁਂਸੇਨ੍ਤਸ੍ਸ ਭਿਕ੍ਖੁਨੋ ਪਟਿਸਾਰਣੀਯਕਮ੍ਮਂ ਕਾਤੁਂ ਭਗਵਤਾ ਕਤ੍ਥ ਅਨੁਞ੍ਞਾਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਂ ਸੁਧਮ੍ਮਂ ਆਰਬ੍ਭ ਅਨੁਞ੍ਞਾਤਂ, ਭਗਵਤਿ ਭਨ੍ਤੇ ਸਾਵਤ੍ਥਿਯਂ ਵਿਹਰਤਿ ਆਯਸ੍ਮਾ ਸੁਧਮ੍ਮੋ ਮਚ੍ਛਿਕਾਸਣ੍ਡੇ ਚਿਤ੍ਤਂ ਗਹਪਤਿਂ ਸਦ੍ਧਂ ਪਸਨ੍ਨਂ ਦਾਯਕਂ ਕਾਰਕਂ ਸਙ੍ਘੁਪਟ੍ਠਾਕਂ ਹੀਨੇਨ ਖੁਂਸੇਸਿ ਹੀਨੇਨ ਵਮ੍ਭੇਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਤੇਨਹਿ ਭਿਕ੍ਖਵੇ ਸਙ੍ਘੋ ਸੁਧਮ੍ਮਸ੍ਸ ਭਿਕ੍ਖੁਨੋ ਪਟਿਸਾਰਣੀਯਕਮ੍ਮਂ ਕਰੋਤੁ ‘‘ਚਿਤ੍ਤੋ ਤੇ ਗਹਪਤਿ ਖਮਾਪੇਤਬ੍ਬੋ’’ਤਿ –
ਪੁਚ੍ਛਾ – ਪਟਿਸਾਰਣੀਯਕਮ੍ਮਕਤਸ੍ਸ ਆਵੁਸੋ ਭਿਕ੍ਖੁਨੋ ਅਨੁਦੂਤਂ ਦਾਤੁਞ੍ਚ ਤੇਨ ਅਨੁਦੂਤੇਨ ਸਦ੍ਧਿਂ ਗਨ੍ਤ੍ਵਾ ਯਥਾਖੁਂਸਿਤਂ ਗਹਪਤਿਂ ਖਮਾਪੇਤੁਂ ਚ ਭਗਵਤਾ ਕਤ੍ਥ ਅਨੁਞ੍ਞਾਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਂਯੇਵ ਸੁਧਮ੍ਮਂ ਆਰਬ੍ਭ ਅਨੁਞ੍ਞਾਤਂ, ਆਯਸ੍ਮਾ ਭਨ੍ਤੇ ਸੁਧਮ੍ਮੋ ਮਚ੍ਛਿਕਾਸਣ੍ਡਂ ਗਨ੍ਤ੍ਵਾ ਮਙ੍ਕੁਭੂਤੋ ਨਾਸਕ੍ਖਿ ਚਿਤ੍ਤਂ ਗਹਪਤਿਂ ਖਮਾਪੇਤੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਪੁਚ੍ਛਾ – ਪਟਿਸਾਰਣੀਯਕਮ੍ਮਕਤਸ੍ਸ ਆਵੁਸੋ ਭਿਕ੍ਖੁਨੋ ਕਤਿਸੁ ਵਤ੍ਤੇਸੁ ਸਮ੍ਮਾ ਵਤ੍ਤਨ੍ਤਸ੍ਸ ਤਂ ਕਮ੍ਮਂ ਪਟਿਪ੍ਪਸ੍ਸਮ੍ਭੇਤੁਂ ਭਗਵਤਾ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਅਟ੍ਠਾਰਸਸੁ ਭਨ੍ਤੇ ਵਤ੍ਤੇਸੁ ਸਮ੍ਮਾ ਵਤ੍ਤਨ੍ਤਸ੍ਸ ਪਟਿਸਾਰਣੀਯ ਕਮ੍ਮਕਤਸ੍ਸ ਭਿਕ੍ਖੁਨੋ ਤਂ ਕਮ੍ਮਂ ਪਟਿਪ੍ਪਸ੍ਸਮ੍ਭੇਤੁਂ ਭਗਵਤਾ ਅਨੁਞ੍ਞਾਤਂ.
ਪੁਚ੍ਛਾ – ਆਪਤ੍ਤਿਂ ਆਵੁਸੋ ਆਪਜ੍ਜਿਤ੍ਵਾ ਤਂ ਆਪਤ੍ਤਿਂ ਪਸ੍ਸਿਤੁਂ ਵਾ ਪਟਿਕਾਤੁਂ ਵਾ ਨ ਇਚ੍ਛਨ੍ਤਸ੍ਸ ਭਿਕ੍ਖੁਨੋ ਆਪਤ੍ਤਿਯਾ ਅਦਸ੍ਸਨੇ ਵਾ ਅਪ੍ਪਟਿਕਮ੍ਮੇ ਵਾ ਉਕ੍ਖੇਪਨੀਯਕਮ੍ਮਂ ਕਾਤੁਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਕੋਸਮ੍ਬਿਯਂ ਭਨ੍ਤੇ ਆਯਸ੍ਮਨ੍ਤਂ ਛਨ੍ਨਤ੍ਥੇਰਂ ਆਰਬ੍ਭ ਪਞ੍ਞਤ੍ਤਂ, ਆਯਸ੍ਮਾ ਭਨ੍ਤੇ ਛਨ੍ਨੋ ਆਪਤ੍ਤਿਂ ਆਪਜ੍ਜਿਤ੍ਵਾ ਨ ਇਚ੍ਛਿ ਤਂ ਆਪਤ੍ਤਿਂ ਪਸ੍ਸਿਤੁਂ ਵਾ ਪਟਿਕਾਤੁਂ ਵਾ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਆਪਤ੍ਤਿਯਾ ਆਵੁਸੋ ਅਦਸ੍ਸਨੇਨ ਵਾ ਅਪ੍ਪਟਿਕਮ੍ਮੇ ਵਾ ਉਕ੍ਖੇਪਨੀਯ ਕਮ੍ਮਕਤੇਨ ਭਿਕ੍ਖੁਨਾ ਕਤਿਸੁ ਵਤ੍ਤੇਸੁ ਸਮ੍ਮਾ ਵਤ੍ਤਿਤਬ੍ਬਂ.
ਵਿਸ੍ਸਜ੍ਜਨਾ – ਤੇਚਤ੍ਤਾਲੀਸਾਯ ਭਨ੍ਤੇ ਵਤ੍ਤੇਸੁ ਸਮ੍ਮਾ ਵਤ੍ਤਿਤਬ੍ਬਂ.
ਪੁਚ੍ਛਾ – ਉਕ੍ਖੇਪਨੀਯਕਮ੍ਮਕਤਸ੍ਸ ਆਵੁਸੋ ਭਿਕ੍ਖੁਨੋ ਸਮ੍ਮਾ ਵਤ੍ਤਨ੍ਤਸ੍ਸ ਤਂ ਕਮ੍ਮਂ ਪਟਿਪ੍ਪਸ੍ਸਮ੍ਭੇਤੁਂ ਭਗਵਤਾ ਕਤ੍ਥ ਅਨੁਞ੍ਞਾਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਕੋਸਮ੍ਬਿਯਂ ਭਨ੍ਤੇ ਆਯਸ੍ਮਨ੍ਤਂਯੇਵ ਛਨ੍ਨਂ ਆਰਬ੍ਭ ਅਨੁਞ੍ਞਾਤਂ, ਆਯਸ੍ਮਾ ਭਨ੍ਤੇ ਛਨ੍ਨੋ ਸਙ੍ਘੇਨ ਆਪਤ੍ਤਿਯਾ ਅਦਸ੍ਸਨੇ ਵਾ ਅਪ੍ਪਟਿਕਮ੍ਮੇ ਵਾ ਉਕ੍ਖੇਪਨੀਯਕਮ੍ਮਕਤੋ ਸਮ੍ਮਾ ਵਤ੍ਤੇਸਿ ਲੋਮਂਪਾਤੇਸਿ ਨੇਤ੍ਥਾਰਂ ਵਤ੍ਤੇਸਿ ਸਙ੍ਘਂ ਉਪਸਙ੍ਕਮਿਤ੍ਵਾ ਤਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਯਾ ਯਾਚਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਪੁਚ੍ਛਾ – ਪਾਪਿਕਂ ਆਵੁਸੋ ਦਿਟ੍ਠਿਂ ਗਹੇਤ੍ਵਾ ਤਂ ਦਿਟ੍ਠਿਂ ਨ ਪਟਿਨਿਸ੍ਸਜ੍ਜਨ੍ਤਸ੍ਸ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮਂ ਕਾਤੁਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਰਿਟ੍ਠਂ ਭਿਕ੍ਖੁਂ ਗਦ੍ਧਬਾਧਿਪੁਬ੍ਬਂ ਆਰਬ੍ਭ ਪਞ੍ਞਤ੍ਤਂ, ਭਗਵਤਿ ਭਨ੍ਤੇ ਸਾਵਤ੍ਥਿਯਂ ਵਿਹਰਤਿ ਅਰਿਟ੍ਠਸ੍ਸ ਨਾਮ ਭਿਕ੍ਖੁਨੋ ਗਦ੍ਧਬਾਧਿਪੁਬ੍ਬਸ੍ਸ ਏਵਰੂਪਂ ਪਾਪਕਂ ਦਿਟ੍ਠਿਗਤਂ ਉਪ੍ਪਨ੍ਨਂ ਅਹੋਸਿ ‘‘ਤਥਾਹਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ, ਯਥਾਯੇਮੇ ਅਨ੍ਤਰਾਯਿਕਾ ਧਮ੍ਮਾ ਵੁਤ੍ਤਾ ਭਗਵਤਾ, ਤੇ ਪਟਿਸੇਵਤੋ ਨਾਲਂ ਅਨ੍ਤਰਾਯਾਯਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਪਾਪਿਕਾਯ ਆਵੁਸੋ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮਕਤੇਨ ਭਿਕ੍ਖੁਨਾ ਕਤਿਸੁ ਵਤ੍ਤੇਸੁ ਸਮ੍ਮਾ ਵਤ੍ਤਿਤਬ੍ਬਂ.
ਵਿਸ੍ਸਜ੍ਜਨਾ – ਤੇਚਤ੍ਤਾਲੀਸਾਯ ਭਨ੍ਤੇ ਵਤ੍ਤੇਸੁ ਸਮ੍ਮਾ ਵਤ੍ਤਿਤਬ੍ਬਂ.
ਪੁਚ੍ਛਾ – ਕਮ੍ਮਕ੍ਖਨ੍ਧਕਂ ਪੁਚ੍ਛਿਸ੍ਸਂ, ਸਨਿਦਾਨਿ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਆਵੁਸੋ ਕਤਿ ਆਪਤ੍ਤਿਯੋ.
ਵਿਸ੍ਸਜ੍ਜਨਾ – ਕਮ੍ਮਕ੍ਖਨ੍ਧਕਂ ਵਿਸ੍ਸਜ੍ਜਿਸ੍ਸਂ, ਸਨਿਦਾਨਂ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਭਨ੍ਤੇ ਏਕਾ ਆਪਤ੍ਤਿ.
੨. ਪਾਰਿਵਾਸਿਕਕ੍ਖਨ੍ਧਕ
ਪੁਚ੍ਛਾ – ਪਾਰਿਵਾਸਿਕਸ੍ਸ ਆਵੁਸੋ ਪਕਤਤ੍ਤਾਨਂ ਭਿਕ੍ਖੂਨਂ ਅਭਿਵਾਦਨਾਦੀਨਿ ਸਾਦਿਯਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਪਾਰਿਵਾਸਿਕੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਪਾਰਿਵਾਸਿਕਾ ਭਨ੍ਤੇ ਭਿਕ੍ਖੂ ਸਾਦਿਯਿਂਸੁ ਪਕਤਤ੍ਤਾਨਂ ਭਿਕ੍ਖੂਨਂ ਅਭਿਵਾਦਨਾਦੀਨਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਪਾਰਿਵਾਸਿਕੇਨ ਆਵੁਸੋ ਭਿਕ੍ਖੁਨਾ ਕਤਿਸੁ ਵਤ੍ਤੇਸੁ ਸਮ੍ਮਾ ਵਤ੍ਤਿਤਬ੍ਬਂ.
ਵਿਸ੍ਸਜ੍ਜਨਾ – ਪਾਰਿਵਾਸਿਕੇਨ ਭਨ੍ਤੇ ਭਿਕ੍ਖੁਨਾ ਚਤੁਨਵੁਤਿਯਾ ਵਤ੍ਤੇਸੁ ਸਮ੍ਮਾ ਵਤ੍ਤਿਤਬ੍ਬਂ.
ਪੁਚ੍ਛਾ – ਪਾਰਿਵਾਸਿਕਂ ਪੁਚ੍ਛਿਸ੍ਸਂ, ਸਨਿਦਾਨਂ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਆਵੁਸੋ ਕਤਿ ਆਪਤ੍ਤਿਯੋ.
ਵਿਸ੍ਸਜ੍ਜਨਾ – ਪਾਰਿਵਾਸਿਕਂ ਵਿਸ੍ਸਜ੍ਜਿਸ੍ਸਂ, ਸਨਿਦਾਨਂ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਭਨ੍ਤੇ ਏਕਾ ਆਪਤ੍ਤਿ.
੩. ਸਮੁਚ੍ਚਯਕ੍ਖਨ੍ਧਕ
ਪੁਚ੍ਛਾ – ਸਮੁਚ੍ਚਯਂ ਪੁਚ੍ਛਿਸ੍ਸਂ, ਸਨਿਦਾਨਂ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਆਵੁਸੋ ਕਤਿ ਆਪਤ੍ਤਿਯੋ.
ਵਿਸ੍ਸਜ੍ਜਨਾ – ਸਮੁਚ੍ਚਯਂ ਵਿਸ੍ਸਜ੍ਜਿਸ੍ਸਂ, ਸਨਿਦਾਨਂ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਭਨ੍ਤੇ ਏਕਾ ਆਪਤ੍ਤਿ.
੪. ਸਮਥਕ੍ਖਨ੍ਧਕ
ਪੁਚ੍ਛਾ – ਅਸਮ੍ਮੁਖੀਭੂਤਾਨਂ ਆਵੁਸੋ ਭਿਕ੍ਖੂਨਂ ਤਜ੍ਜਨੀਯਂ ਵਾ ਨਿਯਸ੍ਸਂ ਵਾ ਪਬ੍ਬਾਜਨੀਯਂ ਵਾ ਪਟਿਸਾਰਣੀਯਂ ਵਾ ਉਕ੍ਖੇਪਨੀਯਂ ਵਾ ਕਮ੍ਮਂ ਕਰੋਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਅਸਮ੍ਮੁਖੀਭੂਤਾਨਂ ਭਿਕ੍ਖੂਨਂ ਕਮ੍ਮਂ ਅਕਂਸੁ ਤਜ੍ਜਨੀਯਮ੍ਪਿ ਨਿਯਸ੍ਸਮ੍ਪਿ ਪਬ੍ਬਾਜਨੀਯਮ੍ਪਿ ਪਟਿਸਾਰਣੀਯਮ੍ਪਿ ਉਕ੍ਖੇਪਨੀਯਮ੍ਪਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਸਤਿਵੇਪੁਲ੍ਲਪਤ੍ਤਸ੍ਸ ਆਵੁਸੋ ਭਿਕ੍ਖੁਨੋ ਸਤਿਵਿਨਯਂ ਦਾਨਂ ਭਗਵਤਾ ਕਤ੍ਥ ਅਨੁਞ੍ਞਾਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਮੇਤ੍ਤਿਯਭੂਮਜਕੇ ਭਿਕ੍ਖੂ ਆਰਬ੍ਭ ਅਨੁਞ੍ਞਾਤਂ ਮੇਤ੍ਤਿਯਭੂਮਜਕਾ ਭਨ੍ਤੇ ਭਿਕ੍ਖੂ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਅਮੂਲਿਕਾਯ ਸੀਲਵਿਪਤ੍ਤਿਯਾ ਅਨੁਦ੍ਧਂਸੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਪੁਚ੍ਛਾ – ਕਤਿਪਨਾਵੁਸੋ ਏਤ੍ਥ ਧਮ੍ਮਿਕਾਨਿ ਸਤਿਵਿਨਯਦਾਨਾਨਿ.
ਵਿਸ੍ਸਜ੍ਜਨਾ – ਪਞ੍ਚਿਮਾਨਿ ਭਨ੍ਤੇ ਧਮ੍ਮਿਕਾਨਿ ਸਤਿਵਿਨਯਸ੍ਸ ਦਾਨਾਨਿ, ਸੁਦ੍ਧੋ ਹੋਤਿ ਭਿਕ੍ਖੁ ਅਨਾਪਤ੍ਤਿਕੋ, ਅਨੁਵਦਨ੍ਤਿ ਚ ਨਂ, ਯਾਚਤਿ ਚ, ਤਸ੍ਸ ਸਙ੍ਘੋ ਸਤਿਵਿਨਯਂ ਦੇਤਿ ਧਮ੍ਮੇਨ ਸਮਗ੍ਗੇਨ, ਇਮਾਨਿ ਖੋ ਭਨ੍ਤੇ ਪਞ੍ਚ ਧਮ੍ਮਿਕਾਨਿ ਸਤਿ ਵਿਨਯਸ੍ਸ ਦਾਨਾਨਿ.
ਪੁਚ੍ਛਾ – ਅਮੂਲ਼੍ਹਸ੍ਸ ਆਵੁਸੋ ਭਿਕ੍ਖੁਨੋ ਅਮੂਲ਼੍ਹਵਿਨਯਂ ਦਾਤੁਂ ਭਗਵਤਾ ਕਤ੍ਥ ਅਨੁਞ੍ਞਾਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਅਨੁਞ੍ਞਾਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਗਗ੍ਗਂ ਭਿਕ੍ਖੁਂ ਉਮ੍ਮਤ੍ਤਕੇਨ ਚਿਤ੍ਤਵਿਪਰਿਯਾਸਕਤੇਨ ਅਜ੍ਝਾਚਿਣ੍ਣੇਨ ਆਪਤ੍ਤਿਯਾ ਚੋਦੇਸੁਂ ‘‘ਸਰਤਾ ਯਸ੍ਮਾ ਏਵਰੂਪਿਂ ਆਪਤ੍ਤਿਂ ਆਪਜ੍ਜਿਤਾ’’ਤਿ, ਸੋ ਏਵਂ ਵਦੇਤਿ ‘‘ਅਹਂ ਖੋ ਆਵੁਸੋ ਉਮ੍ਮਤ੍ਤਕੋ ਅਹੋਸਿ ਚਿਤ੍ਤਵਿਪਰਿਯਾਸਕਤੋ, ਤੇਨ ਮੇ ਉਮ੍ਮਤ੍ਤਕੇਨ ਚਿਤ੍ਤਵਿਪਰਿਯਾਸਕਤੇਨ ਬਹੁਂ ਅਸ੍ਸਾਮਣਕਂ ਅਜ੍ਝਾਚਿਣ੍ਣਂ ਭਾਸਿਤਪਰਿਕ੍ਕਨ੍ਤਂ, ਨਾਹਂ ਤਂ ਸਰਾਮਿ, ਮੂਲ਼੍ਹੇਨ ਮੇ ਏਤਂ ਕਤ’’ਨ੍ਤਿ. ਏਵਮ੍ਪਿ ਨਂ ਵੁਚ੍ਚਮਾਨਾ ਚੋਦੇਨ੍ਤੇਵ ‘‘ਸਰਤਾ ਯਸ੍ਮਾ ਏਵਰੂਪਿਂ ਆਪਤ੍ਤਿਂ ਆਪਜ੍ਜਿਤਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਪੁਚ੍ਛਾ – ਕਤਿ ਆਵੁਸੋ ਅਧਮ੍ਮਿਕਾਨਿ ਅਮੂਲ਼੍ਹਵਿਨਯਸ੍ਸ ਦਾਨਾਨਿ, ਵਿਭਜਿਤ੍ਵਾ ਕਥੇਹਿ.
ਵਿਸ੍ਸਜ੍ਜਨਾ – ਤੀਣਿ ਭਨ੍ਤੇ ਅਧਮ੍ਮਿਕਾਨਿ ਅਮੂਲ਼੍ਹਵਿਨਯਸ੍ਸ ਦਾਨਾਨਿ, ਇਧ ਭਨ੍ਤੇ ਭਿਕ੍ਖੁ ਆਪਤ੍ਤਿਂ ਆਪਨ੍ਨੋ ਹੋਤਿ, ਤਮੇਨਂ ਚੋਦੇਤਿ ਸਙ੍ਘੋ ਵਾ ਸਮ੍ਬਹੁਲਾ ਵਾ ਏਕਪੁਗ੍ਗਲੋ ਵਾ ‘‘ਸਰਤਾਯਸ੍ਮਾ ਏਵਰੂਪਿਂ ਆਪਤ੍ਤਿਂ ਆਪਜ੍ਜਿਤਾ’’ਤਿ, ਸੋ ਸਰਮਾਨੋਵ ਏਵਂ ਵਦੇਤਿ ‘‘ਨ ਖੋ ਅਹਂ ਆਵੁਸੋ ਸਰਾਮਿ ਏਵਰੂਪਿਂ ਆਪਤ੍ਤਿਂ ਆਪਜ੍ਜਿਤਾ’’ਤਿ. ਅਞ੍ਞੋ ਸਰਮਾਨੋਵ ਏਵਂ ਵਦੇਤਿ ‘‘ਸਰਾਮਿ ਖੋ ਅਹਂ ਆਵੁਸੋ ਯਥਾ ਸੁਪਿਨਨ੍ਤੇਨਾ’’ਤਿ. ਅਞ੍ਞੋ ਅਨੁਮ੍ਮਤ੍ਤਕੋਵ ਉਮ੍ਮਤ੍ਤਕਾਲਯਂ ਕਰੋਤਿ ‘‘ਅਹਮ੍ਪਿ ਖੋ ਏਵਂ ਕਰੋਮਿ, ਤੁਮ੍ਹੇਪਿ ਏਵਂ ਕਰੋਥ, ਮਯ੍ਹਮ੍ਪਿ ਏਤਂ ਕਪ੍ਪਤਿ, ਤੁਮ੍ਹਾਕਮ੍ਪੇਤਂ ਕਪ੍ਪਤੀ’’ਤਿ. ਏਸਂ ਸਙ੍ਘੋ ਅਮੂਲ਼੍ਹਵਿਨਯਂ ਦੇਤਿ, ਅਧਮ੍ਮਿਕਂ ਭਨ੍ਤੇ ਅਮੂਲ਼੍ਹਵਿਨਯਸ੍ਸ ਦਾਨਂ. ਇਮਾਨਿ ਖੋ ਭਨ੍ਤੇ ਤੀਣਿ ਅਧਮ੍ਮਿਕਾਨਿ ਅਮੂਲ਼੍ਹਵਿਨਯਸ੍ਸ ਦਾਨਾਨਿ.
ਪੁਚ੍ਛਾ – ਕਤਿ ਆਵੁਸੋ ਧਮ੍ਮਿਕਾਨਿ ਅਮੂਲ਼੍ਹਵਿਨਯਸ੍ਸ ਦਾਨਾਨਿ, ਵਿਭਜਿਤ੍ਵਾ ਕਥੇਹਿ.
ਵਿਸ੍ਸਜ੍ਜਨਾ – ਤੀਣਿ ਭਨ੍ਤੇ ਧਮ੍ਮਿਕਾਨਿ ਅਮੂਲ਼੍ਹਵਿਨਯਸ੍ਸ ਦਾਨਾਨਿ, ਇਧ ਭਨ੍ਤੇ ਭਿਕ੍ਖੁ ਉਮ੍ਮਤ੍ਤਕੋ ਹੋਤਿ ਚਿਤ੍ਤਵਿਪਰਿਯਾਸਕਤੋ ਤੇਨ ਉਮ੍ਮਤ੍ਤਕੇਨ ਚਿਤ੍ਤਵਿਪਰਿਯਾਸਕਤੇਨ ਬਹੁਂ ਅਸ੍ਸਾਮਣਕਂ ਅਜ੍ਝਾਚਿਣ੍ਣਂ ਹੋਤਿ ਭਾਸਿਤਪਰਿਕ੍ਕਨ੍ਤਂ, ਤਮੇਨਂ ਚੋਦੇਤਿ ਸਙ੍ਘੋ ਵਾ ਸਮ੍ਬਹੁਲਾ ਵਾ ਏਕਪੁਗ੍ਗਲੋ ਵਾ ‘‘ਸਰਤਾਯਸ੍ਮਾ ਏਵਰੂਪਿਂ ਆਪਤ੍ਤਿਂ ਆਪਜ੍ਜਿਤਾ’’ਤਿ, ਸੋ ਅਸ੍ਸਰਮਾਨੋਵ ਏਵਂ ਵਦੇਤਿ ‘‘ਨ ਖੋ ਅਹਂ ਆਵੁਸੋ ਸਰਾਮਿ ਏਵਰੂਪਿਂ ਆਪਤ੍ਤਿਂ ਆਪਜ੍ਜਿਤਾ’’ਤਿ. ਅਞ੍ਞੋਪਿ ਅਸ੍ਸਰਮਾਨੋਵ ਏਵਂ ਵਦੇਤਿ ‘‘ਸਰਾਮਿ ਖੋ ਅਹਂ ਆਵੁਸੋ ਯਥਾ ਸੁਪਿਨਨ੍ਤੇਨਾ’’ਤਿ. ਅਞ੍ਞੋਪਿ ਉਮ੍ਮਤ੍ਤਕੋਵ ਉਮ੍ਮਤ੍ਤਕਾਲਯਂ ਕਰੋਤਿ ‘‘ਅਹਮ੍ਪਿ ਏਵਂ ਕਰੋਮਿ, ਤੁਮ੍ਹੇਪਿ ਏਵਂ ਕਰੋਥ, ਮਯ੍ਹਮ੍ਪਿ ਏਤਂ ਕਪ੍ਪਤਿ, ਤੁਮ੍ਹਾਕਮ੍ਪੇਤਂ ਕਪ੍ਪਤੀ’’ਤਿ. ਏਸਂ ਭਨ੍ਤੇ ਤਿਣ੍ਣਂ ਭਿਕ੍ਖੂਨਂ ਸਙ੍ਘੋ ਅਮੂਲ਼੍ਹਵਿਨਯਂ ਦੇਤਿ, ਧਮ੍ਮਿਕਂ ਭਨ੍ਤੇ ਅਮੂਲ਼੍ਹਵਿਨਯਸ੍ਸ ਦਾਨਂ. ਇਮਾਨਿ ਖੋ ਭਨ੍ਤੇ ਤੀਣਿ ਧਮ੍ਮਿਕਾਨਿ ਅਮੂਲ਼੍ਹਵਿਨਯਸ੍ਸ ਦਾਨਾਨਿ.
ਪੁਚ੍ਛਾ – ਅਪ੍ਪਟਿਞ੍ਞਾਯ ਆਵੁਸੋ ਭਿਕ੍ਖੂਨਂ ਤਜ੍ਜਨੀਯਾਦੀਨਿ ਕਮ੍ਮਾਨਿ ਕਰੋਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਅਪ੍ਪਟਿਞ੍ਞਾਯ ਭਿਕ੍ਖੂਨਂ ਕਮ੍ਮਾਨਿ ਅਕਂਸੁ ਤਜ੍ਜਨੀਯਾਦੀਨਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਕਥਂ ਆਵੁਸੋ ਅਧਮ੍ਮਿਕਂ ਹੋਤਿ ਪਟਿਞ੍ਞਾਤਕਰਣਂ.
ਵਿਸ੍ਸਜ੍ਜਨਾ – ਅਞ੍ਞਥਾ ਭਨ੍ਤੇ ਆਪਤ੍ਤਿਂ ਆਪਜ੍ਜਨ੍ਤਸ੍ਸ ਅਞ੍ਞਥਾ ਪਟਿਜਾਨਨ੍ਤਸ੍ਸ ਯਥਾ ਸੋ ਪਟਿਜਾਨਾਤਿ, ਤਥਾ ਸਙ੍ਘੋ ਕਾਰੇਤਿ, ਏਵਂ ਖੋ ਭਨ੍ਤੇ ਅਧਮ੍ਮਿਕਂ ਹੋਤਿ ਪਟਿਞ੍ਞਾਤਕਰਣਂ.
ਪੁਚ੍ਛਾ – ਕਥਂ ਆਵੁਸੋ ਧਮ੍ਮਿਕਂ ਹੋਤਿ ਪਟਿਞ੍ਞਾਤਕਰਣਂ.
ਵਿਸ੍ਸਜ੍ਜਨਾ – ਯਂ ਭਨ੍ਤੇ ਆਪਤ੍ਤਿਂ ਆਪਜ੍ਜਨ੍ਤਸ੍ਸ ਤਮੇਵ ਪਟਿਜਾਨਨ੍ਤਸ੍ਸ ਤੇਨੇਵ ਸਙ੍ਘੋ ਕਾਰੇਤਿ, ਏਵਂ ਖੋ ਭਨ੍ਤੇ ਧਮ੍ਮਿਕਂ ਪਟਿਞ੍ਞਾਤਕਰਣਂ.
ਪੁਚ੍ਛਾ – ਯੇਭੁਯ੍ਯਸਿਕਾਯ ਆਵੁਸੋ ਅਧਿਕਰਣਂ ਵੂਪਸਮੇਤੁਂ ਭਗਵਤਾ ਕਤ੍ਥ ਅਨੁਞ੍ਞਾਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਅਨੁਞ੍ਞਾਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਭਣ੍ਡਨਜਾਤਾ ਕਲਹਜਾਤਾ ਵਿਵਾਦਾਪਨ੍ਨਾ ਅਞ੍ਞਮਞ੍ਞਂ ਮੁਖਸਤ੍ਤੀਹਿ ਵਿਤੁਦਨ੍ਤਾ ਵਿਹਰਿਂਸੁ, ਨ ਸਕ੍ਕੋਨ੍ਤਿ ਤਂ ਅਧਿਕਰਣਂ ਵੂਪਸਮੇਤੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਪੁਚ੍ਛਾ – ਕਥਂ ਆਵੁਸੋ ਅਧਿਕਰਣਂ ਯੇਭੁਯ੍ਯਸਿਕਾਯ ਵੂਪਸਮੇਤਬ੍ਬਂ.
ਵਿਸ੍ਸਜ੍ਜਨਾ – ਪਞ੍ਚਹਿ ਭਨ੍ਤੇ ਅਙ੍ਗੇਹਿ ਸਮਨ੍ਨਾਗਤੋ ਭਿਕ੍ਖੁ ਸਲਾਕਗ੍ਗਾਹਾਪਕੋ ਸਮ੍ਮਨ੍ਨਿਤਬ੍ਬੋ, ਤੇਨ ਭਨ੍ਤੇ ਸਲਾਕਗ੍ਗਾਹਾਪਕੇਨ ਸਲਾਕਾ ਗਾਹਾਤਬ੍ਬਾ ਯਥਾ ਬਹੁਤਰਾ ਭਿਕ੍ਖੂ ਧਮ੍ਮਵਾਦਿਨੋ ਵਦਨ੍ਤਿ ਤਥਾ ਤਂ ਅਧਿਕਰਣਂ ਵੂਪਸਮੇਤਬ੍ਬਂ, ਏਵਂ ਖੋ ਭਨ੍ਤੇ ਯੇਭੁਯ੍ਯਸਿਕਾਯ ਅਧਿਕਰਣਂ ਵੂਪਸਮੇਤਬ੍ਬਂ.
ਪੁਚ੍ਛਾ – ਕਤਿ ਆਵੁਸੋ ਅਧਮ੍ਮਿਕਾ ਸਲਾਕਗ੍ਗਾਹਾ.
ਵਿਸ੍ਸਜ੍ਜਨਾ – ਦਸ ਭਨ੍ਤੇ ਅਧਮ੍ਮਿਕਾ ਸਲਾਕਗ੍ਗਾਹਾ, ਓਰਮਤ੍ਤਕਞ੍ਚ ਅਧਿਕਰਣਂ ਹੋਤਿ, ਨ ਚ ਗਤਿਗਤਂ ਹੋਤਿ, ਨ ਚ ਸਰਿਤਸਾਰਿਤਂ ਹੋਤਿ, ਜਾਨਾਤਿ ‘ਅਧਮ੍ਮਵਾਦੀ ਬਹੁਤਰਾ’ਤਿ, ਅਪ੍ਪੇਵ ਨਾਮ ਅਧਮ੍ਮਵਾਦੀ ਬਹੁਤਰਾ ਅਸ੍ਸੂਤਿ, ਜਾਨਾਤਿ ‘ਸਙ੍ਘੋ ਭਿਜ੍ਜਿਸ੍ਸਤੀ’ਤਿ, ਅਪ੍ਪੇਵ ਨਾਮ ਸਙ੍ਘੋ ਭਿਜ੍ਜੇਯ੍ਯਾਤਿ, ਅਧਮ੍ਮੇਨ ਗਣ੍ਹਨ੍ਤਿ, ਵਗ੍ਗਾ ਗਣ੍ਹਨ੍ਤਿ, ਨ ਚ ਯਥਾਦਿਟ੍ਠਿਯਾ ਗਣ੍ਹਨ੍ਤਿ, ਇਮੇ ਖੋ ਭਨ੍ਤੇ ਦਸ ਅਧਮ੍ਮਿਕਾ ਕਲਾਕਗ੍ਗਾਹਾ.
ਪੁਚ੍ਛਾ – ਕਤਿ ਆਵੁਸੋ ਧਮ੍ਮਿਕਾ ਸਲਾਕਗ੍ਗਾਹਾ.
ਵਿਸ੍ਸਜ੍ਜਨਾ – ਦਸ ਭਨ੍ਤੇ ਧਮ੍ਮਿਕਾ ਸਲਾਕਗ੍ਗਾਹਾ ਵੁਤ੍ਤਵਿਪਰਿਯਾਯੇਨ.
ਪੁਚ੍ਛਾ – ਪਾਪੁਸ੍ਸਨ੍ਨਸ੍ਸ ਆਵੁਸੋ ਭਿਕ੍ਖੁਸ੍ਸ ਤਸ੍ਸ ਪਾਪਿਯਸਿਕਾ ਕਮ੍ਮਂ ਕਾਤੁਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਉਪਵਾਲ਼ਂ ਭਿਕ੍ਖੁਂ ਆਰਬ੍ਭ ਪਞ੍ਞਤ੍ਤਂ, ਉਪਵਾਲ਼ੋ ਭਨ੍ਤੇ ਭਿਕ੍ਖੁ ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜਿਯਮਾਨੋ ਅਵਜਾਨਿਤ੍ਵਾ ਪਟਿਜਾਨਾਤਿ, ਪਟਿਜਾਨਿਤ੍ਵਾ ਅਵਜਾਨਾਤਿ, ਅਞ੍ਞੇਨਞ੍ਞਂ ਪਟਿਚਰਤਿ, ਸਮ੍ਪਜਾਨਮੁਸਾ ਭਾਸਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਕਤਿ ਆਵੁਸੋ ਧਮ੍ਮਿਕਾਨਿ ਤਸ੍ਸਪਾਪਿਯਸਿਕਾ ਕਮ੍ਮਸ੍ਸ ਕਰਣਾਨਿ.
ਵਿਸ੍ਸਜ੍ਜਨਾ – ਪਞ੍ਚਿਮਾਨਿ ਭਨ੍ਤੇ ਧਮ੍ਮਿਕਾਨਿ ਤਸ੍ਸਪਾਪਿਯਸਿਕਾ ਕਮ੍ਮਸ੍ਸ ਕਰਣਾਨਿ. ਅਸੁਚਿ ਚ ਹੋਤਿ, ਅਲਜ੍ਜੀ ਚ, ਸਾਨੁਵਾਦੋ ਚ, ਤਸ੍ਸ ਸਙ੍ਘੋ ਤਸ੍ਸਪਾਪਿਯਸਿਕਾ ਕਮ੍ਮਂ ਕਰੋਤਿ ਧਮ੍ਮੇਨ ਸਮਗ੍ਗੇਨ, ਇਮਾਨਿ ਖੋ ਭਨ੍ਤੇ ਪਞ੍ਚ ਧਮ੍ਮਿਕਾਨਿ ਤਸ੍ਸ ਪਾਪਿਯਸਿਕਾ ਕਮ੍ਮਸ੍ਸ ਕਰਣਾਨਿ.
ਪੁਚ੍ਛਾ – ਤਸ੍ਸ ਪਾਪਿਯਸਿਕਾਕਮ੍ਮਕਤੇਨ ਆਵੁਸੋ ਭਿਕ੍ਖੁਨਾ ਕਤਿਸੁ ਵਤ੍ਤੇਸੁ ਸਮ੍ਮਾ ਵਤ੍ਤਿਤਬ੍ਬਂ.
ਵਿਸ੍ਸਜ੍ਜਨਾ – ਤਸ੍ਸ ਪਾਪਿਯਸਿਕਾਕਮ੍ਮਕਤੇਨ ਭਨ੍ਤੇ ਭਿਕ੍ਖੁਨਾ ਅਟ੍ਠਾਰਸਸੁ ਵਤ੍ਤੇਸੁ ਸਮ੍ਮਾ ਵਤ੍ਤਿਤਬ੍ਬਂ. ਨ ਉਪਸਮ੍ਪਾਦੇਤਬ੍ਬਂ, ਨ ਨਿਸ੍ਸਯੋ ਦਾਤਬ੍ਬੋ, ਨ ਸਾਮਣੇਰੋ ਉਪਟ੍ਠਾਪੇਤਬ੍ਬੋ, ਏਵਮਾਦੀਸੁ ਭਨ੍ਤੇ ਅਟ੍ਠਾਰਸਸੁ ਵਤ੍ਤੇਸੁ ਸਮ੍ਮਾ ਵਤ੍ਤਿਤਬ੍ਬਂ.
ਪੁਚ੍ਛਾ – ਕਤਿ ਆਵੁਸੋ ਅਧਿਕਰਣਾਨਿ ਸਮਥੇਹਿ ਵੂਪਸਮੇਤਬ੍ਬਾਨਿ.
ਵਿਸ੍ਸਜ੍ਜਨਾ – ਚਤ੍ਤਾਰਿਮਾਨਿ ਭਨ੍ਤੇ ਅਧਿਕਰਣਾਨਿ ਸਮਥੇਹਿ ਵੂਪਸਮੇਤਬ੍ਬਾਨਿ, ਵਿਵਾਦਾਧਿਕਰਣਂ ਅਨੁਵਾਦਾਧਿਕਰਣਂ ਆਪਤ੍ਤਾਧਿਕਰਣਂ ਕਿਚ੍ਚਾਧਿਕਰਣਂ, ਇਮਾਨਿ ਭਨ੍ਤੇ ਚਤ੍ਤਾਰਿ ਅਧਿਕਰਣਾਨਿ ਸਮਥੇਹਿ ਵੂਪਸਮੇਤਬ੍ਬਾਨਿ.
ਪੁਚ੍ਛਾ – ਕਿਂ ਆਵੁਸੋ ਵਿਵਾਦਾਧਿਕਰਣਸ੍ਸ ਮੂਲਂ.
ਵਿਸ੍ਸਜ੍ਜਨਾ – ਛ ਭਨ੍ਤੇ ਵਿਵਾਦਮੂਲਾਨਿ ਵਿਵਾਦਾਧਿਕਰਣਸ੍ਸ ਮੂਲਂ, ਤੀਣਿਪਿ ਅਕੁਸਲਮੂਲਾਨਿ ਵਿਵਾਦਾਧਿਕਰਣਸ੍ਸ ਮੂਲਂ, ਤੀਣਿਪਿ ਕੁਸਲਮੂਲਾਨਿ ਵਿਵਾਦਾਧਿਕਰਣਸ੍ਸ ਮੂਲਂ, ਇਦਂ ਭਨ੍ਤੇ ਵਿਵਾਦਾਧਿਕਰਣਸ੍ਸ ਮੂਲਂ.
ਪੁਚ੍ਛਾ – ਕਿਂ ਪਨਾਵੁਸੋ ਅਨੁਵਾਦਾਧਿਕਰਣਸ੍ਸ ਮੂਲਂ.
ਵਿਸ੍ਸਜ੍ਜਨਾ – ਛ ਭਨ੍ਤੇ ਅਨੁਵਾਦਮੂਲਾਨਿ ਅਨੁਵਾਦਾਧਿਕਰਣਸ੍ਸ ਮੂਲਂ, ਤੀਣਿਪਿ ਅਕੁਸਲਮੂਲਾਨਿ ਅਨੁਵਾਦਾਧਿਕਰਣਸ੍ਸ ਮੂਲਂ, ਤੀਣਿਪਿ ਕੁਸਲਮੂਲਾਨਿ ਅਨੁਵਾਦਾਧਿਕਰਣਸ੍ਸ ਮੂਲਂ, ਕਾਯੋਪਿ ਅਨੁਵਾਦਾਧਿਕਰਣਸ੍ਸ ਮੂਲਂ, ਵਾਚਾਪਿ ਅਨੁਵਾਦਾਧਿਕਰਣਸ੍ਸ ਮੂਲਂ, ਇਦਂ ਖੋ ਭਨ੍ਤੇ ਅਨੁਵਾਦਾਧਿਕਰਣਸ੍ਸ ਮੂਲਂ.
ਪੁਚ੍ਛਾ – ਕਿਂ ਪਨਾਵੁਸੋ ਆਪਤ੍ਤਾਧਿਕਰਣਸ੍ਸ ਮੂਲਂ.
ਵਿਸ੍ਸਜ੍ਜਨਾ – ਛ ਭਨ੍ਤੇ ਆਪਤ੍ਤਿਸਮੁਟ੍ਠਾਨਾ ਆਪਤ੍ਤਾਧਿਕਰਣਸ੍ਸ ਮੂਲਂ, ਅਤ੍ਤਿ ਭਨ੍ਤੇ ਆਪਤ੍ਤਿ ਕਾਯਤੋ ਸਮੁਟ੍ਠਾਤਿ ਨ ਵਾਚਤੋ ਨ ਚਿਤ੍ਤਤੋ, ਅਤ੍ਥਿ ਭਨ੍ਤੇ ਆਪਤ੍ਤਿ ਵਾਚਤੋ ਸਮੁਟ੍ਠਾਤਿ ਨ ਕਾਯਤੋ ਨ ਚਿਤ੍ਤਤੋ, ਅਤ੍ਥਿ ਭਨ੍ਤੇ ਆਪਤ੍ਤਿ ਕਾਯਤੋ ਚ ਵਾਚਤੋ ਚ ਸਮੁਟ੍ਠਾਤਿ ਨ ਚਿਤ੍ਤਤੋ, ਅਤ੍ਥਿ ਭਨ੍ਤੇ ਆਪਤ੍ਤਿ ਕਾਯਤੋ ਚ ਚਿਤ੍ਤਤੋ ਚ ਸਮੁਟ੍ਠਾਤਿ ਨ ਵਾਚਤੋ, ਅਤ੍ਥਿ ਭਨ੍ਤੇ ਆਪਤ੍ਤਿ ਵਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਾਤਿ ਨ ਕਾਯਤੋ, ਅਤ੍ਥਿ ਭਨ੍ਤੇ ਆਪਤ੍ਤਿ ਕਾਯਤੋ ਚ ਵਾਚਤੋ ਚ ਚਿਤ੍ਤਤੋ ਚ ਸਮੁਟ੍ਠਾਤਿ, ਇਮਾਨਿ ਭਨ੍ਤੇ ਛ ਆਪਤ੍ਤਿ ਸਮੁਟ੍ਠਾਨਾਨਿ ਆਪਤ੍ਤਾਧਿਕਰਣਸ੍ਸ ਮੂਲਂ.
ਪੁਚ੍ਛਾ – ਕਿਂ ਪਨਾਵੁਸੋ ਕਿਚ੍ਚਾਧਿਕਰਣਸ੍ਸ ਮੂਲਂ.
ਵਿਸ੍ਸਜ੍ਜਨਾ – ਕਿਚ੍ਚਾਧਿਕਰਣਸ੍ਸ ਭਨ੍ਤੇ ਏਕਂ ਮੂਲਂ ਸਙ੍ਘੋ.
ਪੁਚ੍ਛਾ – ਸਮਥਂ ਆਵੁਸੋ ਪੁਚ੍ਛਿਸ੍ਸਂ, ਸਨਿਦਾਨਂ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਆਵੁਸੋ ਕਤਿ ਆਪਤ੍ਤਿਯੋ.
ਵਿਸ੍ਸਜ੍ਜਨਾ – ਸਮਥਂ ਭਨ੍ਤੇ ਵਿਸ੍ਸਜ੍ਜਿਸ੍ਸਂ, ਸਨਿਦਾਨਂ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਭਨ੍ਤੇ ਦ੍ਵੇ ਆਪਤ੍ਤਿਯੋ.
੫. ਖੁਦ੍ਦਕਵਤ੍ਥੁਕ੍ਖਨ੍ਧਕ
ਪੁਚ੍ਛਾ – ਨਹਾਯਨ੍ਤੇਨ ਆਵੁਸੋ ਭਿਕ੍ਖੁਨਾ ਰੁਕ੍ਖੇ ਵਾ ਥਮ੍ਭੇ ਵਾ ਕੁਟ੍ਟੇ ਵਾ ਕਾਯਂ ਉਗ੍ਘਂਸੇਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਨਹਾਯਮਾਨਾ ਰੁਕ੍ਖੇਪਿ ਥਮ੍ਭੇਪਿ ਕੁਟ੍ਟੇਪਿ ਕਾਯਂ ਉਗ੍ਘਂਸੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਗਨ੍ਧਬ੍ਬਹਤ੍ਥਕੇਨ ਵਾ ਆਵੁਸੋ ਕੁਰੁਵਿਨ੍ਦਕਸੁਤ੍ਤਿਯਾ ਵਾ ਮਲ੍ਲਕੇਨ ਵਾ ਨਹਾਯਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਛਬ੍ਬਗ੍ਗਿਯੇਵ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਗਨ੍ਧਬ੍ਬਹਤ੍ਥਕੇਨਪਿ ਕੁਰੁਵਿਨ੍ਦਕਸੁਤ੍ਤਿਯਾਪਿ ਮਲ੍ਲਕੇਨਪਿ ਨਹਾਯਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਪਾਣਿਨਾ ਆਵੁਸੋ ਪਰਿਕਮ੍ਮਂ ਕਾਤੁਂ ਭਗਵਤਾ ਕਤ੍ਥ ਅਨੁਞ੍ਞਾਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਅਨੁਞ੍ਞਾਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਪਿਟ੍ਠਿਪਰਿਕਮ੍ਮਂ ਕਾਤੁਂ ਕੁਕ੍ਕੁਚ੍ਚਾਯਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਪੁਚ੍ਛਾ – ਵਲ੍ਲਿਕਂ ਵਾ ਆਵੁਸੋ ਪਾਮਙ੍ਗਂ ਵਾ ਕਣ੍ਠਸੁਤ੍ਤਕਂ ਵਾ ਕਟਿਸੁਤ੍ਤਕਂ ਵਾ ਓਵਟ੍ਟਿਕਂ ਵਾ ਕਾਯੁਰਂ ਵਾ ਹਤ੍ਥਾਭਰਣਂ ਵਾ ਅਙ੍ਗੁਲਿਮੁਦ੍ਦਿਕਂ ਵਾ ਧਾਰੇਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਵਲ੍ਲਿਕਾਦੀਨਿ ਧਾਰੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਦੀਘੇ ਆਵੁਸੋ ਕੇਸੇ ਧਾਰੇਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਦੀਘੇ ਕੇਸੇ ਧਾਰੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਕੋਚ੍ਛੇਨਵਾ ਆਵੁਸੋ ਫਣਕੇਨਵਾ ਹਤ੍ਥਫਣਕੇਨਵਾ ਕੇਸੇ ਓਸਣ੍ਠੇਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਛਬ੍ਬਗ੍ਗਿਯੇਵ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਕੋਚ੍ਛਾਦੀਹਿ ਕੇਸੇ ਓਸਣ੍ਠੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਆਦਾਸੇ ਵਾ ਆਵੁਸੋ ਉਦਕਪਤ੍ਤੇ ਵਾ ਮੁਖਨਿਮਿਤ੍ਤਂ ਓਲੋਕੇਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਛਬ੍ਬਗ੍ਗਿਯੇਵ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਆਦਾਸੇਪਿ ਉਦਕਪਤ੍ਤੇਪਿ ਮੁਖਨਿਮਿਤ੍ਤਂ ਓਲੋਕੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਆਬਾਧਪਚ੍ਚਯਾ ਪਨਾਵੁਸੋ ਆਦਾਸੇ ਵਾ ਉਦਕਪਤ੍ਤੇ ਵਾ ਮੁਖਨਿਮਿਤ੍ਤਂ ਓਲੋਕੇਤੁਂ ਭਗਵਤਾ ਕਤ੍ਥ ਅਨੁਞ੍ਞਾਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਅਨੁਞ੍ਞਾਤਂ, ਭਗਵਤਿ ਭਨ੍ਤੇ ਰਾਜਗਹੇ ਵਿਹਰਤਿ ਅਞ੍ਞਤਰਸ੍ਸ ਭਿਕ੍ਖੁਨੋ ਮੁਖੇ ਵਣੋ ਅਹੋਸਿ, ਸੋ ਭਿਕ੍ਖੂ ਏਤਦਵੋਚ ‘‘ਕੀਦਿਸੋ ਮੇ ਆਵੁਸੋ ਵਣੋ’’ਤਿ, ਭਿਕ੍ਖੂ ਏਵਮਾਹਂਸੁ ‘‘ਏਦਿਸੋ ਤੇ ਆਵੁਸੋ ਵਣੋ’’ਤਿ, ਸੋ ਨ ਸਦ੍ਦਹਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਂ.
ਪੁਚ੍ਛਾ – ਮੁਖਾਲੇਪਨਾਦੀਨਿ ਆਵੁਸੋ ਕਰੋਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਮੁਖਾਲੇਪਨਾਦੀਨਿ ਅਕਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਨਚ੍ਚਂ ਵਾ ਆਵੁਸੋ ਗੀਤਂ ਵਾ ਵਾਦਿਤਂ ਵਾ ਦਸ੍ਸਨਾਯ ਗਚ੍ਛਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਨਚ੍ਚਮ੍ਪਿ ਗੀਤਮ੍ਪਿ ਵਾਦਿਤਮ੍ਪਿ ਦਸ੍ਸਨਾਯ ਗਚ੍ਛਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਕਥਂ ਆਵੁਸੋ ਨਚ੍ਚਾਦੀਨਿ ਪਸ੍ਸਨ੍ਤਸ੍ਸ ਆਪਤ੍ਤਿ ਹੋਤਿ, ਕਥਂ ਪਨ ਅਨਾਪਤ੍ਤਿ.
ਵਿਸ੍ਸਜ੍ਜਨਾ – ਨਚ੍ਚਂ ਵਾ ਭਨ੍ਤੇ ਗੀਤਂ ਵਾ ਵਾਦਿਤਂ ਵਾ ਦਸ੍ਸਨਾਯ ਗਚ੍ਛਤਿ ਆਪਤ੍ਤਿ ਦੁਕ੍ਕਟਸ੍ਸ, ਯਤ੍ਥ ਠਿਤੋ ਪਸ੍ਸਤਿ ਵਾ ਸੁਣਾਤਿ ਵਾ ਆਪਤ੍ਤਿ ਦੁਕ੍ਕਟਸ੍ਸ, ਦਸ੍ਸਨੂਪਚਾਰਂ ਵਿਜਹਿਤ੍ਵਾ ਪੁਨਪ੍ਪੁਨਂ ਪਸ੍ਸਤਿ ਆਪਤ੍ਤਿ ਦੁਕ੍ਕਟਸ੍ਸ, ਆਰਾਮੇ ਠਿਤਸ੍ਸ ਪਸ੍ਸਤੋ ਅਨਾਪਤ੍ਤਿ, ਵਿਹਾਰਤੋ ਪਨ ਵਿਹਾਰਂ ਪਸ੍ਸਿਸ੍ਸਾਮੀਤਿ ਗਚ੍ਛਤੋ ਆਪਤ੍ਤਿਯੇਵ, ਯਤ੍ਥ ਠਿਤੋ ਪਸ੍ਸਤਿ ਵਾ ਸੁਣਾਤਿ ਵਾ ਆਪਤ੍ਤਿ ਦੁਕ੍ਕਟਸ੍ਸ, ਆਸਨਸਾਲਾਯ ਨਿਸਿਨ੍ਨੋ ਪਸ੍ਸਤਿ ਅਨਾਪਤ੍ਤਿ, ਪਸ੍ਸਿਸ੍ਸਾਮੀਤਿ ਵੁਟ੍ਠਹਿਤ੍ਵਾ ਗਚ੍ਛਤਿ ਆਪਤ੍ਤਿ ਦੁਕ੍ਕਟਸ੍ਸ, ਯਤ੍ਥ ਠਿਤੋ ਪਸ੍ਸਤਿ ਵਾ ਸੁਣਾਤਿ ਵਾ ਆਪਤ੍ਤਿ ਦੁਕ੍ਕਟਸ੍ਸ, ਪਤਿਪਥਂ ਗਚ੍ਛਨ੍ਤੋ ਪਸ੍ਸਤਿ ਅਨਾਪਤ੍ਤਿ, ਗੀਵਂ ਪਰਿਵਤ੍ਤੇਤ੍ਵਾ ਪਸ੍ਸਤੋ ਪਨ ਆਪਤ੍ਤਿ ਭਨ੍ਤੇ.
ਪੁਚ੍ਛਾ – ਆਯਤਕੇਨ ਆਵੁਸੋ ਗੀਤਸ੍ਸਰੇਨ ਧਮ੍ਮਂ ਗਾਯਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਆਯਤਕੇਨ ਗੀਤਸ੍ਸਰੇਨ ਧਮ੍ਮਂ ਗਾਯਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਦਾਰੁਪਤ੍ਤਂ ਆਵੁਸੋ ਧਾਰੇਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਆਯਸ੍ਮਨ੍ਤਂ ਪਿਣ੍ਡੋਲਭਾਰਦ੍ਵਾਜਂ ਆਰਬ੍ਭ ਪਞ੍ਞਤ੍ਤਂ, ਆਯਸ੍ਮਾ ਭਨ੍ਤੇ ਪਿਣ੍ਡੋਲਭਾਰਦ੍ਵਾਜੋ ਛਵਸ੍ਸ ਦਾਰੁਪਤ੍ਤਸ੍ਸ ਕਾਰਣਾ ਗਿਹੀਨਂ ਉਤ੍ਤਰਿਮਨੁਸ੍ਸਧਮ੍ਮਂ ਇਦ੍ਧਿਪਾਟਿਹਾਰਿਯਂ ਦਸ੍ਸੇਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਨ ਚ ਭਿਕ੍ਖਵੇ ਦਾਰੁਪਤ੍ਤੋ ਧਾਰੇਤਬ੍ਬੋ, ਯੋ ਧਾਰੇਯ੍ਯ ਆਪਤ੍ਤਿ ਦੁਕ੍ਕਟਸ੍ਸ –
ਪੁਚ੍ਛਾ – ਭਗਵਤਾ ਆਵੁਸੋ ਉਚ੍ਚਾਵਚੇ ਪਤ੍ਤੇ ਪਟਿਕ੍ਖਿਪਿਤ੍ਵਾ ਅਯੋ ਪਤ੍ਤੋ ਭੂਮਿਪਤ੍ਤੋਤਿ ਇਮੇਯੇਵ ਦ੍ਵੇ ਪਤ੍ਤਾ ਕਤ੍ਥ ਅਨੁਞ੍ਞਾਤਾ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਾ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਅਨੁਞ੍ਞਾਤਾ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਉਚ੍ਚਾਵਚੇ ਪਤ੍ਤੇ ਧਾਰੇਸੁਂ ਸੋਵਣ੍ਣਮਯਾ ਰੂਪਿਯਮਯਾ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਾ.
ਪੁਚ੍ਛਾ – ਸੋਦਕਂ ਆਵੁਸੋ ਪਤ੍ਤਂ ਪਟਿਸਾਮੇਨ੍ਤਸ੍ਸ ਚ ਓਤਾਪੇਨ੍ਤਸ੍ਸਚ ਉਣ੍ਹੇ ਪਤ੍ਤਂ ਨਿਦਹਨ੍ਤਸ੍ਸ ਚ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਸੋਦਕਂ ਪਤ੍ਤਂ ਪਟਿਸਾਮੇਸੁਂ, ਓਤਾਪੇਸੁਂ, ਉਣ੍ਹੇ ਪਤ੍ਤਂ ਨਿਦਹਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਛਵਸੀਸਪਤ੍ਤਂ ਆਵੁਸੋ ਧਾਰੇਨ੍ਤਸ੍ਸ ਚ ਸਬ੍ਬਪਂਸੁਕੂਲਿਕਸ੍ਸ ਚ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਪਞ੍ਞਤ੍ਤਂ, ਅਞ੍ਞਤਰੋ ਭਨ੍ਤੇ ਭਿਕ੍ਖੁ ਸਬ੍ਬਪਂਸੁਕੂਲਿਕੋ ਅਹੋਸਿ, ਸੋ ਛਵਸੀਸਸ੍ਸ ਪਤ੍ਤਂ ਧਾਰੇਸਿ, ਅਞ੍ਞਤਰਾ ਇਤ੍ਥੀ ਪਸ੍ਸਿਤ੍ਵਾ ਭੀਤਾ ਵਿਸ੍ਸਰਮਕਾਸਿ ‘‘ਅਭੁਂ ਮੇ ਪਿਸਾਚੋ ਵਤਾਯ’’ਨ੍ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਚਲਕਾਨਿ ਵਾ ਆਵੁਸੋ ਅਟ੍ਠਿਕਾਨਿ ਵਾ ਉਚ੍ਛਿਟ੍ਠੋਦਕਂ ਵਾ ਪਤ੍ਤੇਨ ਨੀਹਰਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਚਲਕਾਨਿਪਿ ਅਟ੍ਠਿਕਾਨਿਪਿ ਉਚ੍ਛਿਟ੍ਠੋ ਦਕਮ੍ਪਿ ਪਤ੍ਤੇਨ ਨੀਹਰਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਉਪਾਹਨਤ੍ਥਵਿਕਾ ਆਵੁਸੋ ਭਗਵਤਾ ਕਤ੍ਥ ਅਨੁਞ੍ਞਾਤਾ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਾ.
ਵਿਸ੍ਸਜ੍ਜਨਾ – ਅਨ੍ਤਰਾ ਚ ਭਨ੍ਤੇ ਰਾਜਗਹਂ ਅਨ੍ਤਰਾ ਚ ਵੇਸਾਲਿਂ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਅਨੁਞ੍ਞਾਤਾ, ਅਞ੍ਞਤਰੋ ਭਨ੍ਤੇ ਭਿਕ੍ਖੁ ਉਪਾਹਨਾਯੋ ਕਾਯਬਨ੍ਧਨੇਨ ਬਨ੍ਧਿਤ੍ਵਾ ਗਾਮਂ ਪਿਣ੍ਡਾਯ ਪਾਵਿਸਿ, ਅਞ੍ਞਤਰੋ ਉਪਾਸਕੋ ਤਂ ਭਿਕ੍ਖੁਂ ਅਭਿਵਾਦੇਨ੍ਤੋ ਉਪਾਹਨਾਯੋ ਸੀਸੇਨ ਘਟ੍ਟੇਤਿ, ਸੋ ਭਿਕ੍ਖੁ ਮਙ੍ਕੁ ਅਹੋਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਾ.
ਪੁਚ੍ਛਾ – ਅਦ੍ਧਾਨਮਗ੍ਗਪ੍ਪਟਿਪਨ੍ਨੇਨ ਆਵੁਸੋ ਪਰਿਸ੍ਸਾਵਨਂ ਯਾਚਿਯਮਾਨੇਨ ਨ ਦਦਨ੍ਤਸ੍ਸ ਚ ਅਪ੍ਪਟਿਸ੍ਸਾਵਨਕੇਨ ਅਦ੍ਧਾਨਂ ਪਟਿਪਜ੍ਜਨ੍ਤਸ੍ਸ ਚ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਅਨ੍ਤਰਾ ਚ ਭਨ੍ਤੇ ਰਾਜਗਹਂ ਅਨ੍ਤਰਾ ਚ ਵੇਸਾਲਿਂ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਪਞ੍ਞਤ੍ਤਂ, ਅਞ੍ਞਤਰੋ ਭਨ੍ਤੇ ਭਿਕ੍ਖੁ ਪਰਿਸ੍ਸਾਵਨਂ ਯਾਚਿਯਮਾਨੋ ਨ ਅਦਾਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਪੁਪ੍ਫਾਭਿਕਿਣ੍ਣੇ ਆਵੁਸੋ ਸਯਨੇ ਸਯਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਵੇਸਾਲਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਪੁਪ੍ਫਾਭਿਕਿਣ੍ਣੇਸੁ ਸਯਨੇਸੁ ਸਯਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਏਕਭਾਜਨੇ ਵਾ ਆਵੁਸੋ ਭੁਞ੍ਜਨ੍ਤਾਨਂ ਏਕਥਾਲਕੇ ਵਾ ਪਿਵਨ੍ਤਾਨਂ ਏਕਤ੍ਥਰਣਪਾਵੁਰਣਾਨਂ ਵਾ ਤੁਵਟ੍ਟਾਨਂ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਵੇਸਾਲਿਯਂ ਭਨ੍ਤੇ ਛਬ੍ਬਗ੍ਗਿਯੇਵ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਏਕਭਾਜਨੇਪਿ ਭੁਞ੍ਜਿਂਸੁ, ਏਕਥਾਲਕੇਪਿ ਪਿਵਿਂਸੁ, ਏਕਮਞ੍ਚਕੇਪਿ ਤੁਵਟ੍ਟੇਸੁਂ, ਏਕਤ੍ਥਰਣਾਪਿ ਤੁਵਟ੍ਟੇਸੁਂ, ਏਕਪਾਵੁਰਣਾਪਿ ਤੁਵਟ੍ਟੇਸੁਂ, ਏਕਤ੍ਥਰਣਪਾਵੁਰਣਾਪਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਚਾਮਰਿਬੀਜਨਿਂ ਆਵੁਸੋ ਪਟਿਕ੍ਖਿਪਿਤ੍ਵਾ ਤਿਸ੍ਸੋ ਬੀਜਨਿਯੋ ਭਗਵਤਾ ਕਤ੍ਥ ਅਨੁਞ੍ਞਾਤਾ, ਕਿਸ੍ਮਿਞ੍ਚ ਵਤ੍ਥੁਸ੍ਮਿਂ ਅਨੁਞ੍ਞਾਤਾ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਨੁਞ੍ਞਾਤਾ, ਸਾਵਤ੍ਥਿਯਂ ਭਨ੍ਤੇ ਭਗਵਤਿ ਵਿਹਰਤਿ ਸਙ੍ਘਸ੍ਸ ਚਾਮਰਿਬੀਜਨੀ ਉਪ੍ਪਨ੍ਨਾ ਅਹੋਸਿ, ਭਗਵਤੋ ਏਤਮਤ੍ਥਂ ਆਰੋਚੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਾ.
ਨ ਭਿਕ੍ਖਵੇ ਚਾਮਰਿਬੀਜਨੀ ਧਾਰੇਤਬ੍ਬਾ, ਯੋ ਧਾਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ. ਅਨੁਜਾਨਾਮਿ ਭਿਕ੍ਖਵੇ ਤਿਸ੍ਸੋ ਬੀਜਨਿਯੋ ਵਾਕਮਯਂ ਉਸੀਰਮਯਂ ਮੋਰਪਿਞ੍ਛਾ ਮਯਂ.
ਪੁਚ੍ਛਾ – ਦੀਘੇ ਆਵੁਸੋ ਨਖੇ ਧਾਰੇਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਪਞ੍ਞਤ੍ਤਂ, ਅਞ੍ਞਤਰੋ ਭਨ੍ਤੇ ਭਿਕ੍ਖੁ ਦੀਘੇ ਨਖੇ ਧਾਰੇਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਕਤ੍ਤਰਿਕਾਯ ਆਵੁਸੋ ਕੇਸੇ ਛੇਦਾਪੇਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਕਤ੍ਤਰਿਕਾਯ ਕੇਸੇ ਛਿਨ੍ਦਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਦੀਘੇ ਆਵੁਸੋ ਨਾਸਿਕਾਲੋਮੇ ਧਾਰੇਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਦੀਘਾਨਿ ਨਾਸਿਕਾਲੋਮਾਨਿ ਧਾਰੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਉਚ੍ਚਾਵਚਾ ਆਵੁਸੋ ਕਣ੍ਣਮਲਹਰਣਿਯੋ ਪਟਿਕ੍ਖਿਪਿਤ੍ਵਾ ਦਸ ਕਣ੍ਣਮਲਹਰਣਿਯੋ ਭਗਵਤਾ ਕਤ੍ਥ ਅਨੁਞ੍ਞਾਤਾ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਅਨੁਞ੍ਞਾਤਾ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਅਨੁਞ੍ਞਾਤਾ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਉਚ੍ਚਾਵਚਾ ਕਣ੍ਣਮਲਹਰਣਿਯੋ ਧਾਰੇਸੁਂ ਸੋਵਣ੍ਣਮਯਂ ਰੂਪਿਯਮਯਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਅਨੁਞ੍ਞਾਤਾ.
ਪੁਚ੍ਛਾ – ਸਙ੍ਘਾਟਿਪਲ੍ਲਤ੍ਥਿਕਾਯ ਨਿਸੀਦਨ੍ਤਸ੍ਸ ਆਵੁਸੋ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਸਙ੍ਘਾਟਿਪਲ੍ਲਤ੍ਥਿਕਾਯ ਨਿਸੀਦਿਂਸੁ, ਸਙ੍ਘਾਟਿਯਾ ਪਤ੍ਤਾ ਲੁਜ੍ਜਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਅਕਾਯਬਨ੍ਧਨੇਨ ਆਵੁਸੋ ਗਾਮਂ ਪਵਿਸਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਪਞ੍ਞਤ੍ਤਂ, ਅਞ੍ਞਤਰੋ ਭਨ੍ਤੇ ਭਿਕ੍ਖੁ ਅਕਾਯਬਨ੍ਧਨੋ ਗਾਮਂ ਪਿਣ੍ਡਾਯ ਪਾਵਿਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਗਿਹਿਨਿਵਤ੍ਥਂ ਆਵੁਸੋ ਨਿਵਾਸੇਨ੍ਤਸ੍ਸ ਚ, ਗਿਹਿਪਾਰੁਤਂ ਪਾਰੁਪਨ੍ਤਸ੍ਸ ਚ, ਸਂਵੇਲ੍ਲਿਯਂ ਨਿਵਾਸੇਨ੍ਤਸ੍ਸ ਚ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਗਿਹਿਨਿਵਤ੍ਥਂ ਨਿਵਾਸਿਂਸੁ, ਗਿਹਿਪਾਰੁਤਮ੍ਪਿ ਪਾਰੁਪਿਂਸੁ, ਸਂਵੇਲ੍ਲਿਯਮ੍ਪਿ ਨਿਵਾਸਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਉਭਤੋ ਕਾਜਂ ਆਵੁਸੋ ਧਾਰੇਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਉਭਤੋ ਕਾਜਂ ਧਾਰੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਲੋਕਾਯਤਂ ਆਵੁਸੋ ਪਰਿਯਾਪੁਣਨ੍ਤਸ੍ਸ ਚ ਵਾਚੇਨ੍ਤਸ੍ਸ ਚ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.