੬੩. ਪੁਬ੍ਬੇ+ਕਕਤ੍ਤੁਕਾਨਂ

ਏਕੋ ਕਤ੍ਤਾ ਯੇਸਂ ਬ੍ਯਾਪਾਰਾਨਂ, ਤੇਸੁ ਯੋ ਪੁਬ੍ਬੋ, ਤਦਤ੍ਥਤੋ ਕ੍ਰਿਯਤ੍ਥਾ ਤੁਨਾਦਯੋ ਹੋਨ੍ਤਿ ਭਾਵੇ. ‘‘ਤੁਂਤੁਨਾ’’ ਦਿਨਾ ਕਰਸ੍ਸ ਆ, ਸੋ ਕਾਤੁਨ ਕਮ੍ਮਂ ਗਚ੍ਛਤਿ, ਅਕਾਤੁਨ ਪੁਞ੍ਞਂ ਕਿਲਿਸ੍ਸਨ੍ਤਿ. ਰਲੋਪੇ ਕਮ੍ਮਂ ਕਤ੍ਵਾਨ ਭਦ੍ਰਕਂ, ਪੁਞ੍ਞਾਨਿ ਕਤ੍ਵਾ ਸਗ੍ਗਂ ਗਚ੍ਛਤਿ. ਅਭਿਸਙ੍ਖਰਣਂ ਕਤ੍ਵਾ ਅਭਿਸਙ੍ਖਰਿਤ੍ਵਾ ਕਰਿਤ੍ਵਾ ਵਾ. ਤਥਾ ਸਿਬ੍ਬਿਤ੍ਵਾ ਛਾਦਯਿਤ੍ਵਾ ਜਾਨਿਤ੍ਵਾ ਧਮ੍ਮਂ ਸੁਤ੍ਵਾ ਸੁਤ੍ਵਾਨ ਧਮ੍ਮਂ ਮੋਦਤਿ, ਸੁਣਿਤ੍ਵਾ, ਪਤ੍ਵਾ ਪਾਪੁਣਿਤ੍ਵਾ, ਕਿਨਿਤ੍ਵਾ, ਜੇਤ੍ਵਾ ਜਿਨਿਤ੍ਵਾ ਜਿਤ੍ਵਾ, ਚੋਰੇਤ੍ਵਾ ਚੋਰਯਿਤ੍ਵਾ, ਪੂਜੇਤ੍ਵਾ ਪੂਜਯਿਤ੍ਵਾ, ਤਥਾ ਮੇਤ੍ਤਂ ਭਾਵੇਤ੍ਵਾ ਭਾਵਯਿਤ੍ਵਾ, ਵਿਹਾਰਂ ਕਾਰੇਤ੍ਵਾ ਕਾਰਯਿਤ੍ਵਾ ਕਾਰਾਪੇਤ੍ਵਾ ਕਾਰਾਪਯਿਤ੍ਵਾ ਸਗ੍ਗਂ ਗਮਿਸ੍ਸਨ੍ਤਿ+ਚ੍ਚਾਦਿ. ਪੁਬ੍ਬੇਤਿ ਕਿਂ, ਭੁਞ੍ਜਤਿ ਚ ਪਚਤਿ ਚ. ‘‘ਅਪਤ੍ਵਾ ਨਦਿਂ ਪਬ੍ਬਤੋ, ਅਤਿਕ੍ਕਮ੍ਮ ਪਬ੍ਬਤਂ ਨਦੀ’’ਤਿਆਦੀਸੁ ਭੂਧਾਤੁਸ੍ਸ ਸਮ੍ਭਵਾ ਏਕਕਤ੍ਤੁਕਤਾ ਪੁਬ੍ਬਕਾਲਤਾ ਚ ਗਮ੍ਯਤੇ. ‘‘ਭੁਤ੍ਵਾ ਭੁਤ੍ਵਾ ਗਚ੍ਛਤੀ’’ਤਿ ਇਮਿਨਾਵ ਸਿਦ੍ਧਂ, ਆਭਿਕ੍ਖਞ੍ਞਨ੍ਤੁ ਦ੍ਵਿਬ੍ਬਚਨਾਵ ਗਮ੍ਯਤੇ. ਕਥਂ ‘‘ਜੀਵਗ੍ਗਾਹਂ ਅਗਾਹਯਿ, ਕਾਯਪ੍ਪਚਾਲਕਂ ਗਚ੍ਛਤੀ’’ਤਿ, ਘਣਨ੍ਤੇਨ ਕ੍ਰਿਯਾਵਿਸੇਸਨੇਨ ਸਿਦ੍ਧਂ, ਯਥਾ ਓਦਨਪਾਕਂ ਸਯਤੀਤਿ.