੧੭੧. ਰਾ ਨਸ੍ਸ ਣੋ

ਰਨ੍ਤਤੋ ਕ੍ਰਿਯਤ੍ਥਾ ਪਚ੍ਚਯਨਕਾਰਸ੍ਸ ਣ ਹੋਤਿ. ਕਰਣੀਯੋ.

ਭਰ=ਭਰਣੇ, ਭਰੀਯਤੀਤਿ ਭਰਿਤਬ੍ਬੋ ਭਰਣੀਯੋ. ਗਹ=ਉਪਾਦਾਨੇ ‘‘ਮਂ ਵਾ ਰੁਧਾਦੀਨਂ’’ਤਿ ਅਨ੍ਤਸਰਾ ਪਰੋਮਂ ਵਾ ਹੋਤਿ. ਮਕਾਰੋ+ਨੁਬਨ੍ਧੋ. ‘‘ਣੋ ਨਿਗ੍ਗਹੀਤਸ੍ਸਾ’’ਤਿ ਨਿਗ੍ਗਹੀਤਸ੍ਸ ਣੋ, ਸਂਗਯ੍ਹਤੀਤਿ ਸਂਗਣ੍ਹਿਤਬ੍ਬੋ ਸਂਗਣ੍ਹਨੀਯੋ, ‘‘ਤਥਨਰਾ’’ਦਿਨਾ ਣਕਾਰੇ ਗਹਣੀਯੋ. ਰਮ=ਕੀਲ਼ਾਯਂ, ਰਮੀਯਤੀਤਿ ਰਮਣੀਯੋ ਵਿਹਾਰੋ. ਆਪ=ਪਾਪੁਣਨੇ, ‘‘ਸਕਾਪਾਨਂ ਕੁਕਕੂ ਣੇ’’ਤਿ ਏਤ੍ਥ ‘ਸਕਾਪਾਨਂ ਕੁਕ+ਕੂ’ਤਿ ਯੋਗਵਿਭਾਗਾ ਕੁ, ਊਆਗਮੇ ਨਾਗਮਸ੍ਸ ਣੇ ਚ ਕਤੇ ਪਾਪੀਯਤੀਤਿ ਪਾਪੁਣਿਤਬ੍ਬੋ. ਪਰਰੂਪੇ ਪਤ੍ਤਬ੍ਬੋ, ਪਾਪੁਣਨੀਯੋ, ਪਾਪਨੀਯੋ.