੧੧੭. ਸਾਸਸ੍ਸ ਸਿਸ ਵਾ

ਸਾਸਸ੍ਸ ਸਿਸ ਵਾ ਹੋਤਿ ਕਾਨੁਬਨ੍ਧੇ. ਪੁਬ੍ਬਰੂਪਂ, ਸਾਸੀਯਤੀਤਿ ਸਿਸ੍ਸੋ.

ਸਿਦ੍ਧਾ ਏਵੇ+ਤੇ ਤਬ੍ਬਾਦਯੋ ਪੇਸਾ+ਤਿਸਗ੍ਗ+ਪ੍ਪਤ੍ਤਕਾਲੇਸੁ ਗਮ੍ਯਮਾਨੇਸੁਪਿ, ਸਾਮਞ੍ਞੇਨ ਵਿਧਾਨਤੋ. ਪੇਸਨਂ – ‘‘ਕਤ੍ਤਬ੍ਬ+ਮਿਦਂ ਭਵਤਾ’’ਤਿ ਆਣਾਪਨਂ ਅਜ੍ਝੇਸਨਞ੍ਚ. ਅਤਿਸਗ੍ਗੋ ਨਾਮ ‘‘ਕਿ+ਮਿਦਂ ਮਯਾ ਕਤ੍ਤਬ੍ਬਂ’’ਤਿ ਪੁਟ੍ਠਸ੍ਸ ‘‘ਪਾਣੋ ਨ ਹਨ੍ਤਬ੍ਬੋ’’ਤਿਆਦਿਨਾ ਪਟਿਪਤ੍ਤਿਦਸ੍ਸਨਮੁਖੇਨ ਕਤ੍ਤਬ੍ਬਸ੍ਸ ਅਨੁਞ੍ਞਾ. ਪਤ੍ਤਕਾਲੋ ਨਾਮ ਸਮ੍ਪਤ੍ਤਸਮਯੋ. ਯੋ ਕਿਚ੍ਚਕਰਣਸਮਯਂ ਉਪਪਰਿਕ੍ਖਿਤ੍ਵਾ ਕਰੋਤਿ, ਤਸ੍ਸ ਸਮਯਾਰੋਚਨਂ, ਨ ਤਤ੍ਥ ਅਜ੍ਝੇਸਨ+ਮਤ੍ਥਿ. ਭੋਤਾ ਖਲੁ ਕਟੋ ਕਤ੍ਤਬ੍ਬੋ ਕਰਣੀਯੋ ਕਾਰਿਯੋ ਕਿਚ੍ਚੋ’’ ਏਵਂ ਤ੍ਵਯਾ ਕਟੋ ਕਤ੍ਤਬ੍ਬੋ, ਭੋਤੋ ਹਿ ਪਤ੍ਤੋ ਕਾਲੋ ਕਟਕਰਣੇ.

ਏਵਂ ਉਦ੍ਧਮੁਹੁਤ੍ਤੇਪਿ ਵਤ੍ਤਮਾਨਤੋ ਪੇਸਾਦੀਸੁ ਸਿਦ੍ਧਾ ਏਵ. ਤਥਾ ਅਰਹੇ ਕਤ੍ਤਰਿ ਸਤ੍ਤਿਵਿਸਿਟ੍ਠੇ ਚ ਪਤੀਯਮਾਨੇ, ਆਵਸ੍ਸਕਾ+ਧਮੀਣਤਾਵਿਸਿਟ੍ਠੇ ਚ ਭਾਵਾਦੋ ਸਿਦ੍ਧਾ. ਉਦ੍ਧਂ ਮੁਹੁਤ੍ਤਤੋ-ਭੋਤਾ ਕਟੋ ਕਤ੍ਤਬ੍ਬੋ. ਭੋਤਾ ਰਜ੍ਜਂ ਕਾਤਬ੍ਬਂ, ਭਵਂ ਅਰਹੋ. ਭੋਤਾ ਭਾਰੋ ਵਹਿਤਬ੍ਬੋ, ਭਵਂ ਸਕ੍ਕੋ. ਭੋਤਾ ਅਵਸ੍ਸਂ ਕਟੋ ਕਤ੍ਤਬ੍ਬੋ. ਭੋਤਾ ਨਿਕ੍ਖੋ ਦਾਤਬ੍ਬੋ.