੫,੨੧. ਦਿਵਾਦੀਹਿ ਯਕ

ਦਿਵਾਦੀਹਿ ਕਤ੍ਤਰਿ ਲਵਿਸਯੇ ਯਕ ਹੋਤਿ. ਕਕਾਰੋ ਕਾਨੁਬਨ੍ਧਕਾਰਿਯਤ੍ਥੋ, ਏਵ+ਮੁਪਰਿ ਚ. ਵਸ੍ਸ ਬਕਾਰੇ ਪੁਬ੍ਬਰੂਪਂ, ਸੋ ਜੁਤਂ ਦਿਬ੍ਬਤਿ, ਦਿਬ੍ਬਨ੍ਤਿ ਇਚ੍ਚਾਦਿ. ਕਮ੍ਮੇ-ਕ੍ਯੇ ਤੇਨ ਦਿਬ੍ਬਤਿ, ਦਿਬ੍ਬਨ੍ਤਿ ਇਚ੍ਚਾਦਿ. ਦਿਬ੍ਬਿਸ੍ਸਤਿ, ਤੇਨ ਦਿਬ੍ਬਿਸ੍ਸਤਿ. ਅਦਿਬ੍ਬਿ ਦਿਬ੍ਬਿ. ਤੇਨ ਅਦਿਬ੍ਬਿ ਦਿਬ੍ਬਿ. ਅਦਿਬ੍ਬਿਸ੍ਸ. ਤੇਨ ਅਦਿਬ੍ਬਿਸ੍ਸ. ਦਿਬ੍ਬੇ ਦਿਬ੍ਬੇਯ੍ਯ. ਤੇਨ ਦਿਬ੍ਬੇ ਦਿਬ੍ਬੇਯ੍ਯ. ਦਿਬ੍ਬਤੁ. ਤੇਨ ਦਿਬ੍ਬਤੁ ਇਚ੍ਚਾਦਿ.

ਸਿਵ=ਤਨ੍ਤੁਸਨ੍ਤਾਨੇ, ਸਿਬ੍ਬਤਿ, ਸਿਬ੍ਬਨ੍ਤਿ ਇਚ੍ਚਾਦਿ. ਪਦ=ਗਮਨੇ, ਉਪੁਬ੍ਬੋ, ਚਵਗ੍ਗਪੁਬ੍ਬਰੂਪਾਨਿ, ਉਪ੍ਪਜ੍ਜਤਿ, ਉਪ੍ਪਜ੍ਜਰੇ ਉਪ੍ਪਜ੍ਜਨ੍ਤਿ ਇਚ੍ਚਾਦਿ. ਕਮ੍ਮੇਕ੍ਯੇ ਤੇਨ ਪਟਿਪਜ੍ਜਤੇ ਇਚ੍ਚਾਦਿ. ਭਾਵੇ-ਉਪ੍ਪਜ੍ਜਤੇ ਤਯਾ. ਬੁਧ=ਅਵਗਮਨੇ, ਝਕਾਰਪੁਬ੍ਬਰੂਪਾਨਿ ਯਕ੍ਖਰੇਸੁ. ਧਮ੍ਮਂ ਬੁਜ੍ਝਤਿ, ਬੁਜ੍ਝਰੇ ਬੁਜ੍ਝਨ੍ਤਿ ਇਚ੍ਚਾਦਿ. ਕਮ੍ਮੇ-ਮਯਾ ਧਮ੍ਮੋ ਬੁਜ੍ਝਤੇ ਇਚ੍ਚਾਦਿ. ਯੁਧ=ਸਮ੍ਪਹਾਰੇ, ਯੁਜ੍ਝਤਿ+ਚ੍ਚਾਦਿ. ਨਹ=ਬਨ੍ਧਨੇ, ‘‘ਹਸ੍ਸ ਵਿਪਲ੍ਲਾਸੋ’’ਤਿ ਯੇ ਵਿਪਲ੍ਲਾਸੋ, ਸਨ੍ਨਯ੍ਹਤਿ+ਚ੍ਚਾਦਿ. ਮਨ=ਞਾਣੇ, ਞ੍ਞਕਾਰ+ਪੁਬ੍ਬਰੂਪਾਨਿ, ਮਞ੍ਞਤਿ+ਚ੍ਚਾਦਿ. ਤੁਸ=ਤੁਟ੍ਠਿਮ੍ਹਿ, ਪੁਬ੍ਬਰੂਪੇ ਤੁਸ੍ਸਤਿ+ਚ੍ਚਾਦਿ. ਸਮ=ਉਪਸਮੇ, ਸਮ੍ਮਤਿ+ਚ੍ਚਾਦਿ.

ਜਨ=ਜਨਨੇ, ‘‘ਜਨਿਸ੍ਸਾ’’ਤਿ ਆ ਹੋਤਿ ਕਾਨੁਬਨ੍ਧੇ ਬਹੁਲਾਧਿਕਾਰਾ, ਸੋ ਜਾਯਤਿ, ਜਾਯਨ੍ਤਿ+ਚ੍ਚਾਦਿ. ਕਮ੍ਮੇ-ਜਨਿਤੁਂ ਪਯੋਜੇਤੀਤਿ ‘‘ਪਯੋਜਕਬ੍ਯਾਪਾਰੇ ਣਾਪਿ ਚੇ’’ਤਿ ਣਿਮ੍ਹਿ ‘‘ਅਞ੍ਞਤ੍ਰਾਪੀ’’ਤਿ ਵੁਦ੍ਧਿਪਟਿਸੇਧੇ ਕ੍ਯਮ੍ਹਿ ‘‘ਦੀਘੋ ਸਰਸ੍ਸਾ’’ਤਿ ਦੀਘੇ ਚ ਕਤੇ ਤੇਨ ਜਨੀਯਤਿ, ਜਨੀਯਨ੍ਤਿ ਇਚ੍ਚਾਦਿ. ਸੋ ਜਾਯਿਸ੍ਸਤਿ. ਤੇਨ ਜਨਿਸ੍ਸਤਿ. ਸੋ ਅਜਾਯਿ, ਤੇਨ ਅਜਨੀਯਿ. ਸੋ ਅਜਾਯਿਸ੍ਸ, ਤੇਨ ਅਜਨੀਯਿਸ੍ਸ. ਸੋ ਜਾਯੇ ਜਾਯੇਯ੍ਯ, ਤੇਨ ਜਨੀਯੇਯ੍ਯ. ਸੋ ਜਾਯਤੁ, ਤੇਨ ਜਨੀਯਤੁ ਇਚ੍ਚਾਦਿ. (ਦਿਵਾਦਿਨਯੋ).

ਤੁਦ=ਬ੍ਯਥਨੇ,