੪੬. ਇਂਸ੍ਸ ਚ ਸਿਞ

ਇਮਿਚ੍ਚਸ੍ਸ ਸਿਞ ਹੋਤਿ ਮ੍ਹਾਤ੍ਥਾਨਞ੍ਚ ਬਹੁਲਂ. ਞਾਕਾਰੋ ਆਖ੍ਯਾਵਯਵਤ੍ਥੋ (ਉਕਾਰੋ) ਇਕਾਰੋ ਉਚ੍ਚਾਰਣਤ੍ਥੋ. ‘‘ਅਈਸ੍ਸਾ’’ ਦਿਨਾ ਇਞਾਗਮੇ ਤੁਮ੍ਹੇ ਅਹੋਸਿਤ੍ਥ, ਅਹੋਸਿ. ਪਰਸ੍ਸਰਲੋਪੇ ਰਸ੍ਸੇ ਚ ਅਹੁਂ, ਅਹੋਸਿਮ੍ਹ, ਅਹੁਮ੍ਹ, ਰਸ੍ਸੋ. ਭਾਵੇ-ਅਭਵਿ, ਆਸ੍ਸਤ੍ਥਾਦੇਸੋ, ਅਭਵਿਤ੍ਥ. ਅਨਜ੍ਜਤਨੇ ਆਊਆਦਿਪਚ੍ਚਯੇ ਕਤੇ ‘‘ਯੁਵਣ੍ਣਾਨ+ਮਿਯ ਙੁਵਙ ਸਰੇ’’ਤਿ ਉਵਙਾਦੇਸੇ ਅਹੁਵਾ, ਅਹੁਵੁ, ਅਹੁਵੋ, ਅਹੁਵਤ੍ਥ. ਅਸ੍ਸ ਅਮਾਦੇਸੇ ਅਹੁਂ ਅਹੁਵਂ, ਅਹੁਮ੍ਹ ਇਚ੍ਚਾਦਿ. ਭਾਵੇ-ਤੇਨ ਅਹੁਯਿ ਅਹੁਯਿਤ੍ਥ. ਅਹਵਿਸ੍ਸਾ, ਅਹਵਿਸ੍ਸਂਸੁ ਇਚ੍ਚਾਦਿ. ਭਾਵੇ-ਅਹੁਯਿਸ੍ਸ, ਅਹੁਯਿਸ੍ਸਥ. ਪੁਬ੍ਬਸ੍ਸਰਲੋਪੋ, ਹੇਯ੍ਯ, ਹੇਯ੍ਯੁਂ ਇਚ੍ਚਾਦਿ. ਭਾਵੇ-ਹੂਯੇਯ੍ਯ, ਹੂਯੇਥ. ਹੋਤੁ, ਹੋਨ੍ਤੁ ਇਚ੍ਚਾਦਿ. ਭਾਵੇ-ਹੂਯਤੁ, ਹੂਯਤਂ. ਅਨੁਪੁਬ੍ਬੇ ਅਨੁਭੋਤਿ ਇਚ੍ਚਾਦਿ ਸਬ੍ਬਵਾਰੇਸੁ ਯੋਜੇਤਬ੍ਬਂ. ਭਾਵੇ ਰੂਪਾਭਾਵਾ. ਕਮ੍ਮੇ-ਅਨੁਭੂਯਤਿ ਇਚ੍ਚਾਦਿ ਵਿਸੇਸੋ.

ਸਿ=ਸਯੇ, ਲਸ੍ਸ ਲੋਪੋ ਵੁਦ੍ਧਿ, ਸੇਤਿ. ਅਯਾਦੇਸੇ ਸਯਤਿ, ਸੇਨ੍ਤਿ ਸਯਨ੍ਤਿ ਇਚ੍ਚਾਦਿ. ਕਮ੍ਮੇ-ਅਤਿਪੁਬ੍ਬੋ, ਕ੍ਯੇ ‘‘ਦੀਘੋ ਸਰਸ੍ਸਾ’’ਤਿ ਇਸ੍ਸ ਦੀਘੇ ਚ ਕਤੇ ਤੇਨ ਅਤਿਸੀਯਤਿ, ਅਤਿਸੀਯਨ੍ਤਿ ਇਚ੍ਚਾਦਿ. ਭਾਵੇ-ਤੇਨ ਸੀਯਤਿ, ਸੀਯਤੇ. ਤਥਾ ਭਵਿਸ੍ਸਤਿਆਦੀਸੁ.

ਨੀ=ਪਾਪਨੇ, ਦ੍ਵਿਕਮ੍ਮਕੋ+ਯਂ, ਅਜਂ ਗਾਮਂ ਨੇਤਿ ਨਯਤਿ, ਨੇਨ੍ਤਿ ਨਯਨ੍ਤਿ ਇਚ੍ਚਾਦਿ. ਕਮ੍ਮੇ-ਨੀਯਤੇ ਗਾਮਂ ਅਜੋ ਦੇਵਦਤ੍ਤੇਨ ਇਚ੍ਚਾਦਿ. ਤਥਾ ਸੇਸੇਸੁਪਿ ਯੋਜੇਤਬ੍ਬਂ.

ਠਾ=ਗਤਿਨਿਵਤ੍ਤਿਯਂ –