੪੦. ਨਿਨ੍ਦਾ+ਞ੍ਞਾਤ+ਪ੍ਪ ਪਟਿਭਾਗ ਰਸ੍ਸ ਦਯਾ ਸਞ੍ਞਾਸੁ ਕੋ

ਨਿਨ੍ਦਾਦੀਸ੍ਵ+ਤ੍ਥੇਸੁ ਨਾਮਸ੍ਮਾ ਕੋ ਹੋਤਿ. ਨਿਨ੍ਦਾਯਂ-ਨਿਨ੍ਦਿਤੋ ਮੁਣ੍ਡੋ ਮੁਣ੍ਡਕੋ, ਏਵਂ ਸਮਣਕੋ, ਪਣ੍ਡਿਤਕੋ, ਬ੍ਰਾਹ੍ਮਣਕੋ, ਵੇਯ੍ਯਾਕਰਣਕੋ. ਅਞ੍ਞਾਤੇ-ਕਸ੍ਸਾ+ਯਂ ਅਸ੍ਸੋ ਅਸ੍ਸਕੋ, ਪਯੋਗਸਾਮਤ੍ਥਿਯਾ ਸਮ੍ਬਨ੍ਧਿਵਿਸੇਸਾਨਾਵਗਮੋ+ਵਗਮ੍ਯਤੇ. ਅਪ੍ਪਤ੍ਥੇ-ਅਪ੍ਪਕਂ ਤੇਲਂ ਤੇਲਕਂ, ਘਤਕਂ. ਪਟਿਭਾਗਤ੍ਥੇ-ਹਤ੍ਥੀ ਵਿਯ ਹਤ੍ਥਿਕੋ, ਅਸ੍ਸਕੋ, ਬਲੀਬਦ੍ਧਕੋ. ‘‘ਇਮੇ ਨੋ ਹਤ੍ਥਿਕਾ ਅਸ੍ਸਾ, ਬਲੀਬਦ੍ਧਾ ਚ ਨੋ ਇਮੇ’’ਤ੍ਯਾਦਿਪਾਠੇ ‘‘ਲੋਪੋ’’ਤਿ ਕਪਚ੍ਚਯਲੋਪੇਨ ਵਾ ਅਭੇਦੋਪਚਾਰੇਨ ਵਾ ਦਟ੍ਠਬ੍ਬਂ, ਇਮੇ ਚ ਦਾਰੁਆਦੀਹਿ ਕਤਰੂਪਾਨਿ. ਰਸ੍ਸੇਰਸ੍ਸੋ ਮਾਨੁਸੋ ਮਾਨੁਸਕੋ, ਰੁਕ੍ਖਕੋ, ਪਿਲਕ੍ਖਕੋ. ਦਯਾਯਂ-ਦਯਿਤੋ=ਨੁਕਮ੍ਪਿਤੋ ਪੁਤ੍ਤੋ ਪੁਤ੍ਤਕੋ, ਵਚ੍ਛਕੋ. ਸਞ੍ਞਾਯਂ-ਮੋਰੋ ਵਿਯ ਮੋਰਕੋ, ਕਤਕੋ, ਭਤਕੋ.