੭. ਤਿਟ੍ਠਗ੍ਵਾਦੀਨਿ

ਤਿਟ੍ਠਗੁਆਦੀਨਿ ਅਞ੍ਞਤ੍ਥੇਨ ਸਿਦ੍ਧਾਪਿ ਅਸ੍ਮਿਂ ਅਸਂਖ੍ਯਸਮਾਸੇ ਨਿਪਾਤਿਯਨ੍ਤਿ. ਤਿਟ੍ਠਨ੍ਤਿ ਗਾਵੋ ਯਸ੍ਮਿਂ ਕਾਲੇਤਿ ਤਿਟ੍ਠਨ੍ਤਸਦ੍ਦ+ਗੋਸਦ੍ਦੇਹਿ ਪਠਮਾਯੋਮ੍ਹਿ ਕਤੇ ‘‘ਵਾ+ਨੇਕਞ੍ਞਤ੍ਥੇ’’ਤਿ ਸਮਾਸੋ, ਇਮਿਨਾ ਨਿਪਾਤਨਾ ਲੋਪੇ ਨਪੁਂਸਕਤ੍ਥੇ ਚ ਕਤੇ ਸਿਮ੍ਹਿ ਗੋਸ੍ਸ ‘‘ਗੋਸ੍ਸੁ’’ਤਿ ਉਕਾਰੇ ‘‘ਪੁਬ੍ਬਸ੍ਮਾ+ਮਾਦਿਤੋ’’ਤਿ ਵਿਭਤ੍ਤਿਲੋਪੋ. ਏਵਂ ਵਹਨ੍ਤੀ ਗਾਵੋ ਯਸ੍ਮਿਂ ਕਾਲੇਤਿ ਵਹਗ੍ਗੁ ਇਚ੍ਚਾਦਿ. ਵੇਲਾਪ੍ਪਕਾਸਕਪਾਤੋਆਦੀਨਮ੍ਪਿ ਏਤ੍ਥੇਵ ਸਙ੍ਗਹੋ, ਪਾਤੋ ਨਹਾਨਨ੍ਤਿ ਸਤ੍ਤਮੀਅਮਾਦਿਸਮਾਸੇ ਪਾਤਨਹਾਨਂ, ਏਵਂ ਸਾਯਨਹਾਨਂ, ਪਾਤਕਾਲਂ, ਸਾਯਕਾਲਂ, ਪਾਤਮੇਘਂ, ਸਾਯਮੇਘਂ, ਪਾਤਮਗ੍ਗਂ, ਸਾਯਮਗ੍ਗਂ, ਏਤ੍ਥ ‘‘ਏਓਨ+ਮ ਵਣ੍ਣੇ’’ਤਿ ਅਕਾਰੋ, ਨਿਗ੍ਗਹੀਤਸ੍ਸ ਲੋਪੋ ਚ ਹੋਤਿ.