੨੧. ਸਂਖ੍ਯਾਦਿ

ਏਕਤ੍ਥੇ ਸਮਾਹਾਰੇ ਸਂਖ੍ਯਾਦਿ ਨਪੁਂਸਕਲਿਙ੍ਗਂ ਭਵਤਿ. ਤਯੋ ਲੋਕਾ ਸਮਾਹਟਾ=ਚਿਤ੍ਤੇਨ ਸਮ੍ਪਿਣ੍ਡਿਤਾ, ਤਿਣ੍ਣਂ ਲੋਕਾਨਂ ਸਮਾਹਾਰੋਤਿ ਵਾ ਵਾਕ੍ਯੇ ਵਿਸੇਸਨਸਮਾਸੇ ਕਤੇ ਇਮਿਨਾ ਨਪੁਂਸਕਤ੍ਤਂ ਭਵਤਿ. ਸਮਾਹਾਰਸ੍ਸੇ+ਕਤ੍ਤਾ ਏਕਵਚਨਮੇਵ, ਤਿਲੋਕਂ, ਭੋ ਤਿਲੋਕ, ਤਿਲੋਕਂ, ਤਿਲੋਕੇਨ ਇਚ੍ਚਾਦਿ. ਏਵਂ ਤਯੋ ਦਣ੍ਡਾ ਤਿਦਣ੍ਡਂ, ਤੀਣਿ ਮਲਾਨਿ ਸਮਾਹਟਾਨਿ, ਤਿਣ੍ਣਂ ਮਲਾਨਂ ਸਮਾਹਾਰੋਤਿ ਵਾ ਤਿਮਲਂ, ਤਿਲਕ੍ਖਣਂ, ਚਤੁਸਚ੍ਚਂ, ਪਞ੍ਚਸਿਕ੍ਖਾਪਦਂ, ਛਟ੍ਠਾਯਤਨਂ, ਸਤ੍ਤਾਹਂ, ਅਟ੍ਠਸੀਲਂ, ਨਵਲੋਕੁਤ੍ਤਰਂ, ਦਸਸੀਲਂ, ਸਤਯੋਜਨਂ. ਦ੍ਵੇ ਰਤ੍ਤਿਯੋ ਸਮਾਹਟਾ ਦ੍ਵਿਰਤ੍ਤਂ.