੩. ਕਾਲਦ੍ਧਾਨ+ਮਚ੍ਚਨ੍ਤਸਂਯੋਗੇ

ਕਾਲਦ੍ਧਾਨਂ ਦਬ੍ਬ+ਗੁਣ+ਕ੍ਰਿਯਾਹਿ ਅਚ੍ਚਨ੍ਤਸਂਯੋਗੇ ਤੇਹਿ ਕਾਲਦ੍ਧਾਨਵਾਚੀਹਿ ਦੁਤਿਯਾ ਹੋਤਿ. ਕਾਲੇ-ਸਤ੍ਤਾਹਂ ਗਵਪਾਨਂ, ਮਾਸਂ ਮਂਸੋਦਨਂ, ਸਰਦਂ ਰਮਣੀਯਾ ਨਦੀ, ਸਬ੍ਬਕਾਲਂ ਰਮਣੀਯਂ ਨਨ੍ਦਨਂ, ਤਯੋ ਮਾਸੇ ਅਭਿਧਮ੍ਮਂ ਦੇਸੇਤਿ. ਅਦ੍ਧਨਿ-ਯੋਜਨਂ ਵਨਰਾਜਿ, ਯੋਜਨਂ ਦੀਘੋ ਪਬ੍ਬਤੋ, ਕੋਸਂ ਸਜ੍ਝਾਯਤਿ.

ਪੁਬ੍ਬਨ੍ਹਸਮਯਂ ਨਿਵਾਸੇਤ੍ਵਾ, ਏਕਂ ਸਮਯਂ ਭਗਵਾ, ਇਮਂ ਰਤ੍ਤਿਂ ਚਤ੍ਤਾਰੋ ਮਹਾਰਾਜਾਨੋਤਿ ਏਵਮਾਦੀਸੁ ਕਾਲਵਾਚੀਹਿ ਅਚ੍ਚਨ੍ਤਸਂਯੋਗੇ ਦੁਤਿਯਾ, ਬਹੁਲਂਵਿਧਾਨਾ ਵਿਭਤ੍ਤਿਵਿਪਲ੍ਲਾਸੋ ਵਾ. ਮਾਸੇਨਾ+ਨੁਵਾਕੋ+ਧੀਤੋ, ਕੋਸੇਨਾ+ਨੁਵਾਕੋ+ਧੀਤੋਤਿ ਕਰਣਤ੍ਥੇ ਤਤਿਯਾ.