੧੨੫. ਇਮਸ੍ਸਾ+ਨਿਤ੍ਥਿਯਂ ਟੇ

ਇਮਸ੍ਸਾ+ਨਿਤ੍ਥਿਯਂ ਟੇ ਹੋਤਿ ਵਾ ਸੁ+ਨਂ+ਹਿਸੁ. ‘‘ਨਾਮਗ੍ਗਹਣੇ ਲਿਙ੍ਗਵਿਸਿਟ੍ਠਸ੍ਸਾਪਿ ਗਹਣਂ’’ਤਿ ਞਾਯਾ ‘ਅਨਿਤ੍ਥਿਯਂ’ਤਿ ਇਤ੍ਥਿਲਿਙ੍ਗਨਿਸੇਧਾ ਇਮਸ੍ਸਾਤਿ ਨਾਮਗ੍ਗਹਣਵਿਸਯੇ ਲਿਙ੍ਗਵਿਸੇਸਿਤਸ੍ਸ ਇਮਸਦ੍ਦਸ੍ਸਾਪਿ ਗਹਣਂ. ਤਸ੍ਸ ਫਲਂ ‘‘ਤਤਸ੍ਸ ਨੋ ਸਬ੍ਬਾਸੁ’’ ਤ੍ਯਾਦੋ ਲਿਙ੍ਗਤ੍ਤਯੇ ਕਾਰਿਯਸਿਦ੍ਧਿ. ਏਹਿ ਏਭਿ ਇਮੇਹਿ ਇਮੇਭਿ. ‘‘ਟ ਸਸ੍ਮਾਸ੍ਮਿ’’ਮਿਚ੍ਚਾਦਿਨਾ ਸਬ੍ਬਸ੍ਸਿ+ਮਸ੍ਸ ਵਾ ਟਾਦੇਸੇ ਅਸ੍ਸ ਇਮਸ੍ਸ, ਵਾ ਟੇ ਏਸਂ ਏਸਾਨਂ ਇਮੇਸਂ ਇਮੇਸਾਨਂ. ਅਮ੍ਹਾ ਅਸ੍ਮਾ ਇਮਮ੍ਹਾ ਇਮਸ੍ਮਾ. ਅਮ੍ਹਿ ਅਸ੍ਮਿਂ ਇਮਮ੍ਹਿ ਇਮਸ੍ਮਿਂ, ਏਸੁ ਇਮੇਸੁ.

ਇਤ੍ਥਿਯਂ ਅਯਂ, ਇਮਾ ਇਮਾਯੋ. ਇਮਂ, ਇਮਾ ਇਮਾਯੋ. ਨਾ ‘‘ਸ੍ਸਾ ਵਾ ਤੇ+ਤਿ+ਮਾ+ਮੂਹੀ’’ਤਿ ਸ੍ਸਾ ਵਾ, ਵਾ ਟਾਦੇਸੇ ‘‘ਸ੍ਸ’’ ਮਿਚ੍ਚਾਦਿਨਾ ਇਆਦੇਸੇ ਚ ਕਤੇ ਅਸ੍ਸਾ ਇਮਿਸ੍ਸਾ ਇਮਾਯ, ਇਮਾਹਿ ਇਮਾਭਿ. ਅਸ੍ਸਾ ਇਮਿਸ੍ਸਾ ਅਸ੍ਸਾਯ ਇਮਿਸ੍ਸਾਯ ਇਮਾਯ. ਨਂਵਚਨਸ੍ਸ ਸ+ਮਾਦੇਸੇ ਇਮਸ੍ਸ ਚ ਵਾ ਟਾਦੇਸੇ ਅਸ੍ਸ ‘‘ਸੁਨਂਹਿ ਸੂ’’ਤਿ ਦੀਘੇ ਚ ਕਤੇ ਆਸਂ, ਅਞ੍ਞਤ੍ਰ ਇਮਾਸਂ ਇਮਾਸਾਨਂ. ਸਤ੍ਤਮਿਯਂ ਅਸ੍ਸਂ ਇਮਿਸ੍ਸਂ ਅਸ੍ਸਾ ਇਮਿਸ੍ਸਾ ਇਮਾਯਂ ਇਮਾਯ, ਇਮਾਸੁ.

ਨਪੁਂਸਕੇ –