੧੧੬. ਯੇ ਪਸ੍ਸਿ+ਵਣ੍ਣਸ੍ਸ

ਪਸਞ੍ਞਸ੍ਸ ਇਵਣ੍ਣਸ੍ਸ ਲੋਪੋ ਹੋਤਿ ਵਾ ਯਕਾਰੇ. ‘‘ਪਰੋ ਕ੍ਵਚੀ’’ਤਿ ਅਨੁਵਤ੍ਤਿਤਕ੍ਵਚਿਗ੍ਗਹਣਾ ਯੇ ਪਰੇ ਚ-ਕਾਰ+ਪੁਬ੍ਬਰੂਪਾ- ਨਿ ਨ ਹੋਨ੍ਤਿ. ਮਤ੍ਯੋ. ਅਞ੍ਞਤ੍ਰ ‘‘ਜਨ੍ਤ੍ਵਾ’’ਦਿਨਾ ਯੋਲੋਪੋ, ਦੀਘੋ, ਮਤੀ ਮਤਿਯੋ. ਭੋ ਮਤਿ ਮਤੀ, ਮਤ੍ਯੋ ਮਤੀ ਮਤਿਯੋ. ਮਤਿਂ, ਮਤ੍ਯੋ ਮਤੀ ਮਤਿਯੋ. ਮਤਿਯਾ, ਮਤੀਹਿ ਮਤੀਭਿ. ਮਤ੍ਯਾ ਮਤਿਯਾ, ਮਤੀਨਂ. ਸ੍ਮਿਨੋ ਯਂ, ਮਤ੍ਯਂ ਮਤਿਯਂ ਮਤ੍ਯਾ ਮਤਿਯਾ, ਮਤੀਸੁ. ਏਵਂ –

ਪਤ੍ਤਿ ਯੁਤ੍ਤਿ ਵੁਤ੍ਤਿ ਕਿਤ੍ਤਿ, ਮੁਤ੍ਤਿ ਤਿਤ੍ਤਿ ਖਨ੍ਤਿ ਕਨ੍ਤਿ;

ਸਨ੍ਤਿ ਤਨ੍ਤਿ ਸਿਦ੍ਧਿ ਸੁਦ੍ਧਿ, ਇਦ੍ਧਿ ਵੁਦ੍ਧਿ ਬੁਦ੍ਧਿ ਬੋਧਿ.

ਭੂਮਿ ਜਾਤਿ ਪੀਤਿ ਸੁਤਿ, ਨਨ੍ਦਿ ਸਨ੍ਧਿ ਸੋਣਿ ਕੋਟਿ;

ਦਿਟ੍ਠਿ ਵੁਟ੍ਠਿ ਤੁਟ੍ਠਿ ਯਟ੍ਠਿ, ਪਾਲ਼ਿ ਆਲ਼ਿ ਨਾਲ਼ਿ ਕੇਲ਼ਿ.

ਸਤਿ ਮੁਤਿ ਗਤਿ ਚੁਤਿ, ਧਿਤਿ ਯੁਵਤਿ ਵਿਕਤਿ;

ਰਤਿ ਰੁਚਿ ਰਸ੍ਮਿ ਅਸਨਿ, ਵਸਨਿ ਓਸਧਿ ਅਙ੍ਗੁਲਿ;

ਧੂਲਿ ਦੁਦ੍ਰਭਿ ਦੋਣਿ, ਅਟਵਿ ਛਵਿ ਇਚ੍ਚਾਦਿ.