੭੬. ਨਖਾ

ਸਞ੍ਞਾਸਦ੍ਦੇਸੁਚਾਤਿਆਦਿਨਾ ਅਵਯਵਤ੍ਥਨਿਰਪੇਕ੍ਖਾਨਮ੍ਪਿ ਯਥਾਕਥਞ੍ਚਿ ਨਿਪ੍ਫਤ੍ਤਿਂ ਦਸ੍ਸੇਨ੍ਤੋ ਸਬ੍ਬੇਸਮੇਵ ਸਦ੍ਦਾਨਂ ਨਿਪ੍ਫਨ੍ਨਵਾਚਿਤਞ੍ਚਾਤ੍ਤਨੋ ਦੀਪੇਤਿ, ਯਥਾਕਥਞ੍ਚਿ ਨਿਪ੍ਫਤ੍ਤਿ, ਰੁਲ਼੍ਹਿਯਾ ਅਤ੍ਥਨਿਚ੍ਛਯੋ, ਤੇਨ ਸਞ੍ਞੇਚ੍ਚਾਦੋ-ਧਿਪ੍ਪਾਯਂ ਵਿਵਰਤਿ ‘ਯਂਕਿਞ੍ਚਿ’ਤ੍ਯਾਦਿਨਾ, ਇਤ੍ਥੀ ਚ ਪੁਮਾ ਚ ਇਤ੍ਥਿਪੁਮਂ, ਨ ਇਤ੍ਥਿ ਪੁਮਨ੍ਤਿ ਸਮਾਸੇ ਨਿਪਾਤਨੇਨਿਮਿਨਾ ਨਪੁਂਸਕਾਦੇਸੋ [ਨਪੁਂਸਕਨਿਦ੍ਦੇਸੋ (ਪੋਤ੍ਥਕੇ)] ਤਿ ਦਸ੍ਸੇਤਿ ‘ਨ ਇਤ੍ਥਿ’ਚ੍ਚਾਦਿਨਾ. ਖੀ-ਖਯੇ, ਖਰ-ਵਿਨਾਸੇ ਚਾਤਿ ਹਿ ਏਤੇਹਿ ‘ਨ ਖੀਯਤਿ ਨ ਖਰਤੀ’ਤਿ ਅਤ੍ਥੇ ‘‘ਭਾਵਕਾਰਕੇਸ੍ਵ ਘਣ ਘਕਾ’’ਤਿ (੫-੪੪) ਅਪ੍ਪਚ੍ਚਯੇ’ ਨ ਖਯ ਨ ਖਰ’ਇਤਿ ਠਿਤੇ ਖਤ੍ਤਾਦੇਸੋਤਿ ਆਹ- ਨ ਖੀਯਤਿ’ਚ੍ਚਾਦਿ.