੫੦. ਦਾਰੁ

ਸਮਾਸਤ੍ਥੋ (ਏਤ੍ਥ) ਦਾਰੁ, ਨਾਸ੍ਸ ਮੁਖ੍ਯਾਹਿ ਅਙ੍ਗੁਲੀਹਿ ਸਮ੍ਬਨ੍ਧੋ ਯੁਜ੍ਜਤਿ, ਨਨੁ ਦ੍ਵੇ ਅਙ੍ਗੁਲੀ ਪਮਾਣਮਸ੍ਸ ਦਾਰੁਨੋਚ੍ਚਾਦਿਂ ਮੁਖ੍ਯੋ ਅਙ੍ਗੁਲਿਸਦ੍ਦੋਗਹਿਤੋਤਿ ਸਮ੍ਬਨ੍ਧੋ ਸਮ੍ਭਵਤਿ ਕਿਮੇਵਂ ਵੁਚ੍ਚਤੇਚ੍ਚਾਸਙ੍ਕਿਯਾਹ-‘ਯਦਿਪਿ’ਚ੍ਚਾਦਿ, ਪਮਾਣਵਚਨੇਨਾਤਿ ਮਤ੍ਤਾਦਿਪਚ੍ਚਯਤ੍ਥਭੂਤਪਮਾਣਵਾਚਕੇਨ, ਅਙ੍ਗੁਲਿ ਸਦ੍ਦਸ੍ਸ ਦਾਰੁਨੋ ਪਮਾਣਵਾਚਕਤ੍ਤਾ ਵੁਤ੍ਤਂ- ‘ਦਾਰੁਨੋ ਸਮ੍ਬਨ੍ਧੋ ਅਤ੍ਥੀ’ਤਿ. ਵਿਸੇਸਨਸਮਾਸਤੋ ਪਰਂ ਤਦਤ੍ਥਵਿਸਯੇ ਤਸ੍ਮਿਂਪਮਾਣਤ੍ਥਵਿਸਯੇ ‘‘ਮਾਨੇਮਤ੍ਤੋ’’ਤਿਆਦਿਨਾ (੪-੪੬) ਮਤ੍ਤਾਦਿਪ੍ਪਚ੍ਚਯੇਨਭਵਿਤਬ੍ਬਨ੍ਤਿਅਤ੍ਥੋ, ਲੋਪੇਨਭਵਿਤਬ੍ਬਨ੍ਤਿ ਸਮ੍ਬਨ੍ਧੋ, ‘‘ਅਸਙ੍ਖ੍ਯੇਹਿ ਚਾਙ੍ਗੁਲ੍ਯਾ ਨਞ੍ਞਾਸਙ੍ਖ੍ਯਤ੍ਥੇਸੁ’’ਇਚ੍ਚਤ੍ਰ (੩-੪੪) ਯਦਾਖ੍ਯਾਤਂ, ਤਦਿਹਾਪ੍ਯਤਿਦਿਸਮਾਹ-‘ਪੁਬ੍ਬੇ ਵਿਯਸਿਦ੍ਧ’ਨ੍ਤਿ, ਅਨਕਾਰਨ੍ਤਾਨਨ੍ਤਿ ਭੂਮਿਆਦੀਨਂ, ਤਬ੍ਬਿਧਾਨੇ ਤਸ੍ਸ ਅਪ੍ਪਚ੍ਚਯਸ੍ਸ ਵਿਧਾਨੇ ਪਯੋਜਨਂਸਿਸ੍ਸੋਕਾਰੋਤਿਸਮ੍ਬਨ੍ਧੋ. ਇਮਿਨਾ ਕਚ੍ਚਾਯਨਾਨਂ ਪਕਰਣੇ ਪਯੋਜਨਂ ਦਸ੍ਸਿਤਂ. ਅਥਚ ਪਨੇਤ੍ਥ ‘‘ਕ੍ਵਚਿ ਸਮਾਸਨ੍ਤਗਤਾਨਮਕਾਰਨ੍ਤੋ’’ਤਿ (ਕ, ੨-੭-੨੨) ਇਮਿਨਾ ਅਕਾਰਨ੍ਤਸ੍ਸ ਸਮਾਸਨ੍ਤੇ ਕਤੇ ਸਾਮਤ੍ਥਿਯਾ ‘ਸ੍ਯਾਚ’ਇਤਿ (ਕ, ੨-੩-੨੯) ਸਿਸ੍ਸਾਕਾਰਾਦੇਸਾਭਾਵਾ ਨਿਚ੍ਚਮੋਕਾਰਨ੍ਤਰੂਪਂ ਸਮ੍ਪਜ੍ਜਤੀਤਿ ਪਰਿਕਪ੍ਪਿਯਤਸ੍ਸਾਯੁਤ੍ਤਭਾਵਂ ਦਸ੍ਸੇਤੁਂ ਯਂ ਵੁਤ੍ਤਂਵੁਤ੍ਤਿਕਾਰੇਨ, ਤਂ ਦਸ੍ਸੇਤੁਮਾਹ‘ਅਕਾਰਨ੍ਤਸ੍ਸਪਿ’ਚ੍ਚਾਦਿ, ਯਂ-ਵੁਤ੍ਤਂ ਸਿਸ੍ਸਾਕਾਰਾ ਦੇਸਨਿਵਤ੍ਤਨੇ ਅਕਾਰਕਰਣੇ ਸਾਮਤ੍ਥਿਯਂ, ਤਦਭਾਵਾ ਸਿਸ੍ਸਾਕਾਰਾਦੇਸੋ ਨ ਨਿਵਾਰੀਯਤੀਤਿ ਦਸ੍ਸੇਤੁਮਾਹ-‘ਨਚੇ’ਚ੍ਚਾਦਿ. ਚਰਿਤਤ੍ਥਤਾਯ ਨਿਟ੍ਠਿਤਪ੍ਪਯੋਜਨਤਾਯ, ਤੇਨੇਵ ਕਚ੍ਚਾਯਨਵੁਤ੍ਤਿਕਾਰੇਨੇਵ ਅਪ੍ਪਚ੍ਚਯਨ੍ਤ ਮੁਦਾਹਟਂ ਸਕ੍ਕਤਗਨ੍ਥਾਨੁਸਾਰੇਨ, ਅਬ੍ਯਞ੍ਜਨਨ੍ਤਤ੍ਤਾਤਿ ਇਮਿਨਾ ਤਿਣ੍ਣਮੇਸਂ ਸਦ੍ਦਾਨਂ ਸਕ੍ਕਤੇ ਬ੍ਯਞ੍ਜਨਨ੍ਤਤ੍ਤਮੇਵ ਬੋਧੇਤਿ, ਨਿਰਤ੍ਥਕਨ੍ਤਿ ਪੁਬ੍ਬੇਵ ਅਕਾਰਨ੍ਤਤ੍ਤਾ ਨਿਰਤ੍ਥਕਂ, ਆਕਾਰਵਿਧਾਨੇਨੇਵਾਤਿ (ਕ, ੨-੭-੨੫) ‘‘ਧਨੁਮ੍ਹਾਚ’’ ਇਤ੍ਯਾਕਾਰਵਿਧਾਨੇਨੇਵ.