੫੭. ਲ੍ਤੁ

ਤੇਨਾਤਿ ਯਤੋ ਲ੍ਤੁਇਤਿ ਵਿਸੇਸਨਤ੍ਤੇਨ ਵਤ੍ਤੁਮਿਚ੍ਛਿਤਸ੍ਸ ਪਚ੍ਚਯਸ੍ਸ ਗਹਣਂ, ਤੇਨਾਤਿ ਅਤ੍ਥੋ, ਪਚ੍ਚਯਸ੍ਸ ਗਹਣਾ ਤਦਾਦਿਗਹਣਂ ਲਬ੍ਭਤੇ… ‘‘ਪਚ੍ਚਯਗ੍ਗਹਣੇ ਯਤੋ ਸੋ ਵਿਹਿਤੋ, ਤਦਾਦਿਨੋ ਗਹਣ’’ਨ੍ਤਿ ਞਾਯਾ, ਵਿਸੇਸਨਤ੍ਤੇਨ ਵਤ੍ਤੁਮਿਚ੍ਛਿਤਤ੍ਤਾ ਤਦਨ੍ਤਗ੍ਗਹਣਂ… ‘‘ਵਿਧਿਬ੍ਬਿਸੇਸਨਨ੍ਤਸ੍ਸਾ’’ਤਿ (੧-੧੩) ਵਚਨਤੋਤਿ ਮਨਸਿ ਨਿਧਾਯਾਹ- ‘ਯਤੋ’ਇਚ੍ਚਾਦਿ, ਸੋ ਕ੍ਰਿਯਤ੍ਥੋ ਆਦਿ ਯਸ੍ਸ ਸੋ ਤਦਾਦਿ, ਸੋ ਪਚ੍ਚਯੋ-ਨ੍ਤੋ ਯਸ੍ਸ ਸਮੁਦਾਯਸ੍ਸ ਸੋ ਤਦਨ੍ਤੋ, ਤਾਦਿਸਸ੍ਸ ਤਦਾ ਦਿਤਦਨ੍ਤਸਮੁਦਾਯਵਿਸੇਸ(ਸ੍ਸ) ਗਹਣਂ, ਨ ਤੁ ਤਦਨ੍ਤਮਤ੍ਤਸ੍ਸੇਤ੍ਯਤ੍ਥੋ, ਨਨੁ ਚ ‘ਲ੍ਤ੍ਵੀ’ਤਿ ਵਿਸੇਸਨਤ੍ਤੇਨ ਵਤ੍ਤੁਮਿਚ੍ਛਿਤੇ ਭਵਤੁ ‘‘ਵਿਧਿਬ੍ਬਿਸੇਸਨਨ੍ਤਸ੍ਸਾ’’ਤਿ ਤਦਨ੍ਤਸ੍ਸ ਗਹਣਂ, ਪਚ੍ਚਯਗ੍ਗਹਣੇਨ ਪਨ ਤਦਾਦਿਨੋ ਗਹਣਂ ਕਥਂ ਸਿਯਾ ਵਚਨਾਭਾਵਾਤ੍ਯਾਹ-‘ਤਦਵਿਨਾਭਾਵਿਤ੍ਤਾ’ਤਿ, ਯਤੋ ਵਿਹਿਤੋ, ਤੇਨ ਵਿਨਾ ਨ ਭਵਤਿ ਸੀਲੇਨਾਤਿ ਤਦਵਿਨਾਭਾਵੀ, ਤਸ੍ਸ ਭਾਵੋ ਤਸ੍ਮਾ. ‘‘ਪਚ੍ਚਯਗ੍ਗਹਣੇ ਯਤੋ ਸੋ ਵਿਹਿਤੋ ਤਦਾਦਿਨੋ ਗਹਣ’’ਨ੍ਤਿ ਞਾਯਸ੍ਸ ਯਤ੍ਥ ਪਚ੍ਚਯਗ੍ਗਹਣਂ ਤਤ੍ਥ ਸਾਧਾਰਣਤ੍ਤਾ ‘ਤਦਾਦਿਨੋ’ਤਿ ਵੁਤ੍ਤਂ, ਤਦਾਦਿਸਮੁਦਾਯਸ੍ਸ ਗਹਣੇ ਪਨੇਤ੍ਥ ਵਿਸੇਸੋ ਨ ਦਿਸ੍ਸਤਿ… ਅਧਿਕਤ੍ਤਾਤਿ [ਅਧਿਗਤਨ੍ਤਾਵਾਤਿ (ਪੋਤ੍ਥਕੇ)] ਆਦੀਸੁ ਵਿਸੇਸਦਸ੍ਸਨਾਸਮ੍ਭਵਾ, ‘ਤੁਂਸ੍ਮਾ ਲੋਪੋ ਚਿਚ੍ਛਾਯਂ ਤੇ’’ ਤ੍ਯਤ੍ਰ (੫-੪) ਤੁ ਦਿਸ੍ਸਤਿ ਵਿਸੇਸੋ, ਵਕ੍ਖਤਿਹਿ ਤਤ੍ਥ ‘‘ਤੁਂਤਾਯੇਤਵੇ ਭਾਵੇ ਭਵਿਸ੍ਸਤਿ ਕ੍ਰਿਯਾਯਂ ਤਦਤ੍ਥਾਯ’’ਨ੍ਤਿ (੫-੬੧) ਤੁਂਪਚ੍ਚਯਂ ਵਕ੍ਖਤਿ’’ਚ੍ਚਾਦਿ.