੪੧. ਅਤੋ

ਸੁਤ੍ਤੇ ‘ਅਤੋ’ਤਿ ਵੁਤ੍ਤਂ ‘ਅਕਾਰਨ੍ਤਤੋ’ਤਿ ਕਥਂ ਵੁਤ੍ਤੀਤਿ ਆਹ ‘ਅਤੋ’ਤਿਆਦਿ, ਆਦੇਸਾ ਹੋਨ੍ਤੀਤਿ ਸੇਸੋ, ਯਕਾਰਾਨਂਯੇਵ ਸਿਯੁਂ… ਆਏਆਦੇਸਾਨਮੇਕਵਣ੍ਣਤ੍ਤਾ, ਲੋਪੇ ਕਤੇਤਿ ਓਕਾਰਸ੍ਸ ਲੋਪੇ ਕਤੇ, ਤਨ੍ਨੇਤਿ ਯਥਾਵੁਤ੍ਤਂ ਧਚਾਦ੍ਯਪ੍ਪਟਿਕ੍ਖਿਪਤਿ, ਪਟਿਕ੍ਖੇਪੇ ਕਾਰਣਮਾਹ-‘ਪਰਲੋਪਸ੍ਸਾ’ਤਿਆਦਿ, ਕਾਰਣਨ੍ਤਰਂ ਵਤ੍ਤੁਮਾਰਭਤੇ ‘ਕਿਞ੍ਚਾ’ਤਿਆਦਿ, ਨਿਚ੍ਚਮ੍ਪਰਲੋਪੋਵ ਸਿਯਾ, ਨ ਪੁਬ੍ਬਲੋਪੋਪਿ ਆਗਮਪ੍ਪਯੋਗਾਨੁਕੂਲ੍ਯੇਨਾਤਿਪਿ ਸਕ੍ਕਾ ਵਤ੍ਤੁਨ੍ਤਿ ਆਹ-‘ਨਚਾ’ਤਿਆਦਿ, ਨਿਚ੍ਚਮ੍ਪਰਲੋਪੋਯੇਵਾਤਿ ਨ ਚ ਸਕ੍ਕਾ ਮਨ੍ਤੁਨ੍ਤਿ ਸਮ੍ਬਨ੍ਧੋ, ਏਵਂ ਸਨ੍ਤੇਤ੍ਯਾਦਿਨਾ ਤਤ੍ਥ ਵਿਰੋਧਮਾਹ, ਅਤੋਸਮ੍ਭਵਾਤਿ ਆਦੇਸਾਕਾਰਤੋ ਸਮ੍ਭਵਾ, ਝਿਸ੍ਸਾਕਾਰਵਿਧਾਨਂ ‘‘ਯੋਸੁ ਝਿਸ੍ਸ ਪੁਮੇ’’ਤਿ (੨-੯੩) ਏਤਦੇਵਪਯੋਜਨਨ੍ਤਿਆਦਿਨਾ ਵੁਤ੍ਤਪ੍ਪਯੋਜਨਾਭਾਵੇ ਕਾਰਣਮਾਹ-‘ਅਨਿਟ੍ਠਤ੍ਤਾ’ਤਿ, ਅਨਭਿਮਤਤ੍ਤਾਤਿ ਅਤ੍ਥੋ, ਪਯੋਜਨਾਭਾਵਾਨਭਿਮਤਤ੍ਤਮੇਵ ਦਸ੍ਸੇਸੁਮਾਹ-‘ਏਤਦਤ੍ਥਮੇਵਾ’ਤਿਆਦਿ, ਇਮਸ੍ਸਾਤਿ ‘‘ਅਤੋ ਯੋਨਂ ਟਾਟੇ’’ਤੀ ਮਸ੍ਸ ਸੁਤ੍ਤਸ੍ਸ, ਝਿਸ੍ਮਾਤ੍ਵੇਵਾਤਿ ‘ਝਿਸ੍ਮਾ’ ਇਤਿ ਏਤਾਦਿਸਂ ਸੁਤ੍ਤਮੇਵ, ਝਿਸ੍ਮਾ ਯੋਨਂ ਟਾਟੇਤਿਵਾਤਿ ‘‘ਝਿਸ੍ਮਾ ਯੋਨਂ ਟਾਟੇ’’ਤਿ ਸੁਤ੍ਤਂ ਵਾ, ਅਤੋਤਿ ‘ਅਤੋ’ ਇਤਿ ਸੁਤ੍ਤਂ, ਤਾਦਿਸਸ੍ਸਪਯੋਗਸ੍ਸਾਤਿ ਅਗ੍ਗਾ, ਅਗ੍ਗੇ ਇਤਿ ਪਯੋਗਸ੍ਸ.