੩੯. ਛਟ੍ਠੀ

ਕਿਰਿਯਾਕਾਰਕੇਚ੍ਚਾਦਿਵੁਤ੍ਤਿਗਨ੍ਥਸ੍ਸ ਅਤ੍ਥਸਂਵਣ੍ਣਨਂ ਕਤ੍ਤੁਮਾਰਭਤੇ ‘ਏਕਾਯਂ ਸਮ੍ਬਨ੍ਧੋ ਨਾਮੇ’ਚ੍ਚਾਦਿ, ਕਿਰਿਯਾਯ ਕਾਰਕੇਹਿ ਚ ਨਿਪ੍ਫਾਦਿਤੋਤਿ ਇਮਿਨਾ ਸਮ੍ਬਨ੍ਧਸ੍ਸ ਕਿਰਿਯਾਕਾਰਕਸਮ੍ਬਨ੍ਧ ਪੁਬ੍ਬਕਤ੍ਤਮਾਹ, ਤਤੋਯੇਵਾਯਂ ਨਾਕਸ੍ਮੀਕੋਤਿ ਨ ਯੇਸਂਕੇਸਞ੍ਚਿ ਦ੍ਵਿਨ੍ਨਂ ਭਵਤਿ, ਵਿਸਿਟ੍ਠਾਨਂਯੇਵ ਤੁ ਦ੍ਵਿਨ੍ਨਂ ਭਵਤੀਤ੍ਯਤਿਪ੍ਪਸਙ੍ਗਾਭਾਵੋ, ਕਿਰਿਯਾਕਾਰਕਸਮ੍ਬਨ੍ਧਪੁਬ੍ਬਕੋ ਹਿ ਕਾਰਕੇਹਿ ਅਞ੍ਞੋ ਸਸ੍ਸਾਮਿਭਾਵਾਦਿਕੋ ਸਮ੍ਬਨ੍ਧੋ, ਤਥਾ ਚ ਵੁਤ੍ਤਂ–

‘‘ਸਮ੍ਬਨ੍ਧੋ ਕਾਰਕੇਹਞ੍ਞੋ, ਕ੍ਰਿਯਾਕਾਰਕਪੁਬ੍ਬਕੋ;

ਸੁਤਾਯਮਸ੍ਸੁਤਾਯਂਵਾ, ਕ੍ਰਿਯਾਯਂ ਸੋ-ਭਿਧੀਯਤੇਤਿ.

ਤਤ੍ਥ ਅਸ੍ਸੁਤਾਯਂ ਕਿਰਿਯਾਯਂ ‘ਰਞ੍ਞੋ ਪੁਰਿਸੋ’ਚ੍ਚਾਦੋ ਕਿਰਿਯਾ ਕਾਰਕਸਮ੍ਬਨ੍ਧਪੁਬ੍ਬਕੋ-ਞ੍ਞੋ ਏਵ ਸਸ੍ਸਾਮਿਭਾਵਾਦਿਕੋ ਸਮ੍ਬਨ੍ਧੋ ਪਤੀਯਤੇਤਿ, ‘ਸਰਤਿ ਰਜ੍ਜਸ੍ਸ’ਤ੍ਯਾਦੋ ਤੁ ਸੁਯ੍ਯਮਾਨੇ ਕਿਰਿਯਾਸਦ੍ਦੇ, ਏਤ੍ਥ ਪਨ ਸਨ੍ਤਮਪਿ ਕਮ੍ਮਂ ਵਤ੍ਤੁਮਨਿਚ੍ਛਿਤਂ, ਵਿਸੇਸਨਭਾਵੋਯੇਵ ਸਰਣਮ੍ਪਤਿ ਰਜ੍ਜਸ੍ਸ ਪਟਿਪਾਦੀਯਤੇ’ਰਜ੍ਜਸਮ੍ਬਨ੍ਧਿਸਰਣ’ਨ੍ਤਿ, ਕਿਰਿਯਾਕਾਰਕ ਸਮ੍ਬਨ੍ਧੋ ਹਿ ਸਬ੍ਬਤ੍ਥ ਵਤ੍ਥੁਟ੍ਠਿਤਿਵਸੇਨੇਵਤ੍ਥਿ, ਤਨ੍ਨਿਮਿਤ੍ਤੋ ਚ ਸਸ੍ਸਾਮਿ ਭਾਵਾਦਿ, ਤਤ੍ਥ ਸਸ੍ਸਾਮਿਭਾਵਵਿਵਚ੍ਛਾਯਂ ਵਿਜ੍ਜਮਾਨੋਪਿ ਕਿਰਿਯਾਕਾਰਕ ਸਮ੍ਬਨ੍ਧੋ ਨ ਵਤ੍ਤੁਮਿਚ੍ਛਿਤੋ, ਯਥਾ ‘ਅਨੁਦਰਾ ਕਞ੍ਞਾ’ਤਿ, ਸੋ ਚਾਯਂ ਸਮ੍ਬਨ੍ਧੋ ਸਸ੍ਸਾਮਿਭਾਵਜਞ੍ਞਜਨਕਭਾਵਾ-ਵਯਵਾਵਯਵਵਿਭਾਵਾਦਿਲਕ੍ਖਣੋ ਬਹੁਵਿਧੋਤਿ ਵੇਦਿਤਬ੍ਬੋ, ਤਤ੍ਥ ਸਸ੍ਸਾਮਿਸਮ੍ਬਨ੍ਧੇ ਰਞ੍ਞੋ ਪੁਰਿਸੋ, ਜਞ੍ਞਜਨਕਸਮ੍ਬਨ੍ਧੇ ਨਿਗ੍ਰੋਧਸ੍ਸ ਬੀਜਂ, ਅਵਯਵਾਵਯਵਿਸਮ੍ਬਨ੍ਧੇ ਰੁਕ੍ਖਸ੍ਸ ਸਾਖਾ, ਇਦਾਨਿ ਸਮ੍ਬਨ੍ਧਸ੍ਸੇਤਸ੍ਸ ਕਿਰਿਯਾਕਾਰਕਸਮ੍ਬਨ੍ਧਸਞ੍ਜਾਤਤ੍ਤਂ ਯਥਾਯੋਗਮਞ੍ਞਤ੍ਰਾਪ੍ਯਵਗਮਯਿਤੁਂ ਕਿਞ੍ਚਿ ਉਦਾਹਰਣਮਾਹ-‘ਤਥਾ ਹਿ’ਚ੍ਚਾਦਿ, ਪਰਿਪਾਲਨਕਿਰਿਯਾਕਤੋ ਨੇਸਂ ਸਮ੍ਬਨ੍ਧੋਤਿ ਇਮਿਨਾ ਪਰਿਪਾਲ੍ਯਪਰਿਪਾਲਨਲਕ੍ਖਣੋ-ਯਂ ਸਮ੍ਬਨ੍ਧੋਤਿ ਦਸ੍ਸੇਤਿ, ਸਾ ਅਯਮ੍ਪਰਿ ਪਾਲਨਲਕ੍ਖਣਾ ਕਿਰਿਯਾ ਸਮ੍ਬਨ੍ਧਮਸ੍ਸੇਦਮ੍ਭਾਵਹੇਤੁਂ ਜਨਯਿਤ੍ਵਾ ਨਿਵਤ੍ਤਤਿ, ਅਤ੍ਥਪ੍ਪਕਰਣਾਦਿਨਾ ਤ੍ਵਿਮਾਯ ਕਿਰਿਯਾਯਾਯਂ ਸਮ੍ਬਨ੍ਧੋਤਿ ਵਿਸੇਸੋ ਵਸੀਯਤੇ, ਨ ਛਟ੍ਠਿਯਾ ਵਿਸੇਸਾਵਗਮਨੇ ਸਾਮਤ੍ਥਿਯਂ… ਤਸ੍ਸਾ ਸਬ੍ਬਤ੍ਥੇਕਰੂਪਤ੍ਤਾ, ਸੁਯ੍ਯਮਾਨੇ ਏਵ ਵਾ ਕਿਰਿਯਾਸਦ੍ਦੇ ਕਾਰਕਭਾਵਸ੍ਸ ਹੇਤੁਨੋ ਵਚਨਿਚ੍ਛਾਯਾਭਾਵੇ ਅਸ੍ਸੇਦਮ੍ਭਾਭਾਵਸਙ੍ਖਾਤਸ੍ਸੇਵ ਫਲਸ੍ਸ ਵਤ੍ਤੁਮਿਚ੍ਛਿਤਤ੍ਤਾ ਤਥੇਵ ਸਮ੍ਬਨ੍ਧੋ ਜਾਤੋ ਛਟ੍ਠਿਯਾਭਿਧੀਯਤੇ ‘ਰਜ੍ਜਸ੍ਸ ਸਰਤੀ’ਤਿ, ਵੁਤ੍ਤਂ ਹਿ–

ਜਨਯਿਤ੍ਵਾਨ ਸਮ੍ਬਨ੍ਧਂ, ਕ੍ਰਿਯਾ ਕਾਚਿ ਨਿਵਤ੍ਤਤਿ;

ਸੁਯ੍ਯਮਾਨੇ ਕ੍ਰਿਯਾਸਦ੍ਦੇ, ਸਮ੍ਬਨ੍ਧੋ ਜਾਯਤੇ ਕ੍ਵਚੀਤਿ.

ਪਰਿਪਾਲਯਤੀਤਿ ਪੁਰਿਸਮ੍ਪਰਿਪਾਲਯਤਿ, ਤਤੋ ਪਾਲਨਾਦਿਕਾ ਉਪਕਾਰ ਸਭਾਵਾ ਕਿਰਿਯਾਦ੍ਵਿਨ੍ਨਮ੍ਪਿ ਤੇਸਂ ਸਮ੍ਬਨ੍ਧਿਨੀ ਭਵਤਿ, ਰਞ੍ਞਾ ਹਿ ਕਾਰਿਯਮਾਨਾ ਤਂਸਮ੍ਬਨ੍ਧਿਨੀਪੁਰਿਸਵਿਸਯਤ੍ਤਾਵਪੁਰਿਸਯੋਗਿਨੀਤ੍ਯੁਭਿਨ੍ਨਮ੍ਪਿਕਿਰਿਯਾਸਮ੍ਭਵਤਿ, ਤਤੋਯੇਵਤਸ੍ਸਾ ਉਭਯਸਮ੍ਬਨ੍ਧਿਨਿਯਾ ਕਿਰਿਯਾਯ ਸਮ੍ਭਵੇਅਸ੍ਸੇਦਨ੍ਤਿ ਬੁਦ੍ਧਿਯਾ ਹੇਤੁਭੂਤਸ੍ਸ ਅਞ੍ਞਮਞ੍ਞਾਪੇਕ੍ਖਸਭਾਵਸ੍ਸ ਸਮ੍ਬਨ੍ਧਸ੍ਸ ਭਾਵਤੋ ਕਿਰਿਯਾਜਨਿਤਤ੍ਤਮਸ੍ਸ, ਅਞ੍ਞਮਞ੍ਞਾਪੇਕ੍ਖਾਲਕ੍ਖਣੋ… ਸਬ੍ਬਥਾ ਨਿਰਪੇਕ੍ਖਤ੍ਤੇ ਸਮ੍ਬਨ੍ਧਾਭਾਵਾ, ਸਮ੍ਬਨ੍ਧਿ ਬੁਦ੍ਧਿਸਬ੍ਭਵਸ੍ਸਾਤਿ ਸਮ੍ਬਨ੍ਧੀਸੁ ਰਾਜਪੁਰਿਸਾਦੀਸੁ ਅਸ੍ਸੇਦਨ੍ਤਿ ਏਵਮ੍ਪਵਤ੍ਤਾਯ ਬੁਦ੍ਧਿਯਾ ਸਬ੍ਭਵਸ੍ਸ. ਪਰੇਸਂ ਵਿਯ ‘‘ਗੁਣੇ ਛਟ੍ਠੀ’’ਤਿ ਵਚਨਨ੍ਤਰਾਭਾਵੇ ਉਭਯਤ੍ਥਪਿ (ਚੇਤ੍ਥ) [(ਯੇਵ) (ਪੋਤ੍ਥਕੇ)] ਛਟ੍ਠਿਪ੍ਪ- ਸਙ੍ਗੋਤਿ ਬੋਧੇਤੁਮਾਹ-‘ਨਨੁ ਚੇ’ਚ੍ਚਾਦਿ, ਸਚ੍ਚਨ੍ਤਿ ਯਥਾ ਵੁਤ੍ਤਂ ਚੋਦਨਮਬ੍ਭੁਪਗਮ੍ਮ ਚੋਦਕਮ੍ਪਤਿ ਯਥਾਵੁਤ੍ਤਂ ਸਮ੍ਬਨ੍ਧਰੂਪਂ ਤਤੋ-ਞ੍ਞਤ੍ਰਾਪ੍ਯੁਪਸਂ ਹਰਿਤ੍ਵਾ ਤਤ੍ਥ ਛਟ੍ਠਿਪ੍ਪਸਙ੍ਗਂ ਚੋਦੇਤੁਮਾਹ-‘ਦੇਵਦਤ੍ਤੋ’ਚ੍ਚਾਦਿ, ਅਥੇਵ ਮਿਚ੍ਚਾਦਿਨਾਸਤੀਪਿਅਞ੍ਞਮਞ੍ਞਾਪੇਕ੍ਖਾਲਕ੍ਖਣੇ ਸਮ੍ਬਨ੍ਧੇ ਵਚਨਿਚ੍ਛਾਯੇਵੇਤ੍ਥ ਕਾਰਣਨ੍ਤਿ ਚੋਦਕਾਧਿਪ੍ਪਾਯਮਤ੍ਰੋਪਨੇਤ੍ਵਾ ਤਦੇਵ ਵਿਸੇਸਤੋ ਛਟ੍ਠਿਯਾ ਅਭਾਵੇ ਸਮੁਪਨੇਤੁਂ‘ਯਜ੍ਜੇਵਮਿਹਾਪਿ’ਚ੍ਚਾਦਿਕਮਾਹ, ਤਤ੍ਥ ਅਥਾਤਿ ਚੋਦਕਾਧਿਪ੍ਪਾਯਪ੍ਪਕਾਸਨਾਰਮ੍ਭੇ ਨਿਪਾਤੋ, ਏਵਂ ਵਤ੍ਤਬ੍ਬਨ੍ਤਿ ਏਵਂ ਯਦਿਪਿਚ੍ਚਾਦਿਨਾ ਵਕ੍ਖਮਾਨਨਯੇਨ ਵਤ੍ਤਬ੍ਬਂ, ਪਟਿਪਾਦੇਤਬ੍ਬਤਾਯਾਤ੍ਯਾਦਿਨਾ ਇਦਨ੍ਦੀਪੇਤਿ ‘‘ਵਿਸੇਸ੍ਸਂ ਵਿਧੇਯਤਾਯ ਨ ਪਰਾਧੀਨਨ੍ਤਿ ਅਪ੍ਪਧਾਨਭਾਵਤੋ ਬ੍ਯਤਿਰਿਚ੍ਚਤੇ ਤਤੋ-ਤ੍ਤਨਿਟ੍ਠਮੇਵ, ਨ ਰੂਪਨ੍ਤਰਮ੍ਭਜਤਿ‘ਪੁਰਿਸਸ੍ਸੇ’ਤਿ, ਵਿਸੇਸਨਨ੍ਤੁ ਰਾਜਾਦਿਕਂ ਤਦਙ੍ਗਤਾਯਾਨੁਵਦਿਯਮਾਨਮਪ੍ਪਧਾਨਤ੍ਤਾ ਕਾਰਕਰੂਪਤੋ ਬ੍ਯਤਿਰਿਚ੍ਚਤੇ, ਤਤੋ ਰੂਪਨ੍ਤਰਂ ਭਜਤਿ ‘ਰਞ੍ਞੋ’ਤਿ, ਤਤੋ ਬ੍ਯਤਿਰੇਕ ਲਕ੍ਖਣੋ ਸਮ੍ਬਨ੍ਧੋ ਹੋਤਿ, ਏਕਸ੍ਸ ਸਮ੍ਬਨ੍ਧਿਤ੍ਤਾਸਮ੍ਭਵਾ ਵਤ੍ਥੁਤੋ ਦ੍ਵਿਟ੍ਠੋ ਵਿਸੇਸਨਗਤਤ੍ਤੇਨ ਪਤੀਯਤੇ ਤਤੋ ਛਟ੍ਠੀ ਵਿਸੇਸਨਮੇਵਾਨੁਧਾਵਤਿ ਪਤੀਤਿਵਿਸਯੇ ਸਦ੍ਦਪ੍ਪਵਤ੍ਤੀ’’ਤਿ, ਯੋ ਹਿ ਵਿਕਪ੍ਪਨਂ ਵਿਸਯੋ ਸੋ ਸਦ੍ਦਾਨਨ੍ਤਿ, ਅਤੋਯੇਵ ਸਮ੍ਬਨ੍ਧੋ ਨਿਯਮੇਨ ਵਿਸੇਸਨਭੇਦਮਨੁਵਿਦਧਾਤਿ… ਵਤ੍ਥੁਤੋ ਦ੍ਵਿਟ੍ਠਸ੍ਸਾਪਿ ਤਗ੍ਗਤਤ੍ਤੇਨ ਪਤੀਤਿਯਾ ਯਥਾ ਭਾਤੂਨਂ ਧਨਨ੍ਤਿ, ਨਾਵਸ੍ਸਮ੍ਭਾਤੂਨਂ ਧਨਨ੍ਤਿਚ੍ਚੇਵ ਭਵਤਿ, ਤਥਾ ਸਤ੍ਯਪਿ ਵਿਸੇਸ੍ਸ ਭੇਦੇ ਵਿਸੇਸਨਗਤਮੇਵ ਭੇਦਮਨੁ(ਵਿਦਧਾ)ਤਿ ‘ਦੇਵਦਤ੍ਤਸ੍ਸ ਅਸ੍ਸਾ’ਤਿ, ਤਦੇਤਂ ਸਬ੍ਬਂ ਵਿਸੇਸਨਗਤਤ੍ਤੇਨ ਸਮ੍ਬਨ੍ਧਪਤੀਤਿਤੋ-ਵਕਪ੍ਪੀਯਤੇ, ਵਿਸੇਸ੍ਸਗਤਤ੍ਤੇਨਾਪਿ ਤਪ੍ਪਤੀਤਿਯਂ ਨਿਯਮੇਨ ਤਗ੍ਗਤਭੇਦਾਨੁਵਿਧਾਨਂ ਸਿਯਾ ਵਿਸੇਸਨਗਤਭੇਦਾਨੁਵਿਧਾਨਮਿਵ, ਦ੍ਵਿਟ੍ਠਤ੍ਤਨ੍ਤੁ ਵਤ੍ਥੁਤੋ [ਚਤ੍ਤੁਨੋ] ਨ ਵਿਰੁਜ੍ਝਤੇ, ਵਤ੍ਤੁਪਟਿਬਦ੍ਧਮੇਵ ਚ ਦ੍ਵਿਟ੍ਠਤ੍ਤਂ ਮਨਸਿਕਤ੍ਵਾ ਤਂਵਾਦੀਹਿ ਦ੍ਵਿਟ੍ਠੋ ਸਮ੍ਬਨ੍ਧੋਭਿਧੀਯਤੇ, ਅਤੋਯੇਵਾਯਂ ਬ੍ਯਤਿਰੇਕਵਿਭਤ੍ਤਿ (ਯਾਗਮ੍ਯਤੇ)… ਬ੍ਯਤਿਰਿਚ੍ਚਮਾਨਵਿਸੇਸਨਭੂਤਸਮ੍ਬਨ੍ਧਿਗਤਬ੍ਯਤਿਰੇਕਲਕ੍ਖਣਸਮ੍ਬਨ੍ਧਾਭਿ- ਧਾਨਪ੍ਪਵਤ੍ਤਿਤੋਤਿ, ਨੀਲਾਦਿਵਿਸੇਸਨਨ੍ਤੁ ਪਰਤ੍ਥਤ੍ਤੇਨਾਪ੍ਪਧਾਨਮ੍ਪਿ ਨ ਕਾਰਕਭਾਵਤੋ ਬ੍ਯਤਿਰਿਚ੍ਚਤਿ… ਨੀਲਾਦਿਸਦ੍ਦੇਨੁਪ੍ਪਲਾਦਿਦਬ੍ਬਾਭਿਧਾਨਤੋ, ਯਥਾ ‘ਨੀਲਮੁਪ੍ਪਲਮ੍ਪਸ੍ਸ, ਨੀਲੇਨੁਪ੍ਪਲੇਨ ਠਿਤਂ, ਨੀਲਸ੍ਸੁਪ੍ਪਲਸ੍ਸ ਗਨ੍ਧੋ’ਤਿ, ਯਦਾ ਤੁ ਨ ਵਿਸੇਸ੍ਸਪਵਤ੍ਤਿ ਤਦਾ ਬ੍ਯਤਿਰਿਚ੍ਚਤੇਵ ‘ਨੀਲਸ੍ਸ ਗੁਣਸ੍ਸ ਉਪ੍ਪਲਨ੍ਨਿਸ੍ਸਯੋ’ਤਿ ਕਾਰਕਭਾਵਲਕ੍ਖਣਾ ਪਧਾਨਭਾਵਾ ਬ੍ਯਤਿਰਿਚ੍ਚਤੇ ਏਵ ਨੀਲਾਦਿ, ਤਤੋ ਵਿਸੇਸਨਮੇਵਾਨੇਕਪ੍ਪਕਾਰਤਾਯਾਵ ਤਿਟ੍ਠਤੇ, ਤਤੋ ਵਿਸੇ- ਸਨਂ ਕਿਞ੍ਚਿਦੇਵ ਕਾਰਕਰੂਪਤੋ ਪਧਾਨਭਾਵਾ ਬ੍ਯਤਿਰਿਚ੍ਚਤੇਤਿ ਵਿਸੇਸਨ ਮਤ੍ਤੇਨਾਪਿ ਸੇਸਂ ਸਬ੍ਬਂ ਤਥਾ ਸਿਯਾਤਿ ਨਾਸਙ੍ਕਨੀਯਨ੍ਤਿ.

ਦ੍ਵੇਪੀਤਿ ਰਾਜਪੁਰਿਸਾ ਦ੍ਵੇਪਿ, ਤਤਿਯੇ ਗੇਹਸਙ੍ਖਾਤੇ ਸਮ੍ਬਨ੍ਧਿਨੀ. ਸਹਯੁਤ੍ਤਮ੍ਪਟਿਚ੍ਚ ਏਵਨ੍ਤਿ ਇਮਿਨਾ ਪੁਰਿਸਸ੍ਸ ਅਪ੍ਪਧਾਨਤ੍ਤਮੇਵ ਦੀਪੇਤਿ, ਅਭਿਮਤਾਤਿ ਪਾਣਿਨਿਯਾਨਂ ਸੁਤ੍ਤਨ੍ਤਰੇਨ ਅਭਿਮਤਾ, ਯਤੋ ਛਟ੍ਠੀਯ-ਮਤ੍ਤਨੋ ਮਤੇ ਸਮ੍ਬਨ੍ਧਨਿਸ੍ਸਯਾ, ਤੇਨਾਹ- ‘ਸਮ੍ਬਨ੍ਧਮੇਵਿ’ਚ੍ਚਾਦਿ, ਸਮ੍ਬਨ੍ਧੋ ਚੇਤ੍ਥ ਮਾਤੁ ਸਰਣਾਨਮਵਟ੍ਠਾਨਾਦਿਕਿਰਿਯਾਨਿਮਿਤ੍ਤੋਤਿ ਕੇਚਿ, ਅਞ੍ਞੇ ਤੁ ਸਰਣਸ੍ਸ ਕਿਰਿਯਾਰੂਪਤ੍ਤਾ ਕਿਰਿਯਨ੍ਤਰਮਨ੍ਤਰੇਨੇਵ ਦਬ੍ਬੇਨ ਸਮ੍ਬਨ੍ਧੋਪਪਤ੍ਤਿਮਾਹੁਯਥਾ ਦ੍ਵਿਨ੍ਨਂ ਜਤੁਕਤੋ ਸਂਸਿਲੇਸੋ, ਜਤੁਨੋ ਤੁ ਕਟ੍ਠੇਨਾਤ੍ਤਨਾਯੇਵ, ਨ ਜਤ੍ਵਨ੍ਤਰਕਤੋ ਸਂਸਿਲੇਸੋਤਿ. ਪਰੇਸਂ ਤਤਿਯਤ੍ਥੇ ਦੁਤਿਯਤ੍ਥੇ ਚ ਕਿਤਕਪ੍ਪਯੋਗੇ ਞ੍ਞਤ੍ਰਾਪਿ (ਪਞ੍ਚਮ੍ਯਤ੍ਥੇ) ਸਤ੍ਤਮ੍ਯਤ੍ਥੇ ਚ (‘‘ਛਟ੍ਠੀ ਚਾ’’) ਤਿ (੨-੬-੨੦) ਦੁਤਿਯਾ ਪਞ੍ਚਮੀਨਞ੍ਚਾ’’ਤਿ (੨-੬-੨੯) ਚ ਸੁਤ੍ਤਨ੍ਤਰੇਹਿ ਛਟ੍ਠੀਤਿਮਤਾ, ਤਸ੍ਸਾਪਿ ਵਤ੍ਤਿਚ੍ਛਾਤੋਵ ਸਾਧਿਤਭਾਵਂ ਦਸ੍ਸੇਤੁਮਾਹ-ਯਥਾਚੇਤ੍ਥਾਤਿਆਦਿ, ਏਤ੍ਥਾਪ੍ਯਾਦੋ ਉਦਾਹਰਣਦ੍ਵਯੇ ਸੁਤ੍ਤਨ੍ਤਰਮਨ੍ਤਰੇਨ ਸਮ੍ਪਦਾਨਤ੍ਤਾਭਾਵਾ ਸਮ੍ਬਨ੍ਧਵਚਨਿਚ੍ਛਾਯਮੇਵ ਪਰੇਸਮ੍ਪਿ ਛਟ੍ਠੀ, ਤੇਨਾਹ-‘ਏਤ੍ਥਾ’ਤਿਆਦਿ, ਬਹੁਲਨ੍ਤੀਮਸ੍ਸ ਅਤ੍ਥਂ ਦਸ੍ਸੇਤਿ ‘ਯਥਾ ਦਸ੍ਸਨ’ਨ੍ਤਿ, ਅਵਿਸਂਵਾਦਕਾਲੋਕਸ੍ਸਤ੍ਯਾਦਿਕਂ ਕਮ੍ਮੇ ਉਦਾਹਰਣਂ, ਪਞ੍ਚਮ੍ਯਤ੍ਥੇ ਪਨ ਵਤ੍ਤਿਚ੍ਛਾਤੋਵ ਸਬ੍ਬੇ ਤਸਨ੍ਤਿ ਦਣ੍ਡਸ੍ਸਾਤ੍ਯਾਦੀਨਿ ਉਦਾਹਰਣਾਨਿ ਵੇਦਿਤਬ੍ਬਾਨਿ.