੨੯. ਰਿਤੇ

ਯਦਿ ਵਜ੍ਜਨਕਿਰਿਯਾਯ ਸਮ੍ਬਜ੍ਝਮਾਨਸ੍ਸ ਕਮ੍ਮਤ੍ਤਾ ਕਮ੍ਮੇ ਦੁਤਿਯਾ, ਕਿਮਤ੍ਥਂ ਚਰਹਿ ਪੁਨ ਦੁਤਿਯਾਵਚਨਨ੍ਤਿ ਆਹ-‘ਪਟਿਪਦਵਿਧਾਨੇ’ਚ੍ਚਾਦਿ, ਪਟਿਪਦਂ ਉਜੁਕਮੇਵੋਚ੍ਚਾਰਿਤਂ ਵਿਧਾਨਂ ਯਸ੍ਸਾ ਸਾ ਪਟਿਪਦਵਿਧਾਨਾ, ਵਿਸੇਸਵਿਧਾਨ ਵਤੀਤ੍ਯਤ੍ਥੋ, ਯਜ੍ਜਤ੍ਰ ਦੁਤਿਯਾਵਚਨਂ ਨ ਸਿਯਾ ਤਦਾ ਰਿਤੇਸਦ੍ਦੇਨ ਯੋਗੇ ਉਜੁਕਂ ਵਿਧੀਯਮਾਨਾਯ ਪਞ੍ਚਮਿਯਾ ਦੁਤਿਯਾ ਬਾਧੀਯੇਥਾਤਿ ਮਞ੍ਞਤੇ. ਯਦ੍ਯਤ੍ਰ ਪਞ੍ਚਮਿਯਾ ਦੁਤਿਯਾਯ ਬਾਧਾਭਾਵੋ ਏਵ ਪਯੋਜਨਂ, ਏਵਞ੍ਚਰਹਿ ‘ਰਿਤੇ ਵਾ’ਤਿ ਸੁਤ੍ਤਯਿਤਬ੍ਬਂ ਏਵਂ ਸਤਿ ਪਕ੍ਖੇ ਦੁਤਿਯਾ ਚ ਭਵਿਸ੍ਸਤਿ, ਲਹੁ ਚ ਸੁਤ੍ਤਮ੍ਪਣੀਤਮ੍ਭਵਤੀ ਤ੍ਯਾਸਙ੍ਕਿਯ ਪਯੋਜਨਨ੍ਤਰਮਾਹ-‘ਉਤ੍ਤਰਤ੍ਥਞ੍ਚੇ’ਤਿ, ਅਤੋਯੇਵਾਤਿ ਉਤ੍ਤਰਤ੍ਥਤ੍ਤਾਯੇਵ, ਪੁਨ ਪਯੋਜਨਨ੍ਤਰਂਦੁਤਿਯਾ ਗਹਣਸ੍ਸ ਦਸ੍ਸਯਮਾਹ-‘ਵਿਭਤ੍ਯਨ੍ਤਰੇ’ਚ੍ਚਾਦਿ, ਆਹਚ੍ਚ ਕਣ੍ਠਾਦਿਟ੍ਠਾਨੇ ਵਾਯੁਨਾਆਹਨਿਤ੍ਵਾ ਆਹਰਿਤ੍ਵਾ ਵਾ ਵਚਨਂ ਆਹਚ੍ਚਵਚਨਂ, ਉਜੁਕਵਚਨਨ੍ਤਿ ਵੁਤ੍ਤਂ ਹੋਤਿ, ਵਿਭਤ੍ਯਨ੍ਤਰਂ ਛਟ੍ਠੀਵਿਭਤ੍ਤਿ, ਤਸ੍ਸ ਬ੍ਯੁਦਾਸਤ੍ਥਂ, ਨਿਰਾਸਤ੍ਥਨ੍ਤੁਤ੍ਥੋ, ਅਞ੍ਞਾਪੀਤਿ ਦੁਤਿਯਾਯ ਅਞ੍ਞਾ ਛਟ੍ਠੀਪਿ, ਪਕਤਾਯ ਪਞ੍ਚਮਿਯਾ ਸਮ੍ਬਨ੍ਧਨਤ੍ਥੋ ਪਕਤਸਮ੍ਬਨ੍ਧਨਤ੍ਥੋ.