੨੧. ਗੁਣੇ

ਉਪਾਧਿ ਵਿਸੇਸਨਂ, ਪਰਾਙ੍ਗਭੂਤੇਤਿ ਪਰਸ੍ਸ ਬਨ੍ਧਤ੍ਤਾ(ਦਿਨੋ) ਵਿਧਾਨਾ ਯਾਙ੍ਗਭੂਤੇ ਜਲ਼ਤ੍ਤਾਦਿਹੇਤੁਮ੍ਹੀਤਿ ਅਤ੍ਥੋ, ਇਮਿਨਾ ਗੁਣਸਦ੍ਦੋ ਯਮਪ੍ਪਧਾਨਵਚਨੋਤਿ ਵਦਤਿ, ਯਞ੍ਚਾਪ੍ਪਧਾਨਂ ਤਮ੍ਪਰਾਙ੍ਗਭੂਤਨ੍ਤਿ ਗੁਣੇਤੀਮਸ੍ਸ ‘ਪਰਾਙ੍ਗਭੂਤੇ’ਤਿ ਅਤ੍ਥਮਾਹ, ਯਞ੍ਹਿ ਪਰਤ੍ਥਮੁਪਾਦੀਯਤੇ ਤਦਪ੍ਪਧਾਨਮਨੁ ਵਾਦਰੂਪੇਨੋਪਾਦੀਯਮਾਨਤ੍ਤਾ, ਯਥਾ ‘ਜਲ਼ਤ੍ਤਾ ਬਦ੍ਧੋ, ਰੁਕ੍ਖੋ ਯਂ ਸੀਸ ਪਤ੍ਤਾ, ਅਗ੍ਗਿ ਏਤ੍ਥ ਧੁਮਤ੍ਤੇ’ਚ੍ਚਾਦਿ, ਤੇਨੇਵਾਹ-‘ਪਰਤ੍ਥਰੂਪਾਪਨ੍ਨ’ਨ੍ਤਿ, ਵਾਵਿਧਾਨਨ੍ਤਿ ‘‘ਵਿਭਾਸਾ ਗੁਣੇ-ਥਿਯਂ’’ਨ੍ਤਿ (੨-੩-੨੫) ਏਵਂ ਵਿਧਾਨਂ, ਇਤ੍ਥਿਯਨ੍ਤਿਆਦਿਨਾ ਪਞ੍ਚਮੀਰੂਪਸ੍ਸਪਿ ਅਭਿਮਤਭਾਵਂ ਦਸ੍ਸੇਤਿ, ਤੇਨੇਵਾਹ-‘ਉਭਯਤ੍ਥਾ’ਤਿਆਦਿ, ਨਨੁ ‘ਤੋ ਪਞ੍ਚਮ੍ਯਾ’’ਤਿ (੪-੯੫) ਸੁਤ੍ਤੇਨ ਤਦ੍ਧਿਤਪਚ੍ਚਯਨ੍ਤਸ੍ਸ ਕਥਂ ਪਞ੍ਚਮ੍ਯਨ੍ਤਤਾ ਤ੍ਯਾਸਙ੍ਕਿਯਾਹ-‘ਪਞ੍ਚਮਿਨਿਦ੍ਦੇਸੇ’ ਇਚ੍ਚਾਦਿ, ਇਮਿਨਾ ਸੁਤ੍ਤੇਨ ਪਞ੍ਚਮਿਯਾ ਵਿਨਾਤਿ ਯੋਜਨਾ, ਵਾ ਪਞ੍ਚਮਿਯਾ ਵਿਧਾਨਤੋ ਤਤਿਯਾਰੂਪੇਨਪਿ ਭਵਿਤਬ੍ਬਨ੍ਤਿ ਚੋਦਨਮਨਸਿ ਨਿਧਾਯ ਪਞ੍ਚਮ੍ਯੁ ਦਾਹਰਣੇਯੇਵ ਕਾਰਣਂ ਤਤਿਯੋਦਾਹਰਣਸ੍ਸ ਚ ਪਠਮੋਦਾਹਰਣਾਨੁਸਾਰੇਨਾਨੁ ਮਨ੍ਤਬ੍ਬਤਞ੍ਚਦਸ੍ਸੇਨ੍ਤੋ ਆਹ ‘ਪਞ੍ਚਮ੍ਯਾਯੇਵਿ’ਚ੍ਚਾਦਿ, ਅਭਾਵੇਨ ਸਙ੍ਖਾਰਨਿਰੋਧੇਨਾਤਿ ਤਤਿਯਨ੍ਤਰੂਪਾਨਿ.