੧੩੦. ਕੇਵਾ

ਹੋਤੁ ਸਿਤੋ-ਞ੍ਞਤ੍ਰਕੇ ਸਤਿ ਸਾਦੇਸੋ, ਸਿਮ੍ਹਿ ਤੁ ਕਪ੍ਪਚ੍ਚਯਾ ਪਠਮਮੇਵ ਕਤੋ ਮਸ੍ਸ ਸਾਦੇਸੋਤਿ ਤਪ੍ਪਚ੍ਚਯੇ ਸਤਿ ‘ਕੇਵਾ’ਤਿ ਕਿਂ ਸਾਮਞ੍ਞੇਨ ਸਾਦੇਸਵਿਧਾਨੇਨੇ ਤ੍ਯਾਸਙ੍ਕਿਯ ਸੁਤ੍ਤਸ੍ਸ ਸਾਮਞ੍ਞ ਵਿਧਾਨੇ ਫਲਂ ਦਸ੍ਸੇਤੁਂ ‘ਕੇਨੇਕਤ੍ਥਤਾਯਂ’ਤ੍ਯਾਦਿਮਾਹ, ਕੇਨੇਕਤ੍ਥਤਾਯਨ੍ਤਿ ਕਪ੍ਪਚ੍ਚਯੇਨ ਸਹ ਣਾਦਿਵੁਤ੍ਤਿਯਂ, ਪੁਬ੍ਬਭਾਗਸ੍ਸਾਤਿ ਅਸੁਭਾਗਸ੍ਸ ਪਦਤ੍ਤਾਭਾਵਾਤਿ ‘‘ਏਕਤ੍ਥਤਾਯਾ’’ਤਿ (੨-੧੧੯) ਵਿਭਤ੍ਤਿਯਾ ਪਦਤ੍ਤਸਾਧਿਕਾਯਾਪਗਮੇਨ ਪਦਤ੍ਤਾਭਾਵਾ, ਪਦਸਙ੍ਖਾਰਨਿਬਨ੍ਧਨੋਤਿ ਪਦ ਸਿਦ੍ਧਿ ਹੇਤੁਕੋ, ‘‘ਨਿਮਿਤ੍ਤਾਭਾਵੇ ਨੇਮਿਤ੍ਤਿਕਸ੍ਸਾਪ੍ਯਭਾਵੋ’’ਤਿ ਞਾਯਸ੍ਸਾਯਮਤ੍ਥੋ ‘‘ਨਿਮਿਤ੍ਤਂ ਕਾਰਣਂ ਹੇਤੂਤ੍ਯਨਤ੍ਥਨ੍ਤਰਂ, ਨਿਮਿਤ੍ਤਸ੍ਸ ਅਭਾਵੋ ਨਿਮਿਤ੍ਤਾਭਾਵੋ, ਤਸ੍ਮਿਂ ਨਿਮਿਤ੍ਤਾਭਾਵੇ ਹੇਤੁਵਿਨਾਸੇਤ੍ਯਤ੍ਥੋ, ਨਿਮਿਤ੍ਤਾ ਆਗਤੋ ਨੇਮਿਤ੍ਤਿਕੋ, ਫਲਭੂਤੋ ਧਮ੍ਮੋ, ਨਿਮਿਤ੍ਤੇ ਭਾਵੋ ਵਾ ਨੇਮਿਤ੍ਤਿਕੋ, ਨਿਮਿਤ੍ਤਸ੍ਸਾਭਾਵੇ ਤਂ ਹੇਤੁਤੋ ਪਵਤ੍ਤਸ੍ਸ ਨੇਮਿਤ੍ਤਿਕਸ੍ਸ ਫਲਸ੍ਸਾਪ੍ਯਭਾਵੋ ਭਵਤੀ’’ਤਿ, ਤਥਾਹਿ ਛਤ੍ਤਨਿਮਿਤ੍ਤਛਾਯਾ ਛਤ੍ਤਾਪਾਯੇਨ ਭਵਤਿ, ਪਦੀਪਨਿਮਿਤ੍ਤਦਸ੍ਸਨਂ ਪਦੀਪਾਪਾਯੇ ਨ ਭਾਤਿ, ਤਥੇਹਾਪਿ ਨਿਮਿਤ੍ਤਤੋ ਪਵਤ੍ਤਾਨਂ ਨਿਮਿਤ੍ਤਾਭਾਵੇ ਅਭਾਵੋਯੇਵ ਯੁਤ੍ਤਿ ਮਾਤਿ ਮਞ੍ਞਤੇ, ਅਞ੍ਞਤ੍ਰਚਾਤਿ ਸਿਤੋ ਅਞ੍ਞਤ੍ਰ ਚ.