੧੦. ਅਨੁ

ਨਤੁਲਕ੍ਖਣਨ੍ਤਿ ਸਚ੍ਚਕਿਰਿਯਾ ਵੁਟ੍ਠਿਯਾ ਹੇਤੁ ਹੋਤਿ, ਨ ਤੁ ਸਙ੍ਕੇਤੋਤਿ ਅਤ੍ਥੋ, ਹੇਤੁਤ੍ਤਾ ਲਕ੍ਖਣਤ੍ਤਾਭਾਵੇ ਸਚ੍ਚਕਿਰਿਯਾਯ ਕਥਂ ਲਕ੍ਖਣੇ ਦੁਤਿਯਾਤਿ ਹੇਤੁਤ੍ਤੇਪਿ ਲਕ੍ਖਣਤ੍ਤਮਸ੍ਸ ਸਾਧੇਨ੍ਤੋ ਸਾਧਮ੍ਮਪਯੋਗੇਨਾਨ੍ਵਯਮਾਹ-‘ਯਂ ਸਕਿਮ੍ਪਿ’ਚ੍ਚਾਦਿ, ਏਤ੍ਥ ਹਿ ਲਕ੍ਖਣਂ ਸਚ੍ਚ ਕਿਰਿਯਾਤਿ ਪਟਿਞ੍ਞਾ, [ਪਕ੍ਖੋ (ਪੋਤ੍ਥਕੇ)] ਸਕਿਮ੍ਪਿ ਨਿਮਿਤ੍ਤਤਾਯ ਕਪ੍ਪਨਤ੍ਤਾਤਿ ਹੇਤੁ, ਯਂ ਸਕਿਮ੍ਪਿ ਨਿਮਿਤ੍ਤਤਾਯ ਕਪ੍ਪਤੇ ਤਮ੍ਪਿ ਲਕ੍ਖਣਂ ਭਵਤਿ, ਯਥਾ’ਅਪਿ ਭਵਂ ਕਮਣ੍ਡਲੁਪਾਣਿਂ ਸਿਸ੍ਸਮਦ੍ਦਕ੍ਖੀ’ਤਿ ਸਾਧਮ੍ਮਪਯੋਗੇਨਾਨ੍ਵਯੋ ਦਟ੍ਠਬ੍ਬੋ, ਕਪ੍ਪਤੇਤਿ ਸਮਤ੍ਥੋਤਿ ਅਤ੍ਥੋ, ਕਮਣ੍ਡਲੁ ਪਾਣਿਮ੍ਹਿ ਅਸ੍ਸੇਤਿ ਕਮਣ੍ਡਲੁਪਾਣੀ, ਅਪੀਤਿ ਪਞ੍ਹੇ, ਕਦਾਚਿ ਕੇਨਚਿ ਕਮਣ੍ਡਲੁਪਾਣੀਸਿਸ੍ਸੋ ਦਿਟ੍ਠੋ ਸੋ ਤਮੇਵ ਦਸ੍ਸਨਂ ਲਕ੍ਖਣਂ ਕਤ੍ਵਾ ਪੁਚ੍ਛਤਿ ‘ਅਪਿ’ਤ੍ਯਾਦਿਨਾ, ਅਥ ਯਥਾ ਵੁਤ੍ਤੇਨ ਹੇਤੁਨੋਪਿ ਲਕ੍ਖਣਤ੍ਤਮਤ੍ਤੁ ਤਥਾਪਿ ਪਰਵਿਪ੍ਪਟਿਸੇਧੇਨ ਹੇਤੁਮ੍ਹਿ ਤਤਿਯਾ ਕਸ੍ਮਾ ਨ ਸਿਯਾਤਿ ਚੋਦਯਮਾਹ ‘ਨ ਨ੍ਵੇਵਮ੍ਪਿ’ਚ੍ਚਾਦਿ, ਪੁਬ੍ਬਵਿਪ੍ਪਟਿਸੇਧੇਨਾਤਿ ਅਪਵਾਦਪੁਬ੍ਬਵਿਪ੍ਪਟਿਸੇਧੇਨ, ਤਥਾਹਿ ਛਟ੍ਠਿਯਾ ਪਵਾਦੋ ਹੋਤਿ ਹੇਤੁਮ੍ਹਿ ਤਤਿਯਾਵਿਧਿ… ਸਮ੍ਬਨ੍ਧਛਟ੍ਠਿਯਾ ਪਤ੍ਤਾਯ ਹੇਤੁਤਤਿਯਾਵਿਧਾਨਤੋ ਉਪਪਦਵਿਭਤ੍ਤਿਵਿਧਿਪਿ ਛਟ੍ਠਿਯਾਪਵਾਦੋ… ਸਮ੍ਬਨ੍ਧਵਿਸੇਸਾਭਿਬ੍ਯਤ੍ਤਿਹੇਤੁਨੋਪਪਦੇਨ ਯੋਗੇ ਤਸ੍ਮਿਂਯੇਵ ਸਮ੍ਬਨ੍ਧੇ ਵਿਧਾਨਤੋ, ਤਤ੍ਥ ਹੇਤੁਤਤਿਯਾਵਕਾਸੋ ‘ਧਨੇਨ ਕੁਲ’ਨ੍ਤਿ, ਉਪਪਦਵਿਭਤ੍ਤਿਯਾਵਕਾਸੋ ‘ਰੁਕ੍ਖਮਨੁਵਿਜ੍ਜੋਤਤੇ’ਤਿ, ਸਚ੍ਚਕਿਰਿਯਮਨੁ ਪਾਵਸ੍ਸੀਤਿ ਤੁ ਹੇਤੁਮ੍ਹਿ ਲਕ੍ਖਣੇ-ਪਵਾਦਵਿਪ੍ਪਟਿਸੇਧੇ ਸਤਿ ਪੁਬ੍ਬਵਿਪ੍ਪਟਿਸੇਧੇਨ ਦੁਤਿਯਾ ਭਵਤਿ.