૧. એકાધિપ્પાયકથાવણ્ણના

૯૦૮. એક-સદ્દો અઞ્ઞત્થોપિ હોતિ ‘‘ઇત્થેકે અભિવદન્તી’’તિઆદીસુ વિય, અઞ્ઞત્તઞ્ચેત્થ રાગાધિપ્પાયતો વેદિતબ્બં, પુથુજ્જનસ્સ પન સછન્દરાગપરિભોગભાવતો આહ ‘‘રાગાધિપ્પાયતો અઞ્ઞાધિપ્પાયોવાતિ વુત્તં હોતી’’તિ. કો પન સો અઞ્ઞાધિપ્પાયોતિ? કરુણાધિપ્પાયો. તેન વુત્તં ‘‘કરુણાધિપ્પાયેન એકાધિપ્પાયો’’તિ. અયઞ્ચ નયો ઇત્થિયા જીવિતરક્ખણત્થં કારુઞ્ઞેન મનોરથં પૂરેન્તસ્સ બોધિસત્તસ્સ સંવરવિનાસો ન હોતીતિ એવંવાદિનં પરવાદિં સન્ધાય વુત્તો, પણિધાનાધિપ્પાયવાદિનં પન સન્ધાય ‘‘એકો અધિપ્પાયોતિ એત્થા’’તિઆદિ વુત્તં. પુત્તમુખદસ્સનાધિપ્પાયોપિ એત્થેવ સઙ્ગહં ગતોતિ દટ્ઠબ્બં. એકતોભાવેતિ સહભાવે.

એકાધિપ્પાયકથાવણ્ણના નિટ્ઠિતા.