૫-૭. તિસ્સોપિકથાવણ્ણના

૮૯૮-૯૦૦. અરહત્તપ્પત્તિપિ ગબ્ભેયેવ અત્થીતિ મઞ્ઞતિ. સત્તવસ્સિકા હિ સોપાકસામણેરાદયો અરહત્તં પત્તા. સત્તવસ્સિકોપિ ગબ્ભો અત્થીતિ પરવાદિનો અધિપ્પાયો. આકાસેન ગચ્છન્તો વિય સુપિનં આકાસસુપિનં. તં અભિઞ્ઞાનિબ્બત્તં મઞ્ઞતીતિ નિદસ્સનં કત્વા દસ્સેન્તો આહ ‘‘આકાસગમનાદિઅભિઞ્ઞા વિયા’’તિ. હેટ્ઠિમાનં ચતુન્નં વા મગ્ગાનં અધિગમેન ધમ્માભિસમયો અગ્ગફલાધિગમેન અરહત્તપ્પત્તિ ચ સુપિને અત્થીતિ મઞ્ઞતીતિ યોજના.

તિસ્સોપિકથાવણ્ણના નિટ્ઠિતા.