૪. ઞાણકથાવણ્ણના

૬૧૪-૬૧૫. ‘‘અન્ધકા’’તિ વુત્તા પુબ્બસેલિયઅપરસેલિયરાજગિરિકસિદ્ધત્થિકાપિ યેભુય્યેન મહાસઙ્ઘિકા એવાતિ વુત્તં ‘‘પુબ્બે…પે… ભવેય્યુ’’ન્તિ. તત્થ અઞ્ઞેતિ વચનં દ્વિન્નં કથાનં ઉજુવિપચ્ચનીકભાવતો. પુરિમકાનઞ્હિ ચક્ખુવિઞ્ઞાણાદિસમઙ્ગી ‘‘ઞાણી’’તિ વુચ્ચતિ, ઇમેસં સો એવ ‘‘ઞાણી’’તિ ન વત્તબ્બોતિ વુત્તો. રાગવિગમો રાગસ્સ સમુચ્છિન્દનં, તથા અઞ્ઞાણવિગમો. યથા સમુચ્છિન્નાવિજ્જો ‘‘ઞાણી’’તિ, પટિપક્ખતો ‘‘અઞ્ઞાણી’’તિ, એવં અસમુચ્છિન્નાવિજ્જો ‘‘અઞ્ઞાણી’’તિ, પટિપક્ખતો ‘‘ઞાણી’’તિ વુત્તો. અઞ્ઞાણસ્સ વિગતત્તા સો ‘‘ઞાણી’’તિ વત્તબ્બતં આપજ્જતિ, ન પન સતતં સમિતં ઞાણસ્સ પવત્તનતોતિ અધિપ્પાયો.

ઞાણકથાવણ્ણના નિટ્ઠિતા.