૧૪. ચુદ્દસમનયો વિપ્પયુત્તેનસઙ્ગહિતાસઙ્ગહિતપદવણ્ણના

૪૫૬. ધમ્મસભાવમત્તત્તાતિ સભાવધમ્માનં ધમ્મમત્તત્તા અવત્થાવિસેસમત્તત્તા.

સમુચ્છિજ્જતિ એતેનાતિ સમુચ્છેદો. સઙ્ગહાદિવિચારપરિનિટ્ઠાનભૂતો ચુદ્દસમનયો. તેનાહ ‘‘પરિયોસાને નયે’’તિ. વિસ્સજ્જેતબ્બધમ્મવિવિત્તા પુચ્છા મોઘપુચ્છા, સા તથાભૂતાપિ વિસ્સજ્જેતબ્બધમ્માભાવસ્સ ઞાપિકા હોતીતિ આહ ‘‘તેસં પુચ્છાય મોઘત્તા તે ન લબ્ભન્તી’’તિ. મોઘા પુચ્છા એતસ્સાતિ મોઘપુચ્છકો. અટ્ઠમો નયો તત્થ સબ્બપુચ્છાનં મોઘત્તા. તેન ચ સહાતિ તેન અટ્ઠમનયેન સદ્ધિં ઇમસ્મિં ઓસાનનયે અટ્ઠમનયે ચ ઓસાનનયે ચ એતે ધમ્માયતનાદયો સબ્બપ્પકારેન ન લબ્ભન્તિ. વિપ્પયોગસ્સપિ અભાવાતિ તત્થ કારણમાહ.

ચુદ્દસમનયવિપ્પયુત્તેનસઙ્ગહિતાસઙ્ગહિતપદવણ્ણના નિટ્ઠિતા.

ધાતુકથાપકરણ-અનુટીકા સમત્તા.