૬. દુતિયપવારણાસિક્ખાપદવણ્ણના

૨૪૩. છટ્ઠે સાધારણમેવાતિ ‘‘હન્દ ભિક્ખુ ખાદ વા’’તિઆદિના વુત્તપવારણાય સાધારણં. ‘‘ભુત્તસ્મિં પાચિત્તિય’’ન્તિ માતિકાયં વુત્તત્તા ભોજનપરિયોસાને આપત્તિ, ન અજ્ઝોહારે અજ્ઝોહારે. અભિહટ્ઠું પવારેતિ, આપત્તિ પાચિત્તિયસ્સાતિ ઇદઞ્ચ ભોજનપરિયોસાનંયેવ સન્ધાય વુત્તન્તિ વેદિતબ્બં. સેસમેત્થ ઉત્તાનમેવ. પવારિતતા, પવારિતસઞ્ઞિતા, આસાદનાપેક્ખતા, અનતિરિત્તેન અભિહટ્ઠું પવારણા, ભોજનપરિયોસાનન્તિ ઇમાનિ પનેત્થ પઞ્ચ અઙ્ગાનિ.

દુતિયપવારણાસિક્ખાપદવણ્ણના નિટ્ઠિતા.