અધિકરણપચ્ચયકથાવણ્ણના

૨૮૫. વિવાદાધિકરણમ્હાતિ ‘‘અધમ્મં ‘ધમ્મો’તિ દીપેતી’’તિઆદિનયપ્પવત્તા અટ્ઠારસભેદકરવત્થુનિસ્સિતા વિવાદાધિકરણમ્હા.

૨૮૬. ઉપસમ્પન્નં ઓમસતો ભિક્ખુસ્સ પાચિત્તિ હોતીતિ યોજના.

૨૮૭. અનુવાદાધિકરણપચ્ચયાતિ ચોદનાપરનામધેય્યં અનુવાદાધિકરણમેવ પચ્ચયો, તસ્મા, અનુવાદનાધિકરણહેતૂતિ અત્થો.

૨૮૯. ‘‘તથા’’તિ ઇમિના અમૂલકત્તં અતિદિસતિ.

૨૯૦. આપત્તિપચ્ચયાતિ આપત્તાધિકરણપચ્ચયા.

૨૯૩. કિચ્ચાધિકરણપચ્ચયાતિ અપલોકનાદિચતુબ્બિધકમ્મસઙ્ખાતકિચ્ચાધિકરણહેતુ.

૨૯૪. અચ્ચજન્તીવાતિ અત્તનો લદ્ધિં અપરિચ્ચજન્તી એવ.

૨૯૭. પાપિકાય દિટ્ઠિયા પરિચ્ચજનત્થાય કતાય યાવતતિયકં સમનુભાસનાય તં દિટ્ઠિં અચ્ચજન્તિયા તસ્સા ભિક્ખુનિયા, તસ્સ ભિક્ખુસ્સ ચ અચ્ચજતો પાચિત્તિ હોતીતિ યોજના.

ઇતિ ઉત્તરે લીનત્થપકાસનિયા

અધિકરણપચ્ચયકથાવણ્ણના નિટ્ઠિતા.